أخواني الأحباب
كان عندي مشكلة في الموبينة بتاعة العربية (دايو لانوس 99، كوري، 76ألف ك، بنزين 90) المهم كنت بشم ريحة بنزين ني من الشكمان وبكثرة ، وكان استهلاكها للبترول ابتدا يزيد بصورة كبيرة، رغم إن استهلاكها قبل المشلكة دي كان ممتاز يعني كانت بتعمل 240ك في الصفيحة 20 لتر، غيرت الحمد لله الموبينة بواحدة جديدة أصلية جبتها من الوكالة بتاعتها بأبو ظبي، وانتظمت العربية صوت الموتور ارتاح خالص، بطلت الرجة اللي كانت فيها على السلانسيه، استهلاك البترول رجع لطبيعته، لكن النهاردة الصبح بدور العربية، اشتغلت على طول لكن وهي بتسخن شميت ريحة بنزين ني، لكن بسيطة خالص، مش زي الأول، فكنت عاوز أعرف أي أسباب ريحة البنزين الني:
غير البوجيهات والسلوك والموبينة، هي فيه أسباب تانية
عذراً على الإطالة