لوجان 2011 ومصر للتأمين

**baset** · 04-10-2011 07:18 PM

متشكر جداً لكل الناسة المحترمة اللي رديت عليا وأفاديتني - أنا قررت الآتي:

- مش هصلح هذه النقرات والتجريحات (مش هرش)
- هأمن تبع نفس الشركة بدون معاينة

شكراً

**Xlance2010** · 04-10-2011 07:26 PM

الف مبروك لوثيقة التأمين وربنا يكرمك ويحفظ لك العربية وإن شاء الله ماتحتاجش لرش او تصليح ولا بره التأمين ولا جوه التأمين

ولك تحياتى
اسمى اسفل مشاركتى

**amr52158** · 14-10-2011 03:54 PM

الاخ الكريم -انا بشتغل مندوب فى مصر للتامين واحب اعرف سيادتكم ان التجديد بيكون تلقائى ومن غير اى معاينة ولك الحق فى اى اصلاح للسيارة ما دام الوثيقة صحيحة وكاملة حتى لو كان بعض التجريحات ولو كان لك بعض الاستفسارات الاخرى يسعدنى ان اجيب عنها > عمروسلامة < 0123632473

**gebreel** · 14-10-2011 04:40 PM

استاذ عمرو

هي نسبة التأمين دلوقتي بقت كام؟ انا مأمن على 3.5 بس كنت قريت في الجرنال انها هتزيد

هتزيد لكام بالضريبة و الدماغت
و هل زادت ولا لسة؟

**gebreel** · 14-10-2011 07:48 PM

المشاركة الأصلية كتبت بواسطة amr52158

استاذى الفاضل .هى لسة ما ذاتش بس هتزيد ل4 اواكتر فى احصائية للخسائركل 3 شهور وعليها بيتحدد السعر

الف شكر يا باشا و معلش لو فيه اي حاجة بقى هتعبك معايا =)

**hobby10** · 15-10-2011 01:08 AM

المشاركة الأصلية كتبت بواسطة amr52158

الاخ الكريم -انا بشتغل مندوب فى مصر للتامين واحب اعرف سيادتكم ان التجديد بيكون تلقائى ومن غير اى معاينة ولك الحق فى اى اصلاح للسيارة ما دام الوثيقة صحيحة وكاملة حتى لو كان بعض التجريحات ولو كان لك بعض الاستفسارات الاخرى يسعدنى ان اجيب عنها > عمروسلامة < 0123632473

استاذ عمرو بعد اذنك انا حاليا بعمل شغل سمكرة ورش فى عربيتى فى مركز تصليح والمهندس هناك قالى ان المندوب موافقش الا على اقل سعر للقطعة وهو 175 جنيه وانه خفض كتير جدا من باقى المصاريف فحتى منقدرش نحمل بند على الاخر وهكذا وبالتالى لاستخدام بوية اعلى من المصرى العادية حملنى تمن فرق بوية خارج الفاتورة اللى حروح بيها للتامين علشان اصرفها .... هل الوضع ده طبيعى ولا كان ممكن يكون فى حل لعدم تحملى لهذا الفرق فى الاسعار ؟؟

استفسار كمان ... هل فى حالة التصليح خارج التوكيل بيتم تحمل مبلغ فى جميع الاحوال لان معلوماتى النظرية بتقول ان التحمل فى حالة الاصلاح فى التوكيل بس لكن اللى بيحصل فعلا هو تحمل فى جميع الاحوال ومش فاهمة ليه ؟

شكرا لحضرتك

**amr52158** · 16-10-2011 01:31 AM

الاخت الكريمة . لما يكون فى اختلاف فى سعر الاصلاح من حقك تطلبى معاين اخر لو ما كنتيش حاسة بالانصافبس المعاين بيقلل السعر لما يشعر ان الورشة مبالغ فى الاصلاح والاسعار اما بالنسبة للسؤال الاخر التحمل فقط عند الاصلاح فى التوكيل اما اذا كانت الوثيقة مذكور فيها نسبة تحمل نظير خصم من قسط التامين عندها يخصم عند اى اصلاح والكثير من العملاء يختلط عليهم الامرين معاواسف على التاخير فى الرد واناجاهز للرد على اى استفسار وشكرا