أنا vs أطفال الشوارع (أكون أو لا أكون)

عرض للطباعة

27-09-2011, 04:26 PM
cyborg_ift

أنا vs أطفال الشوارع (أكون أو لا أكون)

بقالي فتره بيحصلي موقف من غرابته مش عارف ألاقيله صرفه

بقالي اسبوع بنزل ألاقي سقف العربيه متطبق أقوم خبطه خبطتين من جوه الصالون استعدله وأمشي

من أربع تيام لقيت أثار جزمه على السقف ففهمت اللي بيحصل

عيل مش متربي أهله مش متربيين أكتر منه بيطلع على سقف العربيه المهم امبارح نازل بالليل ألاقي عيل قاعد على الشنطه بصراحه مفكرتش قمت ماسكه من قفاه قعد يقولي والله يا عمو ما انا اللي بطلع على السقف فسيبته لوجه الله

أنزل النهاره الاقي نفس المشكله بس السقف باظ خالص أجي أخبطه ستعدل حته ويبوظ من الناحيه التانيه فمش عارف ايه الحل

وبصراحه من كتر غيظي جاتلى أفكار مؤذيه جدا لإما أكهرب السقف لإما أحط دبابيس على السقف وخوفي لا قطه ولا كلب يلبس فيهه ومستحرم وبرضه مش راضي ان عيل يتعور بس والله هتجنن حد عنده حل
27-09-2011, 04:39 PM
newuser2009

بتحصل معايا كتير
اسمع صوت طقه كبوت
ابص من الشباك الاقي عيل نايم فوق الكبوت
اقوم مزعقله و ينزل
خمس دقايق الاقي عيل تاني بيحاول يطلع على الكبوت وازعقله
ده غير لقت الازاز القدام مشروخ و لقيت زلطه على الازاز من تحت
ولقيت في نفس اليوم زلطه على الازاز من ورا
غير اني شفت واد صغير بيفك مسمار اللوحه
انا بعت عربيتي علشان عايز اشتري عربيه جديده
بس كل لما افكر في العيال دول اتخنق جدا
27-09-2011, 04:50 PM
mido51eg

الحل بسيط جدا ياجماعة لو عربياتكم بتركن تحت البيت وبتشوفها من البلكونة. دورق مياه فوق دماغ اللي قاعد ونبه عليه بعدها ان المرة الجاية هتبقى ميه مغلية !
27-09-2011, 04:55 PM
SYD

باشا
انت ساكن في اخر فيصل ولا ايه ؟؟؟
ولا يا تري كل عيال فيصل متخلفة عقليا ؟؟؟

انا كمان نفس البروجرام

واتقاءً للشر وللحفاظ علي ضغطي وسكري واعصابي

لو رجعت من الشغل ما بين 5 العصر و10 مساء بركن العربية علي فيصل العمومي ومش بدخل بيها المنطقة الجميلة
لو رجعت بليل متأخر بركن تحت البيت بسرعة وبنزل بيها من النجمة قبل ما حد من العيال يصحي وييمارس تمارين الصباح علي الكبوت

كمان عشان اأقل الخسائر جبت هاتشباك
وكفاية عليا الكبوت والسقف ووفرت الشنطة

ربنا معانا اهالي فيصل

والله المستعان
،
،
27-09-2011, 05:05 PM
cyborg_ift

نعم انا ضحيه من ضحايا اخر فيصل

بس بجد العيال ديه هتخلي الواحد يبقا عدواني جدااااااااااااااااااا
27-09-2011, 05:41 PM
windofchange

شفت واحد عملها فعرب جسرالسويس يعني منطقة تعتبر شعبية دلوقتي عربية صغيرة دايو تيكو ولاحم عصايتين بالطول عالكبوت عصايتين خشب ومسامير صغيرة مدقوقة علي كل عصاية ومشفتش حد زعق معاه طبعا هوا اكيد عمل كده بعد ماخربوا الكبوت وكل واحد حر فعربيته
27-09-2011, 05:41 PM
mido51eg

والله ياشباب دورق الميه ده كان ليه مفعول السحر. العيال بقوا بيقعدوا على العربية اللي قدامي واللي ورايا وانا لأ. بالكتير ممكن يسندوا عليها بس.
27-09-2011, 05:43 PM
cyborg_ift

المشكله اني بركن في الشارع اللي ورايا لإن تحت البيت مفهوش مكان
27-09-2011, 06:23 PM
Dr_Mido

عملت موضوع المياة دة بس بخرطوم و اهل العيال طلعو يزعقو قلتلهم بغسل عربيتى حد ليه شوق فى حاجه ولا واحد اتكلم
27-09-2011, 06:53 PM
رزق

ده ولا كأنك عايش معايا
ده أنا أخدت فكرة من موضوع نوم الكلاب عالسقف اللي في المنتدى وكنت حطبقها

بندقية رش و تلسوع بيها اللي تشوفه قاعد عالعربية وياريت لو عليها منظار
بس للاسف أنا قلبي طيب
وكمان خايف تيجي في العربية بدل العيل

فكرة تانية تنفع بس مش حعملها أنا ... شوية زفارة أو شحم أو أو فوق الكبوت والسقف .. بيقولوا ليها مفعول السحر

قولنا حتعمل إيه
27-09-2011, 09:10 PM
AutoTycoon

الله يحرق الأهالي دي بجد
الله ياخدهم
27-09-2011, 11:00 PM
misoalex

اشترى غطا للعربيه

وهات مشمع وخيطه فوق الغطا من عند السقف والكبوت

واشترى علبه شحم وغرق المشمع شحم

الشحم مع المشمع ليه فايدتين الاولى ان محدش حيفكر يقعد على الكبوت او السقف والتانيه ان اللى حيفكر يطلع بالجزمه حيتزحلق ويقع ومش حيفكر يطلع تانى

بس خلاص شفت الحل سهل ازاى
تكلفته 70 او 100 جنيه بسسسسس

عيوبه انك لازم تاخد بالك وانت بتلم الغطا او تحطه عشان الشحم وهدومك
27-09-2011, 11:20 PM
Dr_Mido

اقتباس:

المشاركة الأصلية كتبت بواسطة misoalex

اشترى غطا للعربيه

وهات مشمع وخيطه فوق الغطا من عند السقف والكبوت

واشترى علبه شحم وغرق المشمع شحم

الشحم مع المشمع ليه فايدتين الاولى ان محدش حيفكر يقعد على الكبوت او السقف والتانيه ان اللى حيفكر يطلع بالجزمه حيتزحلق ويقع ومش حيفكر يطلع تانى

بس خلاص شفت الحل سهل ازاى
تكلفته 70 او 100 جنيه بسسسسس

عيوبه انك لازم تاخد بالك وانت بتلم الغطا او تحطه عشان الشحم وهدومك

:_Alshmokh08[1]:منولع فى العربيات احسن اهو هتبقى سخنه دة حاجه بقت تقرف لسه جاى من ساعه كدة ونلت اجيب شاحن الموبايل لقيت القهوجى حاطط صينيه الشاى و شيشه على الشنطه ورا انا محستش غير وانا بدور واطلع ودشدشت الحاجه على الارض وكنت هضربه اكهربها ولا اشريلها كلب ولف
27-09-2011, 11:50 PM
misoalex

اقتباس:

المشاركة الأصلية كتبت بواسطة dr_mido

:_alshmokh08[1]:منولع فى العربيات احسن اهو هتبقى سخنه دة حاجه بقت تقرف لسه جاى من ساعه كدة ونلت اجيب شاحن الموبايل لقيت القهوجى حاطط صينيه الشاى و شيشه على الشنطه ورا انا محستش غير وانا بدور واطلع ودشدشت الحاجه على الارض وكنت هضربه اكهربها ولا اشريلها كلب ولف

مره نزلت لقيت واحد قاعد مربع على الشنطه وجايب كوبايه شاى وساندوتش وعايش حياته

ومره لقت واحد حاطط بيتزا على السقف وواقف ياكل

عادى احنا فى مصر يعنى عربيتك من بره مش ملكك ملك الشعب

ولو اتكلمت يقولك متركنها فى جراش لو خايف عليها
27-09-2011, 11:53 PM
misoalex

لا واللى يغيظ وينقط ويخلى الواحد يطق وحيفرقع

لما تبقى عربيتك فيها انزار ويجى واحد او واحده ويقعد عليها والعربيه تفضل تدى انزار وهو او هى ولا يتحرك شعره منه

حصلت معايا اكتر من مره
ومره فى شارع خالد ابن الوليد رجعت لقيت عائله كامله قاعده على العربيه والعربيه عماله تستعيث ارحموووووووونى ارحمووووووونى ارحمووووووووونى

وهما ولا فى دماغهم
27-09-2011, 11:56 PM
Dr_Mido

انا شفت 4 بنات قاعدين على كابوت سيات 133 والعربيه بترقع بالصوت و بتلحس الاسفلت من وزنهم هما الاربعه على الكبوت عالم تعفرت انا من غيظى رحت شتمتهم هى مش عربيتى بس حرقه الدم مرة
27-09-2011, 11:57 PM
windofchange

الثورة هتنجح ازاي واخلاق الناس كده يارب,وحسبي الله ونعم الوكيل قال صلي الله عليه وسلم"سوء الخلق يفسد العمل كما يفسد الخل العسل"
28-09-2011, 12:41 AM
saadelden

احنا الشارع بتاعنا فيه كذا مخزن ادويه علي مخازن تجار الجمله و مغلأ الخشب و العربجي الي فاكر نفسه راكب جاجور بيركنها و ياخد مكانين !!

طبعا عادي جدا انزل الاقي العربيه محكوكه ولا مخبوطه
عادي جدا اما الاقي الشنطه شغاله ترابيزه شيشه و حجرين و كبيات شاي و صباح التلزيق
و عادي جدا اما الاقي علب كشري علي العربيه
و عادي جدا اما الاقي البيه قاعد و مربع ع الكبوت و بياكل الكشري ولا همه !!
عادي جدا اما الاقي بقايا حشيش علي العربيه اكني تاجر مخدرات

انا اول ماجبت العربيه تعبت نفسيا من الخبطات و التجريحات الي بتطلع كل يوم ف العربيه
كفايه الاكصدام من كتر ما بيخبطوه و بيدوسو عليه في الطالعه و النازله وقع
تكلمهم يقولولك معلش يا باشا و معلش يا بيه و احنا اسفين و حقك علينا و الاسطوانه المشروخه
و طبعا هاتكلم مين ولا مين ولا هتاخد حقك من مين ؟!
حسبي الله و نعم الوكيل

حلوه فكرت الشحم دي بفكر انفذها و اريح العربيه شويه من البهدله
28-09-2011, 12:52 AM
yascro

ب 5 جنيه شطه سودانى وقزازه ميه 2 لتر واغلى الميه مع الشطه
و رشهم ع الكبوت والسقف ويافطه كرتون عليها موبايل دكتور بواسير
ودكتور عيون
عشان اللى يلمس العربيه هيحتاجهم
28-09-2011, 01:16 AM
misoalex

اقتباس:

المشاركة الأصلية كتبت بواسطة yascro

ب 5 جنيه شطه سودانى وقزازه ميه 2 لتر واغلى الميه مع الشطه
و رشهم ع الكبوت والسقف ويافطه كرتون عليها موبايل دكتور بواسير
ودكتور عيون
عشان اللى يلمس العربيه هيحتاجهم

فكره الشطه دى مره رشيتها على الغطا عشان الكلاب والقطط وحطيتها فى حوض العربيه عشان العرسه

ولكا تانى يوم بعد مركبت العربيه ومشيت 200 متر جالى كريزه عطس وعينى بقت حمرااااااا ومشوفتش ادامى والعربيه ماااااااشيه

طبعا الشطه اللى فى الحوض مع الباقى طارت ودخلت جوه العربيه وعينك متشوف الا النور ههههههههههههههههههههههه
28-09-2011, 01:44 AM
SYD

اقتباس:

المشاركة الأصلية كتبت بواسطة windsofchange

شفت واحد عملها فعرب جسرالسويس يعني منطقة تعتبر شعبية دلوقتي عربية صغيرة دايو تيكو ولاحم عصايتين بالطول عالكبوت عصايتين خشب ومسامير صغيرة مدقوقة علي كل عصاية ومشفتش حد زعق معاه طبعا هوا اكيد عمل كده بعد ماخربوا الكبوت وكل واحد حر فعربيته

ممكن صور ايهاب باشا
28-09-2011, 03:49 AM
windofchange

اقتباس:

المشاركة الأصلية كتبت بواسطة SYD

ممكن صور ايهاب باشا

والله يابشمهندس سيد انا مش ساكن هناك حاليا بس لما اروح هناك ممكن اعدي واصورها بس http://images01.olx.com.co/ui/4/93/2...en-La-Mota.jpg
هو عامل زي خطين بالطول بس مش بكل الطول لأ سايب مسافة فوق وتحت يعني لو عايز تريح عالكبوت وانت واقف مش هيحصلك حاجة تقعد فالنصف هتتعور ياشاطر وعليهم مسامير صغيرة بس تخربش عالاقل بس صراحة ممكن حد يكسرلي حاجة فالعربية لو اتعور منها ده اذا قعد عليها
28-09-2011, 06:24 AM
pro_samir

كلنا هذا الرجل

الكبوت عندي بقي لوحه تجريديه من الخرابيش المتعمده و الهوانم اللي بيحطو شنط السوق علي الكبوت وبعدين يشدو ويمشو

ولما اسيب العربيه متربه مثلا الاقيها كلها متربه ما عدا الاطراف مكان البهوات اللي بيريحو .. و لما بشوف حد راكن كده بعتزرله ان هدومه اتعفرت .. وساعات من المفاجأه يرد عليا يقولي لا ابدا ولا يهمك .. وانا اتفقع عادي يعني
28-09-2011, 07:43 AM
misoalex

اقتباس:

المشاركة الأصلية كتبت بواسطة pro_samir

كلنا هذا الرجل

الكبوت عندي بقي لوحه تجريديه من الخرابيش المتعمده و الهوانم اللي بيحطو شنط السوق علي الكبوت وبعدين يشدو ويمشو

ولما اسيب العربيه متربه مثلا الاقيها كلها متربه ما عدا الاطراف مكان البهوات اللي بيريحو .. و لما بشوف حد راكن كده بعتزرله ان هدومه اتعفرت .. وساعات من المفاجأه يرد عليا يقولي لا ابدا ولا يهمك .. وانا اتفقع عادي يعني

امال عاوزه يقولك هات فوطه صفرا وامسحهالى

دا انت غريب يا هانى :)

ايــــــــــــه ده ايه الناس دى
28-09-2011, 09:00 AM
A.Saad

اقتباس:

المشاركة الأصلية كتبت بواسطة pro_samir

كلنا هذا الرجل

الكبوت عندي بقي لوحه تجريديه من الخرابيش المتعمده و الهوانم اللي بيحطو شنط السوق علي الكبوت وبعدين يشدو ويمشو

ولما اسيب العربيه متربه مثلا الاقيها كلها متربه ما عدا الاطراف مكان البهوات اللي بيريحو .. و لما بشوف حد راكن كده بعتزرله ان هدومه اتعفرت .. وساعات من المفاجأه يرد عليا يقولي لا ابدا ولا يهمك .. وانا اتفقع عادي يعني

تعتذر عن ايه بالظبط
عن عربيتك متربة
دى عربيتك انت
تتربها
تطينها
تغسلها
مالهمش فيه
28-09-2011, 09:40 AM
cyborg_ift

ههههههههههه انا قولتلكم اني كنت نفسي اكهرب السقف من كام يوم بس الكهربائي قالي حرام ده الاطفال احباب الله والكلام ده

امبارح بالليل معدي من جنبه ندهلي وقالي ايه ده طبعا مخضوض من منظر السقف وهوه متطبق وجاله جنينه هههههههه لازم اكهرب السقف ده ويشتم بصوت عالي في الشارع ولازم اشيل فرش السقف واكهربه وتيتتتتتتتتتتتتتتتتتتت ههههههههههه الراجل اتجنن
28-09-2011, 10:40 AM
pro_samir

اقتباس:

المشاركة الأصلية كتبت بواسطة a.saad

تعتذر عن ايه بالظبط
عن عربيتك متربة
دى عربيتك انت
تتربها
تطينها
تغسلها
مالهمش فيه

مانا عارف انهم هيقعدو عليها

تبقي قلة ذوق برضو لما اسيبها متربه

جري ايه يا احمد بيك هتجنني ليه .. بقولهالهم بتريقه طبعا
28-09-2011, 11:06 AM
medociv

اقتباس:

المشاركة الأصلية كتبت بواسطة misoalex

فكره الشطه دى مره رشيتها على الغطا عشان الكلاب والقطط وحطيتها فى حوض العربيه عشان العرسه

ولكا تانى يوم بعد مركبت العربيه ومشيت 200 متر جالى كريزه عطس وعينى بقت حمرااااااا ومشوفتش ادامى والعربيه ماااااااشيه

طبعا الشطه اللى فى الحوض مع الباقى طارت ودخلت جوه العربيه وعينك متشوف الا النور ههههههههههههههههههههههه

ههههههههههههههههههههههههه ههههههههههههههههههههههههه ههههههههههه:36_7_4[1]:
28-09-2011, 05:30 PM
yascro

الحل السحرى
تجيب ازازه نستابون صغيره (صابون مركز)
وتدلق شويه صغيرين على السقف والكابوت وتجيب سفنجه وتوزع الصابون السايل المركز على السقف والكبوت والشنطه وتسيبه ينشف
هو هيلم تراب وعفره و محدش هيستجرى يقرب جنب العربيه
(الموضوع ده بيعملوه الجماعه بتوع الخليج عشان لما بيسافروا على الطرق السريعه الرمله متجرحش البويه )
اللى يجرب الموضوع ده وينجح معاه يدعيلى
28-09-2011, 06:21 PM
The_Last_Rebel

اقتباس:

المشاركة الأصلية كتبت بواسطة The_Last_Rebel

مرة كنت راكن في الجيزة عند "جاد" .رجعت لقيت شباب حلوين قاعدين وعاملين العربية بوفيه حاطين الأكل والسندوتشات والبيبسي على الكبوت واللي غظني موضوع البيبسي ده لأن البقعة بتاعة رسمة الإزازة مش بتطلع بسهولة بعد الركنة في الشمس.:untitled 1:

أنا شايف المنظر من بعيد وأنا بقرب من العربية.

في منتهى الهدوء فتحت باب العربية... جبت علبة المناديل...خرجت برة العربية...رفعت أزايز البيبسي ووضعت تحتيها مناديل ورق...رجعت العلبة ف العربية... سبتهم ومشيت وهما في حالة من الذهول والإحراج والإنشطار النفسي.:L_bhuhhh[1]::O_stupid[1]::eee:
28-09-2011, 10:22 PM
misoalex

اقتباس:

المشاركة الأصلية كتبت بواسطة medociv

ههههههههههههههههههههههههه ههههههههههههههههههههههههه ههههههههههه:36_7_4[1]:

اه والله دا كان يوم ميعلم بيه الا ربنا

وانا عمال اعطس ومش شايف ومش عارف ايه اللى حصل وناسى موضوع الشطه اللى انا رشيتها
29-09-2011, 01:49 AM
abumoh2000

انا بقى اللى بيطبق لى السقف ابنى وابن اخويا
ببقى هفرقع من الغيظ وهما بيضحكوا اوى لما يشوفونى
اروح بايسهم ورادد السقف بايدى
وكل يوم من ده
29-09-2011, 08:11 PM
misoalex

اقتباس:

المشاركة الأصلية كتبت بواسطة abumoh2000

انا بقى اللى بيطبق لى السقف ابنى وابن اخويا
ببقى هفرقع من الغيظ وهما بيضحكوا اوى لما يشوفونى
اروح بايسهم ورادد السقف بايدى
وكل يوم من ده

فى بيتها يعنى هههههههههههههههههه

الساعة الآن 02:35 PM

Content Relevant URLs by vBSEO 3.6.0 PL2