تجربتي فى حجز جين 2 من معرض .. رأيكم لو سمحت

سلام عليكم

الجمعه ال فاتت شفت اعلان فى الوسيط بيقول اشتري عربيه ادفع 50% و الفايده 4% عرض

المهم انا فكرته اشتغاله اتصلت لقيته فعلا مظبوط
.. فقررت انى احجز من عندهم جين تو 2012
روحت اتفقت و دفعت 1000 جنيه عربون
عند معرض اسمه ( السراج اوتو ) فرع الدقي ..
المفاجاه انه قالي فيه تأمين 3000 جنيه .. ده بيطلع فى كل المعارض مش عارف ده صح ولا لآ
قالي فيه استعلام و بعدين بتدفع ال 50% و بعدين تستني العربيه لما نجبهالك
و نروح معاك نرخصهالك و تستسلم
المهم انا بطلب منكم تنصحوني ازاى اضمن حقي .. وهل ده الطبيعي . بعني انا ماشى مظبوط ؟

لانى اول مره اجيب حاجه قسط

انتا ممكن تأمن من اى شركة بره عادى وانتا اللى تحدد عاوز تامين شامل ولا 80 او 90 %
بس لازم تأمن

طالما العربية قسط يبقى لازم فعلا التأمين بس مش لازم تأمن مع الشركة الى هو يختارها لف على كذا شركة لحد ما تاخد سعر كويس منهم و الأحسن تكون شركة متشهورة و متجربة هشان ما يقرفوكش لو قدر الله و حصل حاجة شركة أليانز شركة كويسة قوى


الحاجة التانية التامين بيبقى بعد العربية ما بتوصل مش قبلها يعنى لو كنت زى ما فهمت إنه عايز ياخد 3 ألاف جنية دلوقتى يبقى الراجل ده بيشتغلك و قوله لما تيجى العربية يبقى نعملها تأمين

بس انا عيز أعرف منك هو قالك سعر العربية كاش كام و هايسلمك إمتى

الحاجة التانية المفروض العرض بتاع السراج ده من غير حظر بيع

فهو هيروح معاك المرور لية عشان يخدمك فى المرور يعنى و لا عشان يرخصها بإسمة خلى بالك من ده العربية المفروض تترخص بإسمك و بدون حظر بيع