عاوز راى الفقه و ليس العرف فى موضوع فسخ خطوبة و الشبكة و خلافه
المشكلة ان 107 بتاعت دار الافتاء معلقة و مش هينفع اروح الصبح علشان الشغل
فعاوز احصل على راى فقهى لا يظلم اى من الطرفين
عرض للطباعة
عاوز راى الفقه و ليس العرف فى موضوع فسخ خطوبة و الشبكة و خلافه
المشكلة ان 107 بتاعت دار الافتاء معلقة و مش هينفع اروح الصبح علشان الشغل
فعاوز احصل على راى فقهى لا يظلم اى من الطرفين
هقولك باختصار شديد:
جرى العرف فى مصر ان الشبكة عبارة عن جزء من المهر او ساعات هى المهر كله أساسا (الصداق يعني)
وبالتالي عند فسخ الخطوبة يجب ردها أو رد قيمتها إلى الخاطب مرة أخرى
وكذلك المبالغ النقدية اذا اعتبرت من المهر برضه
أما الحاجات المستهلكة زي الأكل والشرب وخلافه فلا يجب ردها،
والله أعلم.
كلام حضرتك لو البنت او هلها هما اللي عايزين يفسخوا انما لو الراجل معجبوش فيمشي ويسيب كل حاجه وميزهقش البنت عشان تقوله الأول مش عايزهاقتباس:
المشاركة الأصلية كتبت بواسطة m.radwan
انا بتكلم عرف برضه لأن الشرع ممكن ان الشبكه هديه إلا اذا كان متفق عليها ضمن المهر
وشكرا
متفرقش فى الحالتين الشبكة ترجع للخاطب إذا اعتبرت جزء من المهر.سواء هو اللى فسخ أو المخطوبة. العرف فى مصر ان الشبكة جزء من المهر أو هى المهر نفسه.اقتباس:
المشاركة الأصلية كتبت بواسطة mohammadrashee
انا متأسف كلام حضرتك جانبه الصواباقتباس:
المشاركة الأصلية كتبت بواسطة m.radwan
الشبكه هديه وليست جزء من المهر
وعند الفسخ من طرف الرجل لا يأخذها
انا بتكلم على القاهره انا معرفش حضرتك منين
ده حتي انتا لما تروح تخطب ناس كويسه والكلام يجي على الشبكه الناس بتقول ديه هديه وتقديريه
مع الشكر
على فكرة احنا مش مختلفين، لان انا وضحت "إذا اعتبرت جزء من المهر" (راجع المشاركة)اقتباس:
المشاركة الأصلية كتبت بواسطة mohammadrashee
اما اذا كانت هدية فدي ليها حوار فقهى تاني وعليه خلاف بين العلماء
وشكرا جزيلا،
بص حضرتك الكلام دة انا سمعتة من الشيخ مبروك عطية وهو راجل محترم جداً
قال
الشبكة حاجة من مكملات الزرواج فلو الزواج متمش فمش من حق الخطيبة انها تاخدها لان الزواج متمش اصلاً
بس جرى العرف بتاع التأديب هنا على ان لو الراجل هو الى فسخ الخطوبة بدون ابداء اى اسباب فبنات الناس مش لعبة و ملكش حاجة علشان تتربى
اقتباس:
المشاركة الأصلية كتبت بواسطة m.radwan
كلام حضرتك صحيح حسب علمي
وهذا هو الرأي الفقهي المعمول به في المحاكم الشرعية المصرية
والشبكة في العرف المصري هي جزء من المهر والدليل على ذلك أنه يتم الإتفاق عليها من ضمن إتفاقات واشتراطات عملية الزواج
أما الهدايا المستهلكة كالحلويات وخلافه فلا ترد
ولو هناك هدايا غير مستهلكة ففيها خلاف والأكرم للفتاة وأهلها أن يردوها
والخطبة هي وعد بالزواج لا يترتب عليه أي حقوق شرعية
اما التي تفرط في شئ لخطيبها سواء قل او عظم فهذا ذنب مشترك بينهما يحاسبهم الله عليه ولكن لا يتبعه شئ من حقوق مادية أو تأديب أو خلافه
وأكيد فيه آراء أخرى كثيرة وكل له أدلته
لكن هذا هو الرأي الذي سمعته من العلماء والمفتيين أنه الرأي المأخوذ به في مصر
والله أعلم
المفروض في الحالتين الشبكه ترجع للخاطب
ده موقع دار الإفتاء ممكن تبعت ايميل وهيردوا عليه بعدها بيوم
Dar al-Iftaa | ط¯ط§ط± ط§ظ„ط¥ظپطھط§ط، ط§ظ„ظ…طµط±ظٹط©
للاسف كلام حضرتكم عرف , انا عاوز راى الفقه لو امكن
و برده الشبكة بتكون حسب الاتفاق جزء من المهر او هدية من العريس لعروسته مش مهر بس
على فكرة اللى قلناه ده رأي فقهي بحت!!اقتباس:
المشاركة الأصلية كتبت بواسطة maka
اما اعتبار الشبكة جزء من المهر ولا لأ دي بترجع للاعراف والشريعة ملهاش دخل فيها
المهم فى الشريعة ان يكون فى مهر للزوجة، ايه هو بقى المهر ده بيحدده العرف.
منقول :
ظپظ‰ ط.ط§ظ„ط© ظپط³ط® ط§ظ„ط®ط·ظٹط© ظپط¥ظ„ظ‰ ظ…ظ† طھط.ظ‚ ط§ظ„ط´ط¨ظƒط©طں
فى حالة فسخ الخطية فإلى من تحق الشبكة؟
الاربعاء,15 سبتمبر , 2010 -10:29
منذ خمس اشهر اراد الله ان تتم خطبتى والان تم فك هذه الخطبة بسبب مشاكل إصطنعتها والدة الخاطب.. وقد تقدم الخاطب بذهب سعره اربعة الف جنيها (دبلة وخاتم واسورة).. فهل من حقه ان يسترد هذا الذهب؟ مع العلم بان والدته هى سبب فك هذه الخطبة لما قدمته لى ولاهلى من اهانات فى منزله؟
يجيب على هذه الفتوى الدكتور عبدالله سمك: تسترد الشبكة بذاتها إن كانت قائمة، أو مثلها، أو قيمتها إن كانت هالكة، سواء كان الفسخ من قبل الخاطب، أو من قبل المخطوبة، ولا يجوز خصم شئ إلا بالتراضي.
حضرتك لو عايز رأى الفقه يبقى مش على المنتدى و لازم تروح دار الافتا علشان تحكى الحكايه بحذافيرها و الشيخ يفتى بناء على المعلومات دى بالرأى المظبوط
راى دار الافتاء ترد للخاطب سواء مهر او هدية
شكرا للجميع و الراى الفقهى احق ان يتبع من العرف و ده هيكون راى لحل المشكلة فلا ضرر و لا ضرار
معلش سؤال الرأي ده سواء كان الفسخ من طرف الراجل أو الفتاه ام انه ليس هناك اختلاف
ليس هناك اختلاف
هو الائمة الاربعة اختلفوا فى الموضوع ده و سبب اختلفهم هل هو مهر ام هدية
لكن دار الافتاء رايه الرد مهما كان سبب او مصدر الفسخ
هاتلاقى فى هذا الموضوع اكثر من مذهب
منهم من يقول برد الشبكه ان كانت موجوده او ما فى حكمها ان كان قد تم التصرف فيها
ومنهم من يقول بوجوب رد الشبكه بحسب طبيعة الموضوع فان اكن الفراق بطلب العروس يجب رد شبكته اليه حيث انه يصعب ان يجتمع على الخاطب ألمان ( الم الفراق والك خسارة امواله)
اما ان كان الفراق بطلب الخاطب فله ان يترك ما دفع او اشترى من ذهب على سبيل الهبة وكتعويض عما سببه من ضرر نفسى للعروس
ده اللى انا فاكره من دراسة الفقه
والله اعلم
انا قريت فى الموضوع فعلا و اكتشفت اختلاف اراء الائمة الاربعة لكن انا مايلة للراى الفقهى السائد فى بلدنا علشان محدش يحس انه اتظلم , ظلم النفس صعب و المسامحة خير اختيار فى الاوقات دى