يا ريت شرح مبسط لتغيير غطاء الفتيس الجلد حول ذراع الفتيس.او رابط ان امكن.
عرض للطباعة
يا ريت شرح مبسط لتغيير غطاء الفتيس الجلد حول ذراع الفتيس.او رابط ان امكن.
ياباشا الموضوع اسهل من كدة بكتيييير
انتا الاول قصدك على القمع الجلد اللى حوالين ذراع الفتيس اللى فى الصالون مش كدة
لو دة قصدك يبقى عليك وعلى اى سروجى هيغيرهولك بواحد جلد جديد وهيتكلف مابين 20 الى 35 جنية حسب المصنعية فقط لا غير وهتلاحظ فرق نظافة كبيير
وابقى قلنا عملت اية
عندي اتقطع و بقى منظره عار لو فعلا زي ما بتقولوا يبقى زي الفل
مفيش ترشيح بقى لسروجي ابن حلال في مدينة نصر؟
مهو موجود عند ابو الحسن يا باشا... بتاع اللانوس ب40 تقريبا
MMamdouh
المفروض ان دي مش رفايع ياباشا ، دي حاجات يا إما تفتح نفسك لركوب العربية او تسد نفسك منها.
وحياتك عندي بتوع قطع الغيار بيعتبروها زيادات ملهاش لزمة علشان العربية بتمشي من غيرها
هو إنت حاولت تفوق الكنسول بتاع الفتيس وتبص ولا لأ
هو بيبقى قطعة بلاستيك مربعة الجلد متحزم حواليها ودي بتبقى بكلبسات وفكها سهل
التغيير سهل جدا
زق قاعدة الغطاء الجلد اللى ناحية التابلوة فى اتجاة عصاية الفتيس هتلاقى القاعدة اتخلعت من مكانها
اقلب الغطا الجلد لحد ما توصل للحتة اللى راكب فيها الغطا على عصاية الفتيس نفسها هتلاقى كولية شريط بلاستيك اقطعة بقصافة
بعد ما تشيل الغطاء القديم ركب الجديد على العصاية
استعمل الكولية البلاستيك (بيبقى موجود مع الغطاء الاصلى) لتثبيت الجزء العلوى من الغطا على عصاية الفتيس و قط اى زيادة من الكولية بالقصافة
ركب طرف القاعدة السفلى فى مكانة (اللى ناحية فرامل اليد
اضغط على الجزء الامامى و انت بتركبة عشان يثبت مكانة... و شكرا
MMamdouh