السلام عليكم

يا رب اللي حصلي النهاردة ميحصلش لحد فيكم... انا صحيت النهاردة الصبح و لقيت الاربع عجلات بتوع العربية مسروقين و العربية محطوطة على طوب!!!
قدر الله و ما شاء فعل و الحمد لله على كل حال...
المهم رحت عملت محضر في قسم العجوزة لزوم اثبات الحالة مع انه مش هيرجع الكاوتشات بس ممكن يمنع حدوث كده في المكان ده مرة تانيه
وبعدين كلمت التوكيل علشان اسالهم عن تمن الجنوط و الكاوتش فلقيت الجنط مش موجود و لو كان موجود هيكمون ب 1200 جنيه و الكاوتش هيكون ب 518 او 530 على حسب نوعه !!!! يعني الليلة تقف بكتيييير قوي

كمان مرة الحمد لله على كل حال و ربنا يحميكم بس اللي يضايق ان الراجل فك العجل كله و العربية ساكتة و مدتش انذار !!!
مش هوصيكم لو عرفتم حد بيبيع جنوط جين2 مستعمل قولولي عليه و ربنا ينتقم من اللي عمل كده