لوجان 2011 ومصر للتأمين

**ahmedeg1** · 30-09-2011 03:02 AM

نصيحه من أخ بلاش رش و ممكن توديها عند حد يلمعهالك بكومبوند و لو فى خبطات رد على البارد و لو منفعش خليها كده و بلاش ترش حتى نضافه لكن لو هتأقنيها يبقى أعمل اللى انتا عاوزه

**baset** · 30-09-2011 04:08 AM

المشاركة الأصلية كتبت بواسطة e_amrawad

سيادتك لو هتأمن في نفس الشركة مش هيبقي فية معاينة ودة طبيعي عشان هو هيفضل مسئول عن الحوادث في السنتين.
تقريباً المبلغ التأميني (سعر السيارة) بيقل في أول سنة من 10 الي 20% من قيمة العربية يعني لو انت مأمن السنة اللي فاتت علي العربية ب 70 ألف, السنة دي هتقل 10% يعني 63 ألف.

ولكن لو هتأمن في شركة تانية هتعمل معاينة وغالباً في المعاينة مبتفرقش الخدوش البسيطة.

طيب حضرتك متأكد فعلاً إني لو هأمن تبع نفس الشركة أكيد مفيش معاينة - أصل أنا إتقالي إن لما آجي أجدد هييجي مندوب من الشركة ويعاين برضه ولما يشوف الخدوش والنقرات دي هيثبتها إن دي كانت حالة العربية لما إتعاقدوه معايا فاملهومشي دعوة بيها.

**baset** · 30-09-2011 04:13 AM

المشاركة الأصلية كتبت بواسطة wassim_nasser

هارد عليك بإختصار .. معظم أسئلتك اجاباتها نسبية وبتبقى حسب الظروف يعنى المهندس يقول تتصلح أو لأ دي حاجه هو بيقررها لما يشوف الخدوش .. كمان موضوع تقعد ف التوكيل يوم أو عشرة ده علي حسب ظروف شغلهم هناك .. كل اللي اقدر اقولهولك ان التأمين بيدقق ف الحوادث الجامدة اللي بتحتاج محاضر شرطه يعنى اتخبطت ف نقل او شجرة (لاقدر الله طبعا) لكن الخدوش والحكات بتتعمل عادي .. بالنسبه للشغل جوة التوكيل او ف ورشة ده يرجع لشطارة الصنايعي يعنى لو هو كويس وفاهم هايطلع شغل نضيف وياما ناس راحت التوكيل واشتكت من السمكرة .. و يستحسن الحاجات الصغيرة تبقى بره التوكيل لأنك هاتدفع بره تلت او ربع ال هاتدفعه ف التوكيل ده غير ان التأمين مش بيفاصل ف شغل الورش لكن بيفاصل التوكيل وده موال رذل .. يعنى من الاخر ماتروحش التوكيل ف سمكره الا وانت مبهدل العربية .. نيجي لحته الشيكات انت كده كده هاتحاسب الورشة أو التوكيل وبعدين تروح التامين بالفواتير ويطلعولك الشيكات وبيحملوك 10% اجباري من تمن التصليح ..

طيب والورش اللي ممكن أتعامل معاها برة دي هما بيبعتوني ليها ولا أنا أختار من عندي؟
ونسبة الـ 10% دي برضة هدفعها رغم إني دافع تمن أعلى بوليصة بزيادة 10% للتصليح في التوكيل؟

**baset** · 30-09-2011 04:20 AM

المشاركة الأصلية كتبت بواسطة hobby10

بص يافندم انا تجربتى الشخصية ان العربية بقالها معايا سنتين ونص من اول سنة والعربية فيها شغل للاسف من الجراج اللى كنت فيه او من الشارع المهم انا لسه اليومين دول وحاليا تحديدا هى بتتعمل فى مركز اصلاح وخلال المدة دى كنت سايباها بحالتها -مش قصدى ان حضرتك تعمل كده بس انا عن نفسى ده اللى حصل بس عموما مبنصحش بكتر عمل شغل تبع التأمين علشان القسط وطبعا وبالذات مصر للتأمين بيغلسوا جامد فى قبول او الاقتناع بالشغل اللى حضرتك عاوز تعمله- المهم العربية بتتعمل دلوقتى بس لما شفت المقايسة لاقيت الخبير نازل بكل الاسعار فى الارض وطبعا لو فى كذا حاجة حتتعمل هو بيعمل اللى بيبان فى التصوير على حد تعبيرهم ومش شرط خالص انه يوافق على كل الشغل وممكن حضرتك تضطر تتحمل بعض التكلفة او تكلفة جزء من الشغل اللى حيتعمل من الاخر بتوع مصر للتأمين بالذات مقرفين

حضرتك متفكرش انك تعمل العربية لمجرد انك تستفيد من القسط حضرتك اعملها لو شايفها محتاجة لده بس ممكن تصبر عليها حتى علشان تاخد العين

بالنسبة بقى انها حتبقى رشة لو حضرتك مش ناوى تبيع قريب يبقى فى جميع الاحوال فى مصر حضرتك قبل ما تيجى تبيعها فى يوم من الايام غالبا حترشها اللى بيسموها رشة نضافة اهم حاجة حضرتك مترشش كبوت ولا شنطة ولا سقف غير كده عادى

متهيقلى فى جميع الاحوال حضرتك بتتحمل 10% من التكلفة بيفرق بقى المبلغ بين الورشة والتوكيل

ربنا يوفقك وتحت امرك فى اى حاجة

متشكر جداً لرد حضرتك وذوقك في الحديث

- أفهم من كلام حضرتك إني ممكن أحوش شوية شغل وأعملهم كلهم آخر السنة ولا التأمين مش هيرضى ويقولي دي حوادث متعددة

- وهل كتر عمل شغل بيأثر في قيمة القسط؟

- هل في شركة مش بتغلس في المواضيع دي ويكون التعامل معاها أيسر؟

شكراً

**baset** · 30-09-2011 04:22 AM

المشاركة الأصلية كتبت بواسطة ahmedeg1

نصيحه من أخ بلاش رش و ممكن توديها عند حد يلمعهالك بكومبوند و لو فى خبطات رد على البارد و لو منفعش خليها كده و بلاش ترش حتى نضافه لكن لو هتأقنيها يبقى أعمل اللى انتا عاوزه

ممكن حضرتك تشرحلي يعني إيه تلميع بكومبوند ده وهل دة ينفع في حالة الخدوش في جسم السيارة والإكصدامات وياريت كمان أعرف تكلفته كام؟

**ahmedeg1** · 30-09-2011 11:25 AM

علبة الكومبوند بتتباع ب 7 جنيه عند اى حد موان و بتورح لواحد بتاع دوكو و تقولوا انا عاوز المع العربيه بجهاز التلميع و ان شاء الله لو الخدوش مش عميقه هتروح و كمان فى منتج فى كارفور ماده سايله كده بقلم تملا بيه الخدوش العميقة و بلون العربيه تمنه فى حدود 80 جنيه ده بوليش سوناكس
اعمل كل دول و لو حتى الخدوش قلت يبقى اسمك مارشتش العربيه و تعيبها خليها على كده و لمعها بس
نصيححه من أخ بلاش ترش عربيتك حتى لو فيها خرابيش بيقل من تمنها جامد لما تيجى تبيع
اللهم بلغت اللهم فاشهد

**gebreel** · 30-09-2011 05:53 PM

بص يا باشا انا مأمن مع مصر للتأمين من ساعة ما جبنا العربية من 2009 و لسة مجدد من حوالي 3 ايام

الحمد لله بفضل الله معملتش ولا حادثة الا فانوس اتكسر وانا بركن و اتغير تبع التأمين و خلاص

انا مفيش مندوب شاف العربية وقت اي تجديد نهائي لأني مش عامل اي اخطار لحادث و بالتالي العربية مش مخبوطة و بيجددلي بدون مندوب ولا يحزنزن ده حصل معايا و انا بجدد للمرة الثانية

**hobby10** · 01-10-2011 03:26 AM

المشاركة الأصلية كتبت بواسطة baset

طيب والورش اللي ممكن أتعامل معاها برة دي هما بيبعتوني ليها ولا أنا أختار من عندي؟

متهيقلى الاتنين متاحين وزى ما حضرتك تحب هم ممكن يرشحوا
ونسبة الـ 10% دي برضة هدفعها رغم إني دافع تمن أعلى بوليصة بزيادة 10% للتصليح في التوكيل؟

الموضوع معتمد على وثيقة حضرتك شوف مكتوب فيها ايه

**Xlance2010** · 01-10-2011 05:57 PM

المشاركة الأصلية كتبت بواسطة ahmedeg1

علبة الكومبوند بتتباع ب 7 جنيه عند اى حد موان و بتورح لواحد بتاع دوكو و تقولوا انا عاوز المع العربيه بجهاز التلميع و ان شاء الله لو الخدوش مش عميقه هتروح و كمان فى منتج فى كارفور ماده سايله كده بقلم تملا بيه الخدوش العميقة و بلون العربيه تمنه فى حدود 80 جنيه ده بوليش سوناكس
اعمل كل دول و لو حتى الخدوش قلت يبقى اسمك مارشتش العربيه و تعيبها خليها على كده و لمعها بس
نصيححه من أخ بلاش ترش عربيتك حتى لو فيها خرابيش بيقل من تمنها جامد لما تيجى تبيع
اللهم بلغت اللهم فاشهد

ياريت اسم المنتج ايه اللى بيتباع فى كاروفور وهل فيه كل الالوان منه ولو سمحت مواصفات المنتج ولو تقدر ترفع لنا صورة العلبة يبقى ممتاز ... متابع باهتمام

اسمى اسفل مشاركتى

-

الموضوع: لوجان 2011 ومصر للتأمين

LinkBack

أدوات الموضوع

عرض

-

-

-

-

-

-

-

المواضيع المتشابهه

مصر للتأمين و لوجان 20111

استلمت لوجان 2011 فيرانى يوم الاربعاء 2011 .

لوجان 2011 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لوجان 2011

لوجان 2011

الكلمات الدلالية لهذا الموضوع

المفضلات

المفضلات

ضوابط المشاركة