بص ... وجودها كتير ده نتيجة حاجات كتيييييييييير
اللي بيشتري وفاهم انه جاب الهامر...
اللي فاكر نفسه خلاص هيقضيها سفاري
اللي فاهم ان 1600 زي 2000 مهي نفس الشكل اهيه
اللي فاهم ان جيد و ممتاز واحد مهو كله بيشكر
اللي فاهم ان طالاما العربية زيرو او جديدة تبقي هتمشي علي الحيطة و تطير و تعوم و تنيم العيال بالليل و تغني طلع الليل
كل دول بيتصدموا من واقع ان البنزين استهلاكه ممكن يكون متوسط بس 29 ابو 180 غير استهلاك القديم العالي من ال 80 ابو 90......واللي تتصدم من السحب لانه فاكر انها تريللا .. واللي يتصدم من السرعة علشان المفروض طيارة ...
دي كلها غلطات جهل بالشراء ... و مش قصدي والله اعيب في حد ... هوه بس الناس عايشة لسة في خير زمان و للاسف بتلبس نتيجة عدم التطوير في التفكيرمع تغيير المعطيات المحيطة
المهم ... انا معييش تيجو .... بس بفرض طالاما بتتكلم عن ال 1600 علشان شكلك زينا الفلوس بتعملها معاك ......
ال 1600 في 516 هوه هوه بتاع ال تيجو هوه هوه بتاع الm11
متور تقريبا بدون شكاوي .... عزمه كويس ... بس محتاج تفهمه علشان بنزينه علي سنسور و طبعا زي الباقي دبرياجه زيت مش سلك ....... انما اول ما هتفهمه هتعرف تطلع منه ما يرضيك ....
العربية اخف وزنا من عربيتي بس اعلي و ده بيقلل مقاومة الوزن بس بيزود مقاومة الهوا ....
العفشة خلفي ثلاثي و ده يخليها ثابته كويس بس برضه الحجم مع الهوا يخليك يعني احرص من اخواتها الاصغر ...... يعني انا بجيب ال 200 برغم من ان عربيتي اتقل .... يتهايألي اخر التيجو يكون 170 او 180 .... و نتيجة الاير دينامك انا هكون ثابت و التيجو هتتعرض لمقاومات تضايقها علي السرعات العالية .....
نرجع بقي لمميزاتها التي ليس لها مثيل .....
وسع .... اماكن تخزين .... عد من هنا لبكرة ..... دي الحاجة الوحيدة اللي ناقصة عندي
خامات عادية ... مش هنقول ممتازة بس مش سيئة ..... يعني التابلوه مش مطبطن زي عندي بس طب ما في كتيير في السوق كده و اغلي كمان... انما محدش قال مثلا ان الاكر بتتفتت ولا ان التابلوه بيبوش او بيتحلل
ارتفاع عن الارض .... انسي المطبات ... انسي العربيات الغلبانة اللي في الارض زي عربيتي ولا اللسيراتو ولا اخواتهم يحكوك ... او لو حكوك هتبان عندك تحت و هما اللي شكلهم هيوحش
كاوتش كبيييييييييير .... يعني اطري علي الارض ... و حنين في البلاليع بدل البلالين و خلافه
من الاخر انا لو مكنتش حبيت ال m 11 من قبل حتي ما اشوفها كنت جبت تيجو
المفضلات