الموضوع: أفيدوني في نوبيرا 1 وفي اسعار قطع الغيار

دلوقتى انا معايا العربية دى بس انا الحمد لله
فكيت الحظر بتاعها قبل ما يتقفل على طول (كان زمانى ماشى بطارد من المرور ومتأيد فى السفر)
دلوقتى هيا العربية دى عدى عاليها كام سنة 3سنين ولا 5سنين
لو عدت 3سنين يبقى فك الحظر ب10000ج تقريبا المفروض كدة هو هيدفع المبلغ دة يا اما يخصمة من تمنها ويفضل يخصمة .
لو عدى 5سنين يبقى هتدفع بعد 6شهور ال50ج دول وهتحاول تستخبى شوية لحد ما الفترة دى تعدى وهو يتكفل بمصاريف فك الحظر ونقل الملكية وكل الاجراءات دى بس تخلى بالك لو لقدر الله اتمسكت بيها هيتصلوا بالجمارك وهتدفع 10000ج بتوع فك الحظر +2000ج غرامة عشان العربية لايقودها الا مالكها .
يعنى دلوقتى لو عدت ال3سنين حتى لو فك الحظر بتعها مش هتتكتب بأسمك غير بعد ال5سنين وهتاخد ضمناتك منة واعتقد هيعملك توكيل و كدة الجمارك ملهاش حاجة عندك وهتمشى قانونى..... بس اتأكد من النقطة دى كويس .
عدت ال 5سنين يبقى مصلحة ومتجازفش ال6شهور دول بشرط هو يتكفل فى اى مصاريف سواء الجمارك او المرور . وبجد فرصة كويسة العربية دى لما بتكون حالتها زى دى متتسبش بصراحة حمارة شغل عيبها الوحيد المقصات فقط معايا اما لولسة فى اول 3سنين ابعد عن الشر ووجع الدماغ والقرف وغنيلة .. انت جايب عربية عشان تسعدك مش تأيدك وهيا عموما العربية سعرها خالصة الجمارك 40الف لو مفهاش ولا كلمة ومش محتاجة جنية مصاريف غير كدة هتكر فى السعر وانصحك لو حصلك نصيب فيها تاخدها بنزينة وتكشف على العربية كلها تكبس المكنة وتبص على دورة التبريد والعفشة والتكييف وعلى اسسيات العربية قبل ما تخلص فيها واى اى حاجة نزل من ال40 ....
بس اهم حاجة تفهم اللى قولتلك علية