السلام عليكم ورحمة الله يا معشر أوبل
الموضوع بدأ وانا في اسكندريه.. لقيت دخان طالع من الكبوت.. خير اللهم اجعله خير لقيت الميه كلها بتفور من ناحية غطا القربة كده وبكثافة.. قمت مبطل العربيه وفضل الفوران مستمر لحد ما مية العربيه كلها تقريبا خلصت
المهم ركنت وسبت العربيه تبرد خالص لمدة ساعتين كده وزودتلها ميه بدون دواره.. ودورت واتكلت علي الله علي طريق القاهره الزراعي
مفيش 20 كيلو لحد اما وصلت بنزينة امارات مصر والميه فارت تاني ودخان قمت مبطل العربيه وسبتها تهدي وبعدين زودتلها ميه مع الدواره ومشيت
مفيش 2 كيلو كمان قامت ضاربه تاني والدنيا كانت ابتدت تضلم فضلت ابعد عن الشر واغنيله واتصلت بونش انقاذ جه رفع العربيه لحد بنها
نيجي للخسائر بقي مش كتير
- غطا قربة الميه - البلف اللي فيه متاكل وحالته صعبه 25 بلبل
- جوان وش سلندر 85 بلبل
- سير كاتينه - صيانه عاديه وكده 85 بلبل
- فلتر بنزين 25 بلبل
- مصنعيه 250 بلبل :majd(4): للأسف المضطر بقي والعربيه عطلانه
- جركن زيت 4 لتر 120 بلبل
والحمدلله العربيه رجعت مظبوطه مش فاضل غير المراوح الي بتشتغل بدري والحراره الي مش بتعدى الشرط الزرقه الي في الامبير !! :00020140: