السلام عليكم جميعا
هقولكم على اللى عملته فى العربية ، فاكرين المشكلةاللى كانت عندى ( موضوع تشخيص فى السريع ) المهم عملت شوية شغل فى العربية وكان الأتى :
1. تغيير حساس الكولانت بواحد كان عندى
2. تنظيف الرشاشات بالكهربا ( طريقة الأدبتور والحقنة ) نتيجة ممتازة
3. تنظيف الماف بسبراى فيديو ( نزل بلاوى )
4. فك حساس البوابة وتنظيفة من الداخل
5. تغيير البوجيهات اللى كانت مهببه
6. ربط الشكمان عشان كان سايب شويه
النتيجة :
طلع عينى واتهد حيلى
تحسن فى استهلاك البنزين ( بس لسه أزيد من معدله )
لسه الدخنه السودة موجودة ( فى الأمبليهات العالية )
صوت الماتور بقى هادى جدا
التنتيشة والتفتفة اللى كانت فى السلانسية اختفت تماما
سحب العربيه بقى ممتاز
سؤال : وانا بنظف الرشاشات لقيت راكب فى المسطرة حاجه كده شبه الفلتر حديد وليها خرطومين واصلين للمسطرة والثالث بيوصل فى المانفول وبنفخ فيه مبيطلعش أى حاجه خالص زى ما يكون مسدود .. حد عارف ده ايه ووظيفته أيه ؟
المفضلات