الموضوع: ايه الحل مع الناس الزوق

دلوقتي كل واحد نفسيته مضايقاه عايز يركن العربية تحت شباك بيته حتي لو ركنها بعيد شويه وبيشوفها برضه عايز يركنها تحت ام البيت يجيبله عصايتين حديد ويحفر فالشارع وسلسلة وطول النهار بره والشارع يزنق وحتي لو واحد يركن ساعة ويجي ميعرفش بسبب البيه رحت كلمته وهو بيعمل كده ول4 عربيات من جيرانه فالعمارة يقللي وده يضرك فايه قلتله هيضرني بعد كده ومش هعرف اركن العربية قدام البيت لأن مفيش بيت يشيل كل عربياته تحت العمارة لازم شويه يروحوا يركنوا بعيد فكل الناس هتقلدك عشان مش هيبقي يعرف يركن بعد كده جنب بيته مش تحته حتي!! وبقيت غابة ياصاحبي ده الكلام ده عندنا فالنزهة الجديدة ,مصر الجديدة لكن اللي عمله ده بلطجة كنت متوقع ومجاش بالكلمتين دول واسمه متعلم ودكتور مساللك بولية وكمل حفر وتخريب فالشارع,وصلت فمربع جنبينا (المربع نعمة من ربنا في جنينة فالنص بيطل عليها من 4 جوانب تقريبا 16 عمارة ازيد او اقل) انهم دلوقت عملوا الحديتين والسلسلة علي رصيف الجنينة نفسه وركن عمودي طيب مربنا موسعها بضيقوها ليه يا فراعنة ونشتكي من مبارك واحنا كل واحد فيه مبارك حسبي الله ونعم الوكيل!!!!! سؤال هي في حملات من الاحياء بتشيل الهبل ده ولا ده كلام خيالي
والله دائما الواحد بيتذكر الآية الكريمة "إن الله لا يغير مابقوم حتي يغيروا مابانفسهم" وحديث الحبيب صلي الله عليه وسلم "سوء الخلق يفسد العمل كما يفسد الخل العسل" ,هو اللي عمله ده بلطجة وانا كلمته بالذوق قصاد بلطجته طبعا سمعني وفالآخر عمل اللي فدماغه فمش عارف بقي وواحدة ست مش فاهم هما الوحيدين فالمربع اللي كانوا عاملين حوار العصيتين الحديد والسلسلة وكانت بتركن عند الارض الفاضية اللي جنب العمارة من اليمين ابتدي البناء فالارض دي راحت عند العمارة اللي حصل فيها الكلام ده وهي اللي علي الشمال وخدت مفتاح بقيت تركن يعني هي حتي مش ساكنة فالعمارة يعني حتي مفيش عدل فالظلم طبعا الواحد متفاءل خير ان متصلحش البلد في آخرة وفي آثابة من ربنا لينا كما قال الحبيب "من فرج عن مسلم كربه من كرب الدنيا فرج الله عنه كربه من كرب يوم القيامه" وعدم تفريج الكربة اكيد بأجر من عند الله,,فكرت والله احط عود كبريت فالاقفال بس هيجيبوا غيرها ايه المشكلة ,الناس طبعا بتهيص فالهيصة وكلو هيقلد بعضه بعد كده الواحد مش هيعرف يركن وعينه عالعربية , عايز حل يا خوانا فاللي بيحصل ده وفين فمصر الجديدة ومنطقة واسعة كمان لكن الناس بتبطر عالنعمة وكله ماشي وانا مالي اهم حاجة اركنها تحت الشباك بفضفض معاكم حبايبي والله وتفاءلوا خير ) ... ايهاب

جزاك الله خير يوكو,صراحة هي المطالع حلوة واكيد الرصيف المفروض يتمشي عليه بس هو عامل حوار السلاسل ده علي مطلع هو عاملة حتي من قبل الثورة وانا من الناس اللي في الاول اتغظت بس شفت بعد كده ان بدل المكان مكان بياخد عربيتين بقي ياخد اربعة بس من يومين عمل السلاسل دي..هو ياريت ميكسرش المطلع لأن المفروض الشكوي هتكون عالسلاسل بس,وعلي فكرة محدش بياخد مكان حد يعني هو دايما الناس ذوقيا بتسيت مكان للباشا ده وبقية الناس اللي ساكنة فالعمارة هو عمل كده بلطجة من نفسه واللي جنبيه عملوا سلاسل مع ان محدش كان بياخد مكانهم بس برضه فرعنة وخلاص