الموضوع: استشارة للدعم الفني

انا لو عاوز اغير الفتيس بتاعي الي الفتيس الجديد للسيراتو كوبية التكلفة اد اية و في امكانية ولا لا

هو في امكانية مادام في فلوس دائما :)
بس السؤال الاهم لييييه اصلا حرام!

اولا انت محتاج جير و كنترول و ضفيرة و ممكن (بس مش اكيد كبالن) و دول مش هتلاقيهم غير في عربية استعمال خارج ( وممكن يقوللك مش ببيع غير موتور و ضفيرة و كنترول مع بعض علشان السيارة لسة جديدة و مفيش منها كتير متقطع ده لو لقيت اصلا

او التوكيل و قابل بقا علي الارقام :)

توقعاتي الخاصة جدا ٣٠،٠٠٠ ممكن يخلصوا القصة (مجرد تخمين)

اما من الناحية التقنية. الموتور ال ١٦٠٠ اصلا موتور قطة مش موتور سيارة و مش محتاج ٦ سرعات اصلا. انا شايف ان الموضوع كان تجاري بحت من الشركة انها قررت تلغي الجير ال ٤ سرعات لمجرذ توافر الجبر ال٦ في السيارات المنافسة.

و لكن علي الطريق انا جربت اجري بي سيارتي ال٤ مع السيارات ال٦ و كانت النتيجة تفوق الجير ال٤ سرعات بجدارة.
و ده لسبب بسيط. ان الديلاي اللي بيحصل بين النقلات من ٠-١٢٠كم عندي بيحصل مرة واحده و عنده مرتين.
و ده بيقضي علي الفارق الطفيف في التسارع اللي محققاه فرق نسب التعشيق بين الغيارات

فيبقي للجير ال٦ سرعات فائدة واحده و هي ترييح الموتور علي السرعات العالية