السلام عليكم انا عريبتي فيات سيينا وفيها سنتر وعايز اركب انذار يكون كويس وسعره كام وهل الانذار هيركب علي السنتر ويكون ريموت واحد وشكرا
عرض للطباعة
السلام عليكم انا عريبتي فيات سيينا وفيها سنتر وعايز اركب انذار يكون كويس وسعره كام وهل الانذار هيركب علي السنتر ويكون ريموت واحد وشكرا
spy 5000 يعمل 400 بالتركيب -وريموته مستقل - نصيحة لا تتنازل عن spy 5000 الوكيل غريب بالتوفيقية
الولف كويس بس الاسباى 5000 فية امكانيات رائعه ب370 بالتركيب وفية ناس بتبيعه ب450 بس انت وشاطرتك
ايه رايكم فى أدريان ب 300؟؟؟
سؤال هو في سنتر لوحدة بس من غير انذار؟ وان في بكام وافضل نوع يعنى بعد اذن صاحب موضوع؟
فيه سنتر لوحده ايوة
اعتقد الوولف بتركيبه ب 120 جنيه تقريبا حسب ما اعتقد !
انذار وولف كويس اوى وسباى برده محترم بس انا سبت كل ده وركبت انذار المانى بدون ريموت وبمفتاح فصل على الإسبراتير وبسخدم ريموت السنتر علشان مكنش عندى استعداد ارميه هو الإنذار غريب شوية بس جامد ومن غير سينسور شغال على الابواب مجرد يفتح الإنذار يشتغل ومش هيعرف يدور العربيه
عيوبة انه مش بريموت اذا كان ده عيب
بشتغل على الكلاكس بس انا جبت سرينة بعشرين جنيه وركبتها
بيشتغل مجرد فتح الباب لو هو فى وضع التشغيل وتوقفه بمفتاح الفصل
مميزاته
مش كل ما قطة تعدى من جمب العربية يشتغل لو اشتغل يبقا الباب اتفتح والعربية بتتسرق يا معلم
مزود بمفتاح فصل بيشتغل على الإسبراتير و المارش ولو الحرامى عرف يفتح الباب مش هيعرف يدورها لو جاب مهندسين حتى
مخلنيش الغى ريموت السنتر
المااااااااااااااااااانى الصنع
سعره 200 جنيه و نادر الوجود بس لو احتاجته هدلك على المكان بإذن الله وربنا يوفقك وتركبه علشان ده ضرورى فى الأيام الجميله دى
على فكرة الطبيعى انه يكون السنتر لوحده من غير انذار وانا لفيت علشان اجيب الإتنين مع بعض بس ملقتش حاجه والسنتر بيبتدى من 100 الى 500 وتركيبه مصنعية معروفة خمسين جنيه علشان طبعا بيفك الأبواب و بيطلع عينه انضف سنتر انا جربت الوولف حلو اوى وريموته شيك جدا جدا وكمان بيكون المفتاح نفسه هو الريموت ومعاه واحد احتياطى اما بالنسبة لسباى كويس لسة مركبة من اسبوع تمنه 115 و ريموته مش بطال وفى منه نوعين واحد بيشتغل مع الإشارات فى الفتح والقفل وواحد من غير الإشارات دفعت مصنعية 100 علشان الإنذار كنت بركبه وكان معقد اوى ده غير انى كنت بساعده كمان ( فى قراية الماب والكتالوج طبعا )
شكراً لكل من اهتم بالرد علي استفساري وبالنسبة للسؤال هو فيه سنتر من غير انذار الصراحة انا معرفش انا خبرتي قليلة في السيارات ودي اول عربية ليا وشاريها من شهر بس وكانت بسنتر من غير انذار
الصراحة انا معرفش انا خبرتي قليلة في السيارات ودي اول عربية ليا وشاريها من شهر بس وكانت بسنتر من غير انذار
ممكن تروح توكيل وولف ...تكلفة الانذار بالتركيب 195
1-معاملة محترمة جدا و بتاخد فاتورة و ضمان خمس سنين
2-عندهم بدون مبالغة اكتر من تلاتين ريموت مختلفين .....بتختار اي شكل يعجبك
3-بيركبوا الانذار زي م الكتاب بيقول و بيشغلوا جميع الخصائص من اهمها
(فصل الدوارة يعني مثلا لو العربية اتفتحت بمفتاح ..الانذار هيشتغل و العربية مش هتدور عشان الموبينة مفصولة ..لازم العربية تتفتح بالريموت)
( امكانية تبطيل العربية بالريموت ..يعني مثلا لا قدر الله لو سايق و طلع عليك حرامية ..متقاومش. بس ماقبل تنزل من العربية تدوس الزرار الاول و بعدين التالت بسرعة..وتسيبهوم ياخدوا العربية ..بعد 45 ثانية الانذار هيشتغل و الموبينة هتفصل و العربية هتبطل)
(هيخلوا الشنطة تفتح بالريموت..بس شرط انها تكون بتفتح بزرار كهربا في التابلوه)
و خصائص تانية ممكن تشوفها علي موقعهم
الانذار بييجي معاه 2 ريموت اساسي ..لو عايز ريموت زيادة بتدفع 50
دا الموقع بتاعهم
:: Wolf ::
شكر ليك يا استاذ اشرف بس من تجربه هو ولا سباي
هوكا بااشا تسلم والله ع رد وافي دة طب معلش ترشح لي الافضل فيهم ولف ولا سباي
واي نوع منهم يكون احسن لانهم انواع كتير ظرازات يعنى كتير
واصلا اذا جبت جديد هيكون احلى من اغير مكنتنين اللى بابين الاامامي ب50 غير مصنعيه اعتقد جديد افضل بس مشكله ان ريموت القديم شكله شيك وتحفه ولسه الاحتياطي بتاعه معايا جديد؟
منظار اراكم
العفو يا باشا احنا اخوات بس انا مش فاهم تقصد ايه بمكنة الباب لو تقصد القرب بتاعة السنتر فهى فى كل حال بتيجى مع السنتر اربع قرب والجهاز و عدد 2 ريموت وبالنسبة لأى موديل فى الوولف فأنا بأكدلك ان اى موديل فى الوولف جامد جدا وارشحهولك بشدة بس اختار واحد يكون الريموت فى المفتاح جزء واحد شكله بيكون تحفة وكمان تجيبه من مكان مضمون وتتأكد من الضمان يكون مش اقل من 3 سنين بس انا بختلف مع اللى قال ان السنتر بتركيبه 120 جنيه لان السنتر لوحدة ممكن يوصل معاك 150 جنيه ومصنعيته حسب اللى بيركب بأه وبالتوفيق يا باشا ولو احتجت حاجه قولى
تسلم ياباشاا
اللى اقصد ان في حل واحد كان قالو لي انى اغير المكنه خاصه بالبابين الامامي لانهم المكن الرئيسه فى تحكم عندي
من اي باب فيهم بقفل وبفتح عربيه كلها فاقلي غيرهم بجديد وسيب اللى فى بابين خلفين يتضبطو
والمكن جدد ب50 الاتنين غير مصناعيه فامش عارف كدة افضل ولا اجيب الولف جديد وع كلامك هقفل 200 بامصنعيه؟. رئيك ايه
نفسى حد يقولى فروق جوهرية بين انواع اجهزة الانذار مش يبقى ده احسن وخلاص