تقرير نيسان ليفينا بعد 500 كم
السلام عليكم
دة تقرير عن نيسان ليفينا بعد 500 كم في يوم :)
العربية لونها نبيتي . . بيسموة دم الغزال ؟
دة تقرير طبعا لسة معرفش حاجات كتير في العربية
هبتدي بلمميزات
- عالية
-ماتور رائع . . سريع الاستجابة . . قوي . . صوتة مش عالي بس مش واطي تحس انك راكب حاجة شبة رياضية شوية
-الفتيس مفهوش نتشات خالص وسلس تماما الا نتشة لما بتركن وتنقل من p ل d ودة عرفت ازاي تعمل الركن صح وبقيت اعمل صح وحتي النتشة بتاعت اول تحويل دية الحمد للة مبتحصلش
- العربية من برة شكلها جميل في رأي وقوي . . وفي مميزات كتيرة اوي علي الجسم من برة مفيدة جدا خصوصا العتب والحاجات الفبر الي بتحمي جسم العربية
-العربية من جوة واسعة جدا بلطول . . لكن بلعرض في الكراسي الخلفية مش تاخد اكتر من 3 جمب بعض . .
-العربية تحس انها قوية من الصاج والجسم ودة الي خلاني اختارها مثلا ومخترش كارينز !
-العربية عالية عن الارض بنسبة كبيرة
-الشنطة اكبر ما كنت اتخيل
-الفرامل ونظام الامان عموما جيد جدا
-التقفيل الداخلي جيد لحد كبير
-السمارت كي دة اختراع هاااااااايل انا مبطلعهوش من جيبي وبسوق وبقفل وانزل يعني مفيش اي وجع دماغ بتاع المفاتيح وامان جدا جدا
العيوب في نظري حتي الأن
- مفيش مسند قدام للايد !
- مفيش امكانية لتوطية وتعلية الكرسي !
-مفيش زرار لاغلاق الشنطة فقط من الداخل او عمل ليها لوك منفرد !! او يمكن انا لسة مكتشفتهوش
-الكاسيت سي دي اوديو
-التكييييييييييف شكلة فية حاجة !! انا جربت اشغلة لمدة ربع ساعة !! علي سرعة 2-3 يا دول حاسس ان درجة الحرار قلت بس حران لسة مع العلم ان دة كان في عز الحر زي مبيقولوا
؟ ؟ هل دة عادي ؟
- البنزين معرفش هقيس انهاردة ان شاء الله . . . بس مش حاسس انها بتسحب بنزين كتير زي ما ناس وصفت
-مفيش وحدة رففففففففففففففع !!! عايز اعرف تفاصيل تركيبها
-مفيش باركنج سينسور ياريت لو تفاصيل تركيبها
-المرايات مش ضم
-----------------------------------------------
وهذا حتي الأن
عموما اخويا فرحان جدا بلعربية . . هي بتاعتي انا وهو . . انا لسة مخلص كلية تجارة 2011 . . و الحمد للة راضي جدا جدا عنها
واي سؤال انا في الخدمة
سؤال اخير . . . ضغط الكاوتش قدام وورا كام لان عايز احط نيتروجين ؟