هو انا مجنون (السيراتو معايا عكس البشر)

**dasboot** · 28-09-2011 09:12 AM

انا من ساعة ما بدات ادور في مشاكل الناس مع السيراتو هنا في المنتدي و شايف الناس كلهم متدايقين ان العفشة ناشفة. و مستغرب جدا و في سؤإل بيلح عليا جدا!!

هو انا مجنون؟

ليه بقي!،

انا معايا سيراتو EX جنوط 16 وكيل . و قبلها كان معايا هوندا سيفيك 92 SI-R مع عفشة koni و قبلها كان معايا متسوبيشي evo (في المانيا علشان محدش يفهم غلط) .
و علشان كده المفاجئة ان اكتر حاجة مدايقاني في السيراتو ان العفشة طرية بزيادة و نفسي تنشف شوية. مش مرتاح ابدا و حاسس اني راكب موج البحر!!

يبقي انا مجنون؟!!

**احمد المصرى** · 28-09-2011 10:07 AM

سبحان الله طيب انا اقول ايه انا عايز اشترى سيراتو بدور على واحده وكل الناس تقولى العفشه بس انا مقتنع بالسيراتو

استنى هتلاقى هجوم عليك ذى الفل

اقولك على سر موضوع نشوفيه العفشه دى نسبيه بمعنى حسب العربيه ال انت كنت راكبها قبل كدا وانت هتقول العفشه ناشفه ولا كويسه

**masterzmind** · 28-09-2011 10:50 AM

انا عارف انه موضوع نسبي جدا. و بيختلف علي حسب عوامل كتير زي اسلوب قيادة الشخص و ذوقه الخاص و تجاربه السابقة

و انا بالنسبالي بحس السيارات اللي عفشتها طرية انها مايعة اوي علي الطريق و مش مدياني احساس بالصلابة و السيطرة.

ده غير اني من هواة السيارات الرياضية بالفطرة و خاصة اليابانية منها و بحب عفشتها الرياضية الصلبة جدا خاصة في الملفات :)

والله يا باشا فى ناس كتير هنا بتشتكى من عندم الثبات فى مطبات الهوا عشان العفشة ناشفة

**Shazlovic** · 28-09-2011 11:16 AM

شوف يا باشا العربيه جميله و ثابته و كل حاجه و انا الحمد لله مقتنع بيها بس العفشه تتلخص في 3 حاجات من وجهه نظري و علاقتها بالثبات و الكلام ده عن تجربه .. السيراتو ثباتها كويس و ممتاز كمان غرز و جري و النت عايزه كله بس في 3 حالات العربيه ممكن تبيعك في لحظه و تفقد السيطره عليها تماما : 1- لو الملف فيه مطب هواء و علي سرعه هتلاخظ العربيه حدفت من وره و بتلم علي طول بس لو سرعه زياده مظنش انها هتلم 2- يا سلام لو مفصلا كوبري او عيون قطه و برده في ملف او حتي زاويه ميل مع السرعه تلاقي العربيه حدفت نفس الحدفه التانيه دي بس هنا بتبقي ماسكه في الارض اكتر و بتلم اسرع .. 3 - لو الطريق مكسر و حضرتك بتجري زي حتت معينه في الدائري مثلا تلاقي العربيه كلها اتكهربت و الدركسيون عايز يرقص لازم تكلبش في الدركسيون ساعتها و تحاول انك تثبت سترايت لحد متعدي و ده كله علشان العفشه + ج 17 + نظام التعليق الخلفي للعربيه .. و الكلام ده علي فكره علي سرعات من 80كم وانت طالع و علي 120 يتلاحظ جدا و مع الاسف مش هنلوم كيا هنلوم طرق بلدنا اللي هيا عباره عن خدع بصريه :d:d:d

**M.Akef** · 28-09-2011 11:19 AM

ههههههههه
مادام ركبت عفشه كوني يبقا اكيد السيراتو هتكن مش نشفه :)
انا شخصيا مش بشتكي منها و مستمتع بيها طول ما انا مش ورايا حاجه بس لو مستعجل بركب مراجيح جوه العربيه
عموما انا مركبت عربيه من شرق اسيا مريحه اكثر من عربيتي القديمه البومه و مش متخيل ان في رحه غير في البيجو d:

**yoko** · 28-09-2011 11:36 AM

رأي إن احساسك ده مش بنشفان العفشه لأ إنت حاسس بعدم ثبات السيراتو مقارنة بالي ركبته قبل كده ولإن الناس مربوط في دماغها غن الثبات تساوي عفشه نشفة فإنت بتقول إنها طريه عشان مش ثابته مقارنة بالي ركبتهم قبل كده

**yoko** · 28-09-2011 11:56 AM

المشاركة الأصلية كتبت بواسطة masterzmind

طيب ازاى بقى العربية ثابتة انت كلامك عكس بعضو ماهو انت عندك العربية فى مصر طول عمرها هتمشى على مطبات هوا وشورع مكسرة وعيون قطة هتلى شارع فى مصر مفهوش الكلام دة دة حتى مصر اسكندرية فى حتة هبطت فى ...

+1
بعد كلام Shazlovic تبقى العربيه ثبتها دون المستوى

أنا مجربتهاش على السرعات دي قبل كده انا بحم من كلامة بس عشان الناس متقولش أنا متحيز وبتاع او غير موضوعي عشان زهقت من الجملتين دول

**AHMED1718** · 28-09-2011 12:48 PM

اللى نازل من هيونداى او دايو او لانسر وماشابه هيحس بنشوفيه العفشة

لكن واحد نازل من جولف ولا سيفيك تسعينات ولا بي ام او ماشابه مش هيحس بالفرق اللى معظم الاعضااء حاسه بيه لان دول اساس ثباتهم عفشة ناشفة بس طبعا مع الفروق فى الثبات يعنى انا مش بقارن السيراتو بيهم علشان محدش يمسك فيا بس انا بقارن احساس بنشوفيه العفشة
ودمتم

الموضوع: هو انا مجنون (السيراتو معايا عكس البشر)

LinkBack

أدوات الموضوع

عرض

-

-

-

-

-

المواضيع المتشابهه

بفكر فى شويه تعديلات فى السيراتو ومحتاج راى الاعضاء معايا

مشاكل معايا في السيراتو قبل 10.000 ارجو الرد

السيراتو عملت حاجه غريبه معايا

اجمل من كل البشر

هل هم من البشر ؟؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة