عندى مشكلة ارجو الافادة لمبة الفتيس sport drive بتنور وتطفى . ابطل العربية وادورها تانى تطفى اللمبة .تمشى يوم كويس وترجع تنور.وعلى هذا الحال .
غيرت الزيت موبل 320 نفس المشكلة .ايه الحل ؟
عرض للطباعة
عندى مشكلة ارجو الافادة لمبة الفتيس sport drive بتنور وتطفى . ابطل العربية وادورها تانى تطفى اللمبة .تمشى يوم كويس وترجع تنور.وعلى هذا الحال .
غيرت الزيت موبل 320 نفس المشكلة .ايه الحل ؟
الفتيس بيودع
فيه موضوع مشابه هنا اسمه ( استشارة بخصوص فتيس فيكترا a 2000 اوتوماتيك )
ادخل شوف الردود يمكن تفيدك
الله يطمنك . الفثيس ده بيعمل كام ان شاءالله .
كان ب 1800- 2000
دلوقتى بيعدى 3000
و ما دام انت فى اسكندرية يبقى خد رأى استاذ مجدى
ممكن يفيدك فى الناس اللى هناك
هل فى مؤشرات اخرى لتلف الفتيس
سحب ضعيف
لمبة الأس تنور
ميقبلشى غيار
يتأخر فى الغيارات
طب ممطن يكون الجلد ( مش فاكر اسمها بظبط) داخل الفتيس لو الزيت جوه نقط سوداء ورحته شياط
ولا ايه يا مستر طنون
لما ابطل العربية وادورها تانى بتمشى طبيعى جدا والسحب تمام ومش بتأخر فى الغيار هل ده يبقى الفتيس بيودع ؟
لأ
كده يبقى سليكتور سويتش فيه مشكله
يا كهربا
يا تنضيف
نفس العيب
يبقى الفتيس
ادعوا معايا ميكونش الفتيس
يارب تطلع حاجة بسيطة او بعيدة عن الفتيس نفسه
هل موضوع ان اشيل كابل البطارية ده ينفع فى الحالة دى ?
ياباشا إكشف بالكمبيوتر أحسن
رجاء من فضلك
فى الاسكندرية التوكيل مافيهوش الجهاز بتاع العربية على اساس انها موديل قديم ومع الاسف ماعرفش حد عنده الجهاز هنا .
بص يا عم الحاج الحكاية ضفيرة و دى حكمة خبير من الصعيد
شوف لك واحد كهربائى كويس يراجع على اسلاك و فيش الضفيرة
اوعى حد يقولك فتيس يا عم
ضفيرة ......ضفيرة ......ضفيرة ......ضفيرة ......ضفيرة ...... اخ اخخخ ....................احلم ضفيرة
مش هنخسر حاجه لو كهربائي راجع علي الدفيره وخاصه السلوك اللي طالعه لفيش الفتيس والحساس بتاعه تقريبا هما 4 فيش مش متاكد وان شاء الله تطلع بسيطه
راجع كهربا الأول
حتى لو الكنترول مقراش
السلام عليكم . انا ذهبت للكهربائى نظف الفيش كلها وكان منهم فيشة الكلبس بتعها مكسور وماكنتش راكبة كويس فعمل لها افيز . انا ماشيت بالعربية انهارده محصلش العيب والحمد لله يارب يستر وتكمل كده على خير . ولجميع الاخوه فى المنتدى جزبل الشكر .
ع البركه يا استاذ .ربنا بيختبر صبرك بس ,الحمد لله علي كل شيء وان شاء الله مفيش حاجه.
العفو يا باشا
و متمشيش ورا كلام الفتايين اللى عندنا
امشى ورا دماغك