الطريق الى مركز صيانة السبع.

**abdallah_1** · 28-09-2011 10:00 PM

ممكن حد يوصفلى الطريق إلى مركز السبع من صلاح سالم؟

**Khaled_Nowaihy** · 28-09-2011 10:03 PM

أنا اعرف انه خلف كارفور فى آخر الطريق اللى فيه كارفور

**Ali_Abo_Amr** · 28-09-2011 11:07 PM

لو تعرف تروح من طريق كارفور روح بس هو مكسر شوية
لكن لو هاتركز معايا اوصفلك طريق تانى من دخلة زهراء المعادى على الاتوستراد بعد ما تعمل u turn تمسك اليمين وتدخل دخلة زهراء المعادى ... تكمل في الدخلة على طول لحد ما تلاقى جامع كبير اسمه جامع الكويتي بعديه بناصيتين تدخل يمين هاتلاقى نادى وادى دجلة فى وشك وشماله بعد 100 متر هاتلاقى السبع ... ودى صورة على قد ما اقدرت اوضحلك ...

**Youssef.Awad** · 07-10-2011 04:13 AM

امسك الاتوستراد من بعد حديقة الازهر والقلعة لحد دخلة المعادى اللى بعد موقف صقر قريش وتمشى لحد ميدان مؤمن هتلاقى النساجون فى وشك لف الصينية بعد ما الاشارة تفتح وخد شمال وافضل ماشى لحد بنزينة الوطنية بعدها هتلاقى اشارة وصينية خد شمال برضه وافضل ماشى عالطول لحد اما تعدى الاتوستراد من تحت فى نفق وهتلاقى خير زمان على يمينك وبعده مبنى فودافون كمل عالطول لحد مرور المعادى والجامع الكبير فى وشك تكمل طوالى مع يفط محمية وادى دجلة وهتلاقة يفط السبع على عواميد النور يمينك وفجأة هتلاقى يافطة بسهم يمين هاتدخله على ناصيته شركة بترول وبعدين هتلاقى نادى وادى دجلة فى وشك خد شمال وامشى 150 متر هتلاقى السبع قدامك ع اليمين

على فكرة الطريق جوة المعادى كله مطبات على مهلك وانت سايق