مفتاح الكونتاك مش راضي يدخل !!!

**casper1500** · 15-05-2008 01:40 PM

السلام عليكم
النهاردة جيت ادخل مفتاح الكونتاك مش راضي يدخل كأنى جايب مفتاح مش بتاعة !!
العربية 128 موديل 81
يا ترى ايه الحل .. و شكرا

**aliabutaleb** · 15-05-2008 02:07 PM

كانت بتحصل في عربيتي ولسة بتحصل من وقت للتاني
وكنت باسايس المفتاح لغاية ما بيدخل
ملقتلهاش حل تاني بصراحة

**casper1500** · 15-05-2008 02:47 PM

شكرا على سرعة الرد .... بس انا ساسيتها كتير بس بدون فايدة !!!!!!
ربنا يتوب علينا من اشباه السيارات .. قول يا رب

**aliabutaleb** · 15-05-2008 03:11 PM

المشاركة الأصلية كتبت بواسطة casper1500

شكرا على سرعة الرد .... بس انا ساسيتها كتير بس بدون فايدة !!!!!!
ربنا يتوب علينا من اشباه السيارات .. قول يا رب

آمين

ولو إنها شايلانا وشايلة قرفنا بصراحة

ربنا يبارك لنا فيها ويديمها علينا نعمة

قول إنت آمين :)

**casper1500** · 15-05-2008 06:13 PM

امين ..
بس بصراحة انا اللي شايل قرفها و لما بعوزها مش بلاقيها ... و مش ممكن كمية المشاكل المتتالية .. حاجة غريبة .. و لحد دلوقت لسة المفتاح مش راضي يدخل !!!

**sab3aawy** · 15-05-2008 06:42 PM

1- هتحتاج تفك الكونتاكت علشان ميقفلش معاك اللوك بتاع الديريكسيون(دى محتاجة فنى)
2- هتدور العربية بالأسلاك وتروح بيها لكهربائى
3- هتشترى كونتاكت جديد وتركبه ، التركى اظن تمنه فى حدود 45-50 جنيه

**casper1500** · 15-05-2008 06:45 PM

1- هتحتاج تفك الكونتاكت علشان ميقفلش معاك اللوك بتاع الديريكسيون(دى محتاجة فنى)
2- هتدور العربية بالأسلاك وتروح بيها لكهربائى
3- هتشترى كونتاكت جديد وتركبه ، التركى اظن تمنه فى حدود 45-50 جنيه

شكرا للمداخلة بس للاسف الدريكسيون قفل و انا بحاول .. ايه الحل ؟؟!!

**sab3aawy** · 16-05-2008 02:51 PM

المشاركة الأصلية كتبت بواسطة casper1500

شكرا للمداخلة بس للاسف الدريكسيون قفل و انا بحاول .. ايه الحل ؟؟!!

لما تفك الكونتاكت الديريكسيون هايفتح بس لازم فنى هو اللى يعمل لك الشغلانة دى

عموما هوصفلك ازاى بتتعمل

1- تفك الغطاء البلاستيك اللى راكب على قطمة الديريكسيون (اللى هو حتة البلاستيك الأسطوانية المكونة من جزئين الموجودة بين عجلة القيادة وبين التابلوه وطالع منها دراع النور والأشارة والمساحات) وده بيكون مربوط بمسمارين بيبانوا لو انت بصيت من تحت طارة الديريكسيون وبيحتاج مفك صليبة طويل

2- بعد ما تفك البلاستيك هتلاقى الكونتاكت، عبارة عن اسطوانة طالعة من يمين القطمة وفى نصها مكان دخول المفتاح، والأسطوانة دى مساكها فى قطمة الديريكسيون اسورة دائرية لافة حوالين القطمة ، ومربوطة بمسمارين من ناحية الشمال، لو ده هو الكونتاكت الأصلى هتلاقى المسمارين دول مالهمش راس، ولو الكونتاكت متغير قبل كدة هتلاقى ليهم راس، لو ليهم راس طبعا فكهم سهل بمفتاح بلدى، لو مالهمش راس بيتفك بمفك كبير يتحط على الراس الناعمة ويدق عليه بشاكوش فى اتجاه الفك لحد ما المسمار يتفك، اول ما الكونتاكت يتفك قفل الديريكسيون هيتفك لوحده ، يتم فك وصلات الكهرباء وتشغيل العربية منها، او تركيب كونتاكت جديد

**جمال** · 16-05-2008 03:12 PM

المشاركة الأصلية كتبت بواسطة sab3aawy

لما تفك الكونتاكت الديريكسيون هايفتح بس لازم فنى هو اللى يعمل لك الشغلانة دى

عموما هوصفلك ازاى بتتعمل

1- تفك الغطاء البلاستيك اللى راكب على قطمة الديريكسيون (اللى هو حتة البلاستيك الأسطوانية المكونة من جزئين الموجودة بين عجلة القيادة وبين التابلوه وطالع منها دراع النور والأشارة والمساحات) وده بيكون مربوط بمسمارين بيبانوا لو انت بصيت من تحت طارة الديريكسيون وبيحتاج مفك صليبة طويل

2- بعد ما تفك البلاستيك هتلاقى الكونتاكت، عبارة عن اسطوانة طالعة من يمين القطمة وفى نصها مكان دخول المفتاح، والأسطوانة دى مساكها فى قطمة الديريكسيون اسورة دائرية لافة حوالين القطمة ، ومربوطة بمسمارين من ناحية الشمال، لو ده هو الكونتاكت الأصلى هتلاقى المسمارين دول مالهمش راس، ولو الكونتاكت متغير قبل كدة هتلاقى ليهم راس، لو ليهم راس طبعا فكهم سهل بمفتاح بلدى، لو مالهمش راس بيتفك بمفك كبير يتحط على الراس الناعمة ويدق عليه بشاكوش فى اتجاه الفك لحد ما المسمار يتفك، اول ما الكونتاكت يتفك قفل الديريكسيون هيتفك لوحده ، يتم فك وصلات الكهرباء وتشغيل العربية منها، او تركيب كونتاكت جديد

الله ينور عليك يا معلم

الموضوع: مفتاح الكونتاك مش راضي يدخل !!!

LinkBack

أدوات الموضوع

عرض

-

-

-

-

-

المواضيع المتشابهه

طريقه فك الكونتاك من اللادا

مشكلة فى الكونتاك

جرس الكونتاك

المفتاح اتكسر جوه الكونتاك

مشكلة ى الكونتاك

الكلمات الدلالية لهذا الموضوع

المفضلات

المفضلات

ضوابط المشاركة