عرض للطباعة
السلام عليكم. قدامي سيفيك 2009 راكبلها جنط 17 فا عاوز أعرف هوا الجنط ال17 إيه مشاكله وهل هوا ميزة ولا عيب. هوا طبعا كا شكل شكله جامد جدا. وبرضه لو العربية صياناتها خارج التوكيل هل دي حاجة تعيبها أوي يعني؟ أنا لسا ما سألتش بس شكلها كده صيانتها بره التوكيل.
وعليكم السلام،
مافيش مشكلة من الجنط ال ١٧ طلما راكب عليه كاوتش ٢٢٥/٤٥ ،،،
اما بالنسبة للصيانة برة التوكيل دي هي المشكلة خصوصا لو عربية حد ماتعرفوش وماتعرفش كان محافظ عليها ومنتظم في الصيانة واللا لَا وهل كان بيجيب قطع غيار أصلية واللا بيسترخص خصوصا ان قطع غيار الصيانة الاصلية غير موجودة الا في التوكيل (فلاتر زيت وبنزين وتيل فرامل وخلافه) يعني لو صيانتها برة التوكيل يبقى غالبا مابيتحطلهاش قطع غيار أصلية وده أكيد مش مضبوط.
شكرا هورسباور. بالمرة كدة بما انك من ملاك السيفيك. إيه أكتر حاجة عاجباك في العربية وأكتر حاجة مضايقاك فيها؟
افضل ميزة في السيفيك هي موتورها ،،، (((مافيش عربية 1600 سي سي تطلع من السيفيك))) ،،، ميزة اخرى انها واسعة.اقتباس:
المشاركة الأصلية كتبت بواسطة mahmode
العيب الوحيد اللي (فعلا مضايقني) هو (عزل الصوت) فيها مش كويس يعني لو عديت على علبة عصير صغيرة وخبطت في العفشة تحت هاتسمع صوتها حتى وانت قافل الزجاج.
طب موضوع وطيها على الأرض. مش مضايقك؟
أبدا ،،، لو تعرف حد عربيته (السيفيك) حصلها مشكلة بسبب انها واطية قولنا عليه :))اقتباس:
المشاركة الأصلية كتبت بواسطة mahmode
والله بالعكس كل حد عنده سيفيك قال لي مش بتحك في 95% من المطبات. اللي بيقولولي السيفيك عربية واطية وحتحك في كل المطبات محدش منهم ركب سيفيك :)
صح يا محمود انا الحمد لله ربنا كرمنى و اشتريت
و لحد دلوقتى ببقى لوحدى فى العربيه او معايا حد و ساعات اتنين و عمرى ما حكيت غير هى مره واحده بس بصراحه ده كان مطب اسمنتى صنع اهل المنطقه و كان عامل زي الحاجز مش مطب اصلا و الحكه مش مميته يعني
لكن فى المطبات التانيه سيان عاليه او واطيه الموضوع ظريف جدا و الحمد لله
اقتباس:
المشاركة الأصلية كتبت بواسطة hamada_amg
اولا الف الف مبروك ع العربيه الجديده
وربنا يديك خيرها ويكفيك شرها يااارب
ممكن سؤال بعد اذنك سعر الشراء ؟
اقتباس:
المشاركة الأصلية كتبت بواسطة sheno0o
ربنا يبارك فيك ياباشا يارب
بالنسبه للسعر هى خلصت على 146 الف ان شاء الله
ألف ألف مبروك يا أحمد وربنا يباركلك فيها ويحافظلك عليها. عقبالي ما أخلص أنا كمان :)
ربنا يبارك فيك يا محمود و ان شاء الله تلاقى عربيه حلوه