عايز اقول على حاجة من بدون ضحك :)
انا عربيتى لانوس 2008 كل ما اجى افتح شنططتها اتكهرب منها ؟
لية بقى ؟:arghh:
عرض للطباعة
عايز اقول على حاجة من بدون ضحك :)
انا عربيتى لانوس 2008 كل ما اجى افتح شنططتها اتكهرب منها ؟
لية بقى ؟:arghh:
ممكن يكون حضرتك عندك الأملاح عاليه في جسمك (كنت بسمعهم يقولو كده زمان) وعلى العموم جسم العربية كله واخد ارضى وطبعا ما ينفعش اى فردة كهرباء موجب يعني تيجى على الجسم هتعمل قفلة طبعاً بس غريبة قوى
انا بتكهرب من الباب
MMamdouh
طب خلى حد تانى يفتح الشنطة وشوفه هايتكهرب ولا لأ
أنا ليا واحد صاحبى كل ما يركب معايا يتكهرب فى الباب ، بس دة الفولت بتاعه عالى شوية ، لأن كل لما اسلم عليه يكهربنى :Lighten:
انا كده على طول اول و المس الباب اتكهرب لدرجة انى مرة بفتح الباب اتكهربت و ابنى كان لامسنى اتكهرب هو كمان
حاول تفرغ الشحنة الى فى ايدك قبل ما تلمس العربية بوضع ايدك الاتنين على اى حيطة مثلا
في بخاخ انتي ستاتيك اشتريه ورشه على الكراسي علشان متعملش شحنة ستاتيكية في جسمك .
Thanks
Eng.Sherif Shaker
:Lighten: شكرا
طيب انا كان بيحصل معيا كده بس في ال الموتال بتاع البرتشن بتاع المكتب وكنت والله بسمع صوت الكهرباء كمان ... حد حصلت معاه ديه قبل كده ؟؟
الشنطة بس ولا إى حاجة
انا كمان بتكهرب من عربيتي
بس اول مره اسمع عن البخاخ ده
سمعت عن لاصق بين الرأس والكتف بينهم سلكه نحاس
بس ده جديده
لو تعرف فين وبكام قولنا
الحقيقة انا اول مرة اسمع عن الكهربة من الشنطة او اى مكان فى العربية
لحد دلوقتى ماتكهربتش خــــالص :3gears:
وكمان اعرف واحد قابلته وانا بعمل صيانة الالف
قالى انه الكتشى الى بيلبسه لازم يتكهرب من العربية ولو ملبسوش مايتكهربش وكمان اتكهرب قدامى وسمعت صوت طرقعة الكهرباء
++++++ 1000
وكمان الموضوع ده مالوش علاقة بالدايو عموما لانه فى كل السيارات
عشان انا اتكهربت فى الشاهين والانسر 2008
عزيزي
الكهرباء الأستاتيكية موجودة دايما علي اجسامنا
وبتزيد لما نليس بعض الملابس اللي بيكون في تكوينها
صوف او الياف صناعية زي البوليستر
فية حاجة مهمة تانية وهي الحذاء اذا كان النعل جلد طبيعي
مش حاتتكهرب لأنة عادة بيكون فية نوع من التشرب للرطوبة
من الأرجل وعلشان كدة بيسرب اول بأول بالأرض
اما لو كنت لابس كوتشي او نعل بولي يوريثان (بوريتان بالعامية)
فأكيد لو لابس قميس او بلوفر حاتتكهرب من الباب لأنة اول حاجة
انت بتلمسها في الفتح او النزول من السيارة
كمان ماننساش ان العربية نفسها علي كاوتش يعني مابتسربش
الكهرباء الأستاتيكية أول بأول ، ألا لو لمسها حد من برة
ملاحظة هــــــــــــــــــــــــ ــامة
اذا كانت الكهرباء دي ملازمة ليك دايما ، خد بالك كويس قوي
انك لاتنزل تمون بنزين قبل ماتلمس حاجة تسرب الكهرباء دي
لأن حصل أكثر من حادث هنا بالكويت لناس اتحرقت ، ايوه اتحرقت
من الكهرباء الأستاتيكية عند تموين السيارات
وكان فية من اسبوعين فيديو لأمرأة بتمون بنزين واول مالمست
غطاء التانك خرطوم البنزين ولع في ايدها من الكهرباء الأستاتيكية
فية حل نهائي للمشكلة دي وهو بتلاحظوة في عربيات النقل وعادة
في عربيات نقل الوقود ، وهو عبارة عن سلسلة صغيرة مثبتة بالشاسية
وبتلمس الأرض من وقت للثاني يعني في المطبات مثلا علشان ماتعملش
صوت مزعج وبنفس الوقت تسرب الكهرباء بقدر الأمكان
لقيت الفيديو بتاع الست اللي كانت بتملي بنزين
وولع فيها الخرطوط
http://www.youtube.com/watch?v=HnSWW...eature=related
لاحظوا ان ماكنش فية مشكلة ألا لما رجعت العربية ونزلت ولمست البلوفر مرتين
يعني شحنت كهرباء وبعدين لمست يد خرطوم البنزين
ممكن منطقة سكن حضرتك فيها شبكات تقوية او ضغط عالى فشحنة الجشم نفسه عالية نسبيا
والله يا جماعة مش عارف اشكركم ازاى ,,
على العموم ربنا يستر وربكم دايما ستار
شكرا ,,
دا بضبط الي كنت عايز اقولة عشان الموضوع منتشر في امريكا و كانو في الاول بيلوموا الموبيلات على هذة الحوادث حتى اكتشفوا السبب هو الكهرباء الأستاتيكية من كثرة الدخول و الخروج من السيارةاقتباس:
ملاحظة هــــــــــــــــــــــــ ــامة
اذا كانت الكهرباء دي ملازمة ليك دايما ، خد بالك كويس قوي
انك لاتنزل تمون بنزين قبل ماتلمس حاجة تسرب الكهرباء دي
لأن حصل أكثر من حادث هنا بالكويت لناس اتحرقت ، ايوه اتحرقت
من الكهرباء الأستاتيكية عند تموين السيارات
وكان فية من اسبوعين فيديو لأمرأة بتمون بنزين واول مالمست
غطاء التانك خرطوم البنزين ولع في ايدها من الكهرباء الأستاتيكية
فية حل نهائي للمشكلة دي وهو بتلاحظوة في عربيات النقل وعادة
في عربيات نقل الوقود ، وهو عبارة عن سلسلة صغيرة مثبتة بالشاسية
وبتلمس الأرض من وقت للثاني يعني في المطبات مثلا علشان ماتعملش
صوت مزعج وبنفس الوقت تسرب الكهرباء بقدر الأمكان
انا بتكهرب من الباب ايضاً
يا جماعة أنا لاحظت إن الظاهرة دى مرتبطة بعدد ساعات جلوسك أمام شاشة الكمبيوتر ، وبتحصلى دايماً لما بشتغل كتير
مش عارف علاجها إيه ، أنا بقا عندى فوبيا وأنا بنزل من العربية وبقفل الباب :)
اكتر حاجة تسرب الشحنات الاستاتيك من جسمنا زي ما دكتور عبد العزيز علما استاذ العلاج الطبيعي قاللي
انك تمشي حافي على النجيلة الخضراء
لا تتخيلو بتريح الجسم قد ايه
و انا بفتح الموضوع دا دلوقتي و قاعد اقراه و مركز اوي... لقيت اللي قاعد في المكتب اللي قدامي في الشغل بيتكلم في التليفون و بيقول (ماهو مافيش حل في حكاية الكهربة ديه) .... ايه توارد الخواطر ده :)
أنا برضه كل ما اجي أفتح الباب أتكهرب
ملاحظ برضه إن ناس كتيير عندها الحكاية دي
واحد هنا في المنتدي كان قلي علي طريقه ظريفه..من سعتها وانا استريحت من الموضوع ده
بتحصل خصوصا فى الشتاء لما تكون لابس بلوفر صوف بالآخص بسبب الكهرباء الآستاتيكيه و بتختلف من جسم انسان لآخر احسن طريقه اعمل زيى و زق الباب من الزجاج مش من المقبض و بعد كده حط المفتاح من غير ما تلمس جسم العربيه كنت باعمل كده دلوقتى الريموت و السنتر حل المشكله الحمد لله
written by aboalm
انا اسف بصراحة أول ماسمعت كده ضحكت .....انا مبحبش اصلا اللانوس نهائي نهائي
وانا لو منك اروح للتوكيل واخلي العمال والمهندسين كلهم يتكهربوا عشان تعرفهم ان العربية دي وحشة فيدولك فلوسك وتشتري عربية غيرها
وكمان مهما كان المشكلة في حضرتك لازم اللي بيصنعوا العربية يكونوا عارفين بيعملوا ليه تحسبا لاي حاجة زي كده
يا باشا حضرتك المشكله متمثله فى اللانوس بس ديه متمثله فى عربيات تانيه كتير طيب ما انا ساعات بتكهرب من باب عربيتى
إحب اصحح المعلومة دي وهي ان السلسله الي بتبقي في الشاسيه دي لأغراض الأمان عشان لو عامود الكردان فرك في اثناء السرعه العاليه ووقع ووصل للأرض ممكن العربيه تتقلب و عشان كده كل النقل عاملها مش نقل الوقود فقط وحتي كمان النصف نقل وتقريباً القانون بيجبر علي ده
اما موضوع الكهرباء الإستاتيكية فمتعلقه بالشخص وتقريباً من الي إيديهم بتعرق علي طول او حاجه زي كده ...يعني كلنا بنتشحن بالكهرباء بس مش كلنا بنفرغ الكهرباء دي
لا دى غير دى
السلسلة اللى انت بتتكلم عليها بتبقى بعرض الشاسية و ماشية من تحت الكردان و بتبقى فى معظم ان لم يكن كل العربيات النقل
السلسلة اللى احنا بنتكلم عليها بتبقى فى عربيات نقل المواد القابلة للاشتعال و دى بتبقى فى طرف العربية من ورا و مدلدلة على الارض
MMamdouh
انا برضه اتكهربت كذا مرة وانا بفتح الباب وبسمع صوت كمان (صوت طرقعة كده)
دي كهربا استاتيكية بتيجي من نوع الملابس الي بتلبسها مع احتكاكها بخامات الكراسي يعني اكيد انت عندك فرش العربية قماش او قطيفة وفي الغالب هتلاقي اللبس بتاعك فية بوليستر كتير
وكمان جرب تلبس ملابس قطنية وافتح الشنطة هتلاقي نفسك مفيش كهربا نهائي وهتلاقي انها بتحصل اما تلبس ملابس فيها بوليستر