الموضوع: ولا تقول abs ولا ebd كلة محصل بعضة

ازاى بس كله محصل بعضه
اولا معظمنا فاهمين الية عمل abs غلط
انا من اسبوع كنت راجع من اسكندريه وكانت الدنيا بليل وكنت ماشى على الدولى ودخلت مفرق جانبى
بسرعه جامده تقريبا 110 كم مع ان صاحبى اللى جنبى قللى هدى شويا وانا طنشته لانى متعود اخدهم بسرعه لكن الطريق ده كنت اول مره ادخل منه
فجأه لقيت قدامى سور كنت هلبس فيه لان الفه كانت شديدة الدوران والانحناء مش دخول شمال وخلاص
دوست فرامل جامده مع لف الدريكسيون على الاخر عشان الحق نفسى قبل مالبس فى السور والحمد لله ربنا ستر هنا بقى كان دور abs
مانع انغلاق المكابح عند الدوس عليها على الاخر تعرف تتحكم فى التاره وتجيب العربيه يمين وشمال مش منعها تتزحلق الزحلقه دى من صلاحية الكاوتشات وقوة الفرامل وشدة السرعه بالاضافه الى وجود abs يقلل الانزلاق لو الكاوتشات سليمه ودست فرامل صح وبقوه مره وحده
ثانيا دور ebd وtcs اللى هو ثبات الكترونى للعجلات الخلفيه فقط والتحكم فى المنحنيات الزلقه
كنت بلف مفترق شمال بسرعه والارض كانت مزيته على الاخر العربيه كانت هتعوم منى والبس فى التليتوار بتاع الكوبرى بس الحمد لله العربيه عدلت من وضعها بقدرة قادر بسبب tcs
واللى هو التحكم فى المنحنيات الزلقه سواء مطر رمله او مزيته
وفى الاول وفى الاخر كله بايد ربنا سبحانه وتعالى