بعد إذن السادة خبراء ميتسوبيشي كنت عايز أعرف أيهما أفضل البومة و لا الشارك بدون تحيز من حيث القوة والثبات وقطع الغيار والوسع وخلافه علشان ناوي إن شاء الله أشتري بس أعرف المقارنة لصالح مين وبعدها آخد قرار ،،،،،،،،،،،،،،، شكراااااااااااااااااااً
عرض للطباعة
بعد إذن السادة خبراء ميتسوبيشي كنت عايز أعرف أيهما أفضل البومة و لا الشارك بدون تحيز من حيث القوة والثبات وقطع الغيار والوسع وخلافه علشان ناوي إن شاء الله أشتري بس أعرف المقارنة لصالح مين وبعدها آخد قرار ،،،،،،،،،،،،،،، شكراااااااااااااااااااً
الشارك طبعا افضل فى كل حاجة فيما عدا:
1- سعر اعادة البيع
2- الشنطة اصغر من البومة
السلام عليكم
الشارك افضل
*من حيث الثبات ما شاء الله بجد ممتازة
*من حيث القوة,,ماتورها سحبه كويس جدا
*من حيث الوسع,,الشارك اوسع من البومة باستثناء الشنطة اضيق بسيط من البومة
و ده راجع لان الاستبن اللي بتنزل بيه الشارك مقاس كبير 205/60/16
لكن لو حضرتك استبدله باستبن اصغر,,الشنطة حتفرق معاك جامد
*من حيث قطع الغيار,,اسعار قطع غيار البومة و الشارك متقاربة و ان كان فيه حاجات في الشارك اعلى شوية
في المجمل العربية محترمة جداااا
و ربنا يفوقك للي في الخير
و اي استفسار انا تحت امرك
الشارك طبعا
شكراً لمن رد على سؤالي ولكن لايكفي ثلاثة آراء برجاء المزيد
من حكم امتلاكي للعربيتين دول فئة الهاي لاين فهم الاتنين احسن من بعض
البومة ميزتها القوية عن الشارك انتشار قطع الغيار وسهولة صيانتها وسعر اعادة البيع وسحبها فالاول لغاية 120 احسن من الشارك لكن بعد كده الشارك تعدي
اما الشارك فهي افضل من البومة من جميع النواحي لانها تطوير شامل للبومة لكن مش اي حد يشتغل فيها
لو مش فارق معاك اعادة البيع يبقي هات الشارك وانت مطمن ومغمض لانك فعلا هتحبها من اول مرة هتركبها فيها ولو كانت هاي لاين يبقي انت كده مالاخر
وربنا يوفقك في الاختيار......
على فكرة يا خالد انا طلعت من بومة بعدد شعر راسي و من الصفر كمان الشارك اعلى من البومة في التسارع والتوب سبيد كمان
بامانه خليك فى البومه لسهولة الصيانه وسعر اعادة البيع
والله انا معايا واحد قريبى تاجر سيارات وفاتح معرض
والله الشارك ماليها سوق خاااااااااااااااااالص
وكنت من كام يوم شايف واحد معاه شارك بيشد قدام نيو اللنترا والله الالنترا اكتسحت من الصفر ولغاية النهاية كانت حوالى 2ك الطريق
وبراحتك طبعا
واسف لو زعت حد من الى معاهم شارك بس انا بقول على الى شوفته والله انا اصلا معى لانسر مكوه فمعرفش الاتنين خصوصا انى لا سوقة الشارك ولا النيو اللنترا
ههههههههههههههه معلش اصلي بطني وجعتني من الضحك حبيبي ازاي المسافه الي تم فيها السباق كانت 2 كيلو وفارق الالنترا سبقت الشارك بحولي 2 كيلو متر معني ذالك الالنترا انطلقت بجناحيها في السماء وقطعت مسافه 2 كيلو والشارك المسكينه لسه صاحبها بيدورها علشان يطلع ههههههههههههههه لالالا كومنت ثانكث
اولا شكرا لكل الى علق على الكومنت
بس انا قصدى ان المسافه كانت 2 ك والالنترا كانت فارقه عن الشارك مقولتش بفرق 2ك بس كانت بردوا الشارك مش جيباها فرق قليل بس بردوا طحناها
وشكرااااا على ذوقكم فى الردود واسف للتدخل بس دى وجهة نظرى (الشارك سوقها واقع )
الى كل من يعشق الفخامه والراحه والمايفيك والتسارع والذى منه الخ فعليه بالشارك ده غير ان الشارك لسه ماحدش عملها تاكسى وبعدين ازاى معدلة البومه وليست افضل من البومه لا طبعا فهى افضل من البومه وبمراحل كمان اما البومه فراحت عليها تاكسى خلاص طيب بزمتكوا لو عملنا الشارك تاكسى تليق فى تاكسى لا طبعا بودى شيك وجميل وروعه وشبابى وعواجيزى . احترامى لكل الاراء
ههههههههههههه والنبي سكر حضرتك ماتقارنش الشارك الهونداي ممكن تقارنها بالعربيه الي معاك المكوه لانها وقعت من زمان وفشلت ومنزلشي منها تاني هيه انتاج من 2001 الي 2002 وشكرا عارف عربيه زي الي معاك سعرها ارخص من دايو نوبيرا دلوقتي من 46 الف الي 50 الف الكريستاله اغلي منها بكتييييييييير لو نضيفه ومتعدله بخلاف الشارك نزلت 2007 و2008 و2009 و2011 كمان ده في مصر اما برااا نزلت كتير في كل السنين من 2007 الي الان :majd(4):
كرولا 93 هههههههههه تساوي دلوقتي 34 االف والنضيفه اوي منها يعمل 40 ده لو الخواجه نايم في الشنطه هههههههههههههههههه
احنا في عام 2012 كل سنه وحضرتك طيب
ههههههههههههه والنبي سكر حضرتك ماتقارنش الشارك الهونداي ممكن تقارنها بالعربيه الي معاك المكوه لانها وقعت من زمان وفشلت ومنزلشي منها تاني هيه انتاج من 2001 الي 2002 وشكرا عارف عربيه زي الي معاك سعرها ارخص من دايو نوبيرا دلوقتي من 46 الف الي 50 الف الكريستاله اغلي منها بكتييييييييير لو نضيفه ومتعدله بخلاف الشارك نزلت 2007 و2008 و2009 و2011 كمان ده في مصر اما برااا نزلت كتير في كل السنين من 2007 الي الان :majd(4):
انا ماليش اي اعتراض علي اي كلمه اتقالت فيما عدا ان المكواه انتاج 2001 و 2002 فقط
البومه هي فيس ليفت للمكواه يعني البومه ما هي الا لانسر مكواه بكل ما تحتوي فيما عدا التغيير في شكل هيكل البودي الخارجي فقط و ذلك لأسباب تسويقيه بحته لفشل شكل المكواه و عدم استجابه السوق له
فيما عدا ذلك السيارتين واحد من 2001 و حتي اليوم .
تحياتي .
مع احترامي للجميع والاراء اكيد هاتكون مختلفة وده طبيعة الدنيا ومصلحة التجار بس الاستاذ اللي بيقول ان الشارك بتجيب تسارع من صفر ل 100 حضرتك اتاكد من ساعتك كويس ... انا جربت النوعين شارك وبومة والشارك كفاخمة وتكنولوجيا ماقدرش انكر انها احسن من البومة بكتير وخصوصا لو هاي لاين .. والاستاذ اللي عدا البومة بعدد شعر راسه حضرتك سالت البومة اللي عديتها 1300 ولا 1600 ؟ لان بصراحة انا كان معايا لانسر كلاسيك 2007 ورميت وراريا 2 شارك هاي لاين على الدائي والثانية مصر اسكندرية الصحراوي وغيرت دلوقتي لانسر بومة سام 2010 ( مش عشقا اني ماشوفتش غيرها بس حكم من الاهل عليها اكتر من الشارك ) ثبات ثبات الشارك حلو بس ماعتقدش ان ثبات البومة اقل منه خصوصا وانا مجربها بغرز من 170 - 190 والشارك مجربها 1500 سي سي و 2000 سي سي بصراحة ماحستش فيها ثبات البومة خصوصا لو الطريق تمهيده مش اوي مع ان نقطة الثبات ده بعتبرها تقارب بين الاتنين مع جنط نضيف وتحسينات ممكن تساوي بالاتنين بس في الاخر الراي رايك انت حضرتك بتتكلم عن ثبات على سرعة كام يعني 120 130 140 اكيد هاتلاقيها كويسة لان هي في الاخر مش صيني ولا اي نوع تعبان وليه طالما في ايد حضرتك الاختبار ماتركبش اوسع واريح ليه زي الشارك فعلا وسعها احسن من الشارك وشكلها داخليا احسن في روح معرض والاتنين قدامك وقارن بنفسك وعلى فكرة سحبها مش وحش خالص المفروض موتورها مايفك يعني في تقارب بين البومة والشارك على قد فهمي الصغير فيهم ... البومة عشان من زمان فاثابتة كفاءةطبعا بس الناس بتخاف من تجربة تطور تكنولوجيا زي الشارك عشان ماسمعوش عنها اللي نفسهم فيه بس كمان من الاخر حضرتك انت بتتكلم في ياباني مش الماني مع مرعاة فرق السعر طبعا فاهاتلاقي ان فئات الياباني متقاربة بانوعاها وان وجد الاختلاف فهو بسيط مش عظيم يعني
مع احترامي للجميع واسف للاطالة
البومة يا باشا اللي كنت بطلع منه كله سام 1600 وانا هكلمك بالعقل والارقام
الشارك 109 حصان عند 6000 لفة في الدقيقة وعزم 149 نيوتن عند 4000 لفة في الدقيقة
البومة 105 حصان عند 6000 لفة في الدقيقة و عزم 148 نيوتن عند 4800 لفة في الدقيقة
بالعقل كدة مين اللي هتطلع من التانية؟؟؟؟؟؟؟؟؟؟؟؟؟؟ ده لو الاتنين بيسوقو كويس
بالنسبة للثبات الشارك قاعدة عجلاتها اطول من البومة بفرق واضح وكمان اطول في البودي من البومة واعرض من البومة ده غير تصميم جسمها ومقاومته للهواء اقل بكتير من البومة وبيساعد في ثبات اكتر من البومة وفي نفس الوقت جهد اقل للموتور في التسارع و كمان التوب سبيد
طبعا الفروق في الوسع والفخامة وقوة التكييف والعفشة المريحة وجمال الشكل والتصميم كل ده في صالح الشارك
البومة عربية حلوة وقت ما نزلت لكن دلوقتي مينفعش تتقارن مع الشارك في اي حاجة لان الشارك تطوير البومة ومتفهمنيش ان ميتسوبيشي هترجع لورا
وانا يا باشا لما اقول اني طلعت من كذا بومة اكيد مبشتغلش الناس لاني كنت بشد مع ناس صحابي ومعاهم البومة سوبر اكشن وكانو زي حضرتك كدة فاكرين البومة اسرع لكن مع التجربة مفيش الكلام ده خالص والشارك طلعت
حضرتك نسيبت عامل مهم مع الكلام الجميل اللي حضرتك قلتو وان كان حاجات كتير ممكن تاثر على الكلام اللي قلتو والفرق مايجيش عن طريق 3 4 حصان بس يديك فرق عظيم زي ماقلت بس ممكن ترجع للكتالوج وتراجع اوزانهم وهاتعرف ان مش كل حاجة عزم او ازيد ب 3 حصان بالنسبة للثبات والحركة الايروديناميكية للعربية مش هاتحدد بطول قاعدة عجلات طبعا بس انت جربت البومة وعديتها وانا مافيش شارك عدت بصراخة غير واحدة وكانت البومة فارقة لحد 195 بعد كدا هوه عدا ده صراحة وطبعا ماقدرش انكر شارك ب 2 كامة وماتور مايفيك انها اكيد ماتتقارنش بالبومة عشان ده تطوير غيرها للاحسن طبعا بالنسبة للعفشة وتكيف وجمال الشارك يكسب بالنسبالي وان كان عند بعض الناس بتكون مقياس في الجمال في كتر البساطة بس انا جربتها كذا مرة ولعلم حضرتك صافي البومة هورس باور 107.3 ده انا متاكد منها بالنسبة للشارك شوفتها في المعرض مككتوب عليها 105 حصان مش 109 مع احترامي ليك ولتقبلك الكلام
بصراحة طريقة نقاشكم فى العربيات غريبة جدا ومش منطقية بالمرة اساسا
اسف محدش يزعل منى بس كل واحد فيكم بيدافع عن وجهة نظرة بشراسة شديدة مبنية اساسا على تعليلات تافهة شديت مع بومة شديت مع شارك مع النترا .........الخ
وفى الاخر صاحب الموضوع تشتت بينكم وهايبنى قراره فى شراء العربية على اسباب اسف اسف اسف جدا متخلفة
لما واحد يطلب نصيحتكم بين عربيتين تكون مشاركتك مفيدة او متشاركش خالص وقوله ربنا يوفقك لما فيه الخير واستخير ربنا
او انك تقوله المميزات والعيوب المنطقية مش الشد و الجذب
هو علشان انت بتلبس كلاسيك يبقى الكاجوال مش حلو اصله ضيق وبتبقى مش واخد راحتك والعكس اصل الكلاسيك واسع ومش شيك قوى يا جماعة كل واحد له ذوق معين فى كل حاجة
واخيرا من قال لا اعلم فقد افتى
حضرتك هات شارك موديل السنه الى فاتت وهات بومه موديل السنه الى فاتت وحطهم فى معرض وشوف مين يتباع الاول وكل واحده هتفقد من سعرها كان
مين الاكتر
على فكره انا عربيتى جايبه 65000 الاسبوع الى فات مش 50 وبعدين التويوتا الى انت بتتريق عليها دى كانت معايا من 3 سنين
ومعلش حضرتك بتناقش من غير علم يعنى انت مش بتعرف تركب ولا بتتكلم فى الواقع خالص
وكان نفسى ارد على حضرتك بس اسلوبك مش يشجعنى انى ادخل معاك فى حوار اصل انت بتجادل علشان معاك الشارك
ياباشا عمر ما كان كترة بيع العربية في السوق مقياس لنجاحها مش معنى مثلا ان البومة اتباعت اكتر من الشارك يبقى البومة احسن من الشارك دي سياسة وفكر المشتري المصري بس اللي للأسف بيمشي ورا الانتشار ومبحاولش يقارن بين عربية والتانية من حيث العربية وامكانيتها انما بيشتري بالانتشار فقط
لو بالبيع والشراء هتبقى 128 احسن عربيه في مصر و كمان 1300 معلم كبير في السوق ههههههههههههههههههههه
65الف كتيرر اووووووي ياباشا بيع وتوكل على الله وزود عليهم 100000 ميه الف وهات شارك 2011
بصراحه يا جماعه باسلوبكم ده مش هنقدر نفيد الراجل
كل واحد عاوز يثبت ان عربيته هى احسن عربيه وانه هو الى بيفهم علشان جاب العربيه ديه
يعنى مثلا المكوة دلوقتى ماسكه سعر علشان الناس بتفكر تشتريها وبنسمع فيها ارقام غريبه 65 وكمان 70
مع ان ايام ماكانت نازله مكنش ليها سوق ديه مش يدل على ان المكوة عربيه وحشه ولا حلوة ديه من الاخر سياسه سوق وثقافه شعب يعنى تعمل ايه لما تلاقى واحد شارى لانسر 2000 راشه ب60 الف
الراجل عاوز رايكم بكل حياديه يعنى هو مش بيختار عربيه يديها هديه على اساس انها احسن عربيه نزلت السوق او اكتر عربيه باعت او اكتر عربيه بتسابق على الطريق هو عاوز عربيه يركبهاا وتريحه وخلاص وبيقارن بين نوعين احنا كده بنشتته مش فايدنه كده فيريت نحاول نفيده وخلاص وشكرا لكل واحد على اى معلومة ضافها
وفى الاخر لولا اختلاف الاذواق لبارت السلع
بصراحه كلام حضرتك تمام و احييك و ياريت ناس تضع وجهه نظرها من ناحيه مميزات و عيوب من حيث القوة والثبات وقطع الغيار والوسع وخلافه
ده صاحب موضوع عامله علشان يعرف حاجات دى
فنعمل ايه الللى ساق اتنين يقول رأيه و اللى عنده واحده منهم بس ميعرفش تانيه يقول على عيوب اللى عنده و هكذا و من هنا صاحب موضوع يعرف يأخذ قرارة مبنى عن تجارب اخرين و معلومات صحيحه و ياريت لو صاحب موضوع احتاج حاجه او عنده استفسارات يبعتلى و ان شاء الله هاجاوبك بكل امانه و بعتذرلك عن خروجنا عن موضوع بتحصل معلش ههههههههههههههههههه
shark tab3an better overall
لا والله ابدا مفيش ولا زعل ولا حاجة
بالنسبة لقطع الغيار اسعارها متقاربة الي حد كبير و قطع غيار الشارك انتشرت استيراد وجديدة برا التوكيل بشكل كبير جدا يكفيني اقولك ان قطع غيارها موجودة جديدة واستيراد في الزقازيق نفسها
بالنسبة للثبات الشارك عربية ثابتة جدا جدا جدا وفي نفس الوقت عفشتها مريحة ومش متعبة خالص واريح من البومة
بالنسبة للاعتمادية فهي عربية اعتمادية من الدرجة الاولى واكيد مش هتقل عن البومة في نقطة الاعتمادية وعايز اقولك انها عربية حمالة اسية وبتستحمل جدا
ركوبة محترمة جدا وتقدر تقارنها بالجيتا والاوكتافيا في جودة خاماتها وشياكتها وانا في رأيي انها كتصميم رياضية وشبابية اكتر منهم وتقدر تقول عليها عربية رياضية وشيك في نفس الوقت وكمان ممتعة في سواقتها اكتر من الاتنين وتحس ليها طعم تاني في ركوبتها
وطبعا ربنا يوفق صاحب الموضوع ويقدر يختار العربية اللي تناسبه ايا كانت