السلام عليكم ورحمه الله وبركاته
الحمد لله اشتريت عربيه لانوس موديل 2000 ودى اول عربيه اركبها ...ياريت تدعولى ان ربنا يباركلى فيها ويدينى خيرها ويكفينى شرها يارب .
انا اسمع ان المفروض زيت وفلتر وسير كاتينه .
هل دول بس اللى يتغيروا والا فيه حاجات تانيه تتغير ؟ وياريت لو فيه اماكن قريبه من حلوان اقدر اعمل فيها السرفس ده ولو حد عنده رينج الاسعار وايه افضل حاجه من الحاجات دى موجوده اكون شاكر ليكم جدا
معلش طولت عليكم بس اعذرونى (لسه مبتديء بقي )
مبروك على السيارة يا باشا واهلا بيك فالمنتدي ..... المفروش تغير الاتي
سير كاتينة وسير دينامو وسير تكييف وهات gm أصلي أو gets انجليزي
فلتر بنزين وفلتر زيت وفلتر هوا هات برضه gm اصلي
طقم بوجيهات وسلوك بوجيهات هات ngk مقاس 21 شمعة واحدة
وكمان خلى الميكانيكي ينظلفف بلف الايديال والبوابة والرشاشات ويشيكلك على تيل الفرامل
والحاجات دي تقريبا سعرها هتلاقيه فقطع الغيار وتكلفة التركيب حوالى من 100 ل 150 جنيه
ومبروك عليك يا باشا
أولا ألف مبروك وربنا يباركلك فيها ويستر طريقك ويرزقك خيرها ويبعد عنك شرها . ثانيا :يا ريت تغير كل السيور أفضل وتعمل تربيط على العفشة وتخلى الميكانيكى يبص بصة سريعة مع مراجعة على كل حاجة رشاشات وكهرباء وبوجيهات وتراجع أهم حاجة كل السوائل بتاعت العربية ريداتير وزيت الموتور والباور والبطارية وماية المساحات كل حاجة .وتشترى قطع الغيار الآصلية يفضل من التوكيل .وربنا يسترها معاك ومعانا جميعا والله الموفق والمستعان
مبرول علي السيارة واضيف علي الرد السابق
تغيير زيت الماتور طبعاً
متشكر جدا ليكم وبجد انا فعلا مبسوط لانضمامى ليكم هنا فى منتدى رائع زى ده
الف شكر
الف مبروك يا باشا و ربنا يحفظهالك
الف مبروك يا باشا وربنا يحافظلك عليها
احسن واحد انا بتعامل معاه في حلوان في العزبة القبلية اسمه سيد شراب امام بوسطة البريد شاطر وحنين في اسعاره وان شاء الله تدعيلي
أكتب كل الأرشادات السابقه.
مع الوقوف على حاله الكاوتش لان هذه النقطه مهمه جدا.
بمعنى لو كويسين سيبهم.لو تعبانين لازم تغيرهم.
الرابط ده اتصفحه هيعرفك أكثر وموضح فيه متى تغير الكاوتش.
http://www.nilemotors.net/Nile/245739-a.html
الف مبروك على العربيه ياباشا وتعمل بالضبط زي ماقالوا الشبال سيور بوجيهات فلاتر وشكرا على كده
ربنا يديك خيرها ويكفيك شرها بس اتمنى نعرف حضرتك اشترتها بكام لمعرفه سعر السوق
انا برضو معايا لانوس 2000 بفكر ابيعها لانوس 2
ألف مبروك ياباشا
أهم حاجه سوق على مهلك علشان الركوبه الأولى بيكون ليها فرحه
وبتكون عايز تجري بسرعه بالعربيه وتلفت الإنتباه وتعلي الكاسيت بقه علشان تلفت نظر الناس
خد بالك علشان لفت الإنتباه دي حاجه مش كويسه لأنك بتتعرض للعين والحسد ودي أخطر حاجه
طبعا مش هازيد عن الرجاله حاجه
غير إنك ضروري تعمل دورة ميا للعربيه وتحط ميه خضرا موبيل وحط تحت موبيل مليون خط
علشان أي ميا خضرا تجاري أو إستثماري هاتبوطلك العربيه
طبعا السيور تروح للميكانيكي يبص عليها ويشوفلك إللي محتاج تغيير بس تغيره
علشان متكلفش نفسك تكاليف مش ليها لازمه
الفلاتر كلها زيت وبنزين تغيرها كل 10000 كيلو
وربنا يحفظك ويحفظهالك
الف مبروك وربنا يباركلك فيها ويكفيك شرها معلش لو فيها رزالة جبتها بيكام عشان الواحد بس يعرف الاسعارعاملة اية دلواتى