رأيي ان الاحدث عموما افضل , و اظن افضل موديل هو 2008 (بعده بقت شيفروليه و ناس كتير اشتكت منها)
بس سمعت كلام كتير عن ان لانوس1 افضل كخامات , بس ما اعرفش مدى صحته
رأيي عموما , تجيب 2008 , و طبعا الفيصل الأول في العربية ايا كانت هي موديل كام هو حالتها ثم حالتها ثم حالتها, و بعد الحالة تيجي سنة الصنع
و نصيحة ايا كان الموديل اللي هاتجيبه تبقى العربية فول اوبشنز , الهاف اوبشنز صحراااااااااااااااااااااا ااا :s
موديلات ما قبل 2003 فيما اذكر , بيبقى فيها مشكلة في الرشاشات , لكن دي بتتحل بسهولة برشاشات استيراد و مش بتبقى غالية خالص , 200 جنيه ولا حاجة
العربية لو متابعها و مش بتسكت عليها لو بان فيها حاجة بتبقى اعطالها قليلة جدا , و ده طبعا لو جايبها من الزيرو او كاشف عليها كويس و لما بتغير قطعة غيار بتجيب الأصلي مش المضروب, ده طبعا زي اي عربية
اللانوس بصفة عامة فراملها ضعيفة نسبيا, مش ما بتقفش يعني , بس بيحس بكده اللي سواقته عنيفة و فيها شد و غرز
المفضلات