ولا تقول abs ولا ebd كلة محصل بعضة

**SAMEH_FOUAD** · 28-09-2011 10:06 PM

طبعا العنوان غريب شوية بس المشكلة انى فكرت كتير فى اسم للموضوع مالقيتش غير ان دة انسب اسم لية

دلوقتى وانا راجع من طريق المريوطية فى اتجاهى الى دائرى المعادى وماشى على سرعة 80 كيلو لقيت ارض كلها رمل وارض اوطى من الارض اللى انت ماشى عليها بشوية حلوين فلازم تهدى وفية حتة على الشمال ممكن تعدى منها عادى جدا بس بردة لازم تهدى ودة اللى انا عملتة خوفا من اللى ورايا لانى عارف العربيات وتخريفها على الطريق

وطبعا هديت عادى جدا وعديت بس المكان دة مكسر فلازم تمشى فية بالراحة

واذ وقعت الكارثة

السيارة التى كانت خلفى دايو لانوس 1 كانت ماشية عادى جدا ووقفت على اول المطب عشان تاخدة بالراحة واذ اسمع صرخات زحف على الطريق غريبة وبعد ذلك صوت ارتضطام وانا شايف كل حاجة فى المرايا لان مراية الصالون عندى بتعمل زووم فشايف كل حاجة بوضوح جدا .

مع ان اللى كان جاى ورا اللانوس مش سريع بس الارض رملية وطبعا العربية دية كجهزة ب abs- ebd

نوع العربية دية اية بقى اسبيرنزا تيجو اعلى فئة ودخلت فى اللانوس ضيعلة الشنطة بجد صعب عليا جدا لان الشاب نزل اول لما شاف العربية مسك دماغة مش مصدق اللى حصل للعربية , والتيجو الوش الامامى دخل لجوة بس مش كتير والعربية حدفت يمين شوية بس الشبكة والصدر الامامى اتطبقوا بالحامى الامامى

طبعا ربنا يعوض عليهم وربنا يكفينا شر الحوادث

بس المشكلة هنا بقى المفروض ان المسافة كافية جدا + السرعة ماكنتش عالية يعنى كان اخرة 60 كم لان الطريق من بداية الاشارة عربية زي التيجو ماتقدرش تجيب فية اكتر من كدة كتسارع دة لو ضاغط جامد ودة محصلش لان الشارع دة هادى جدا واى حاجة بتتسمع فية هو بعد فندق سياج بشوية على فكرة

كدة بقى السؤال اية لازمة ال abs طالما العربية زحفت كل المسافة دية وفى الاخر خبطت اعتقد كدة مالوش اى تلاتين لزمة

هل بقى كدة العيب فى الصينى ولا اية والعربية باين عليها لسة جديدة ماكملتش , ولا خلاص بقى الاستهتار بارواح الناس لعبة انهم يقولوا العربية دية فيها وفيها وفيها ويوم ماتحتاجها ماتلاقيش كل الكلام دة

مستنين ارائكم

**Horsepower** · 28-09-2011 10:51 PM

رأيي ان ال abs وال ebd مهمين جداً واللي حصل ده مشكلة فردية ،،، لو تفتكر يا باشا انا كنت شاركتكم من حوالي سنة ونصف حادثة صديق لي معاة كورولا والعربية داست في بقعة زيت ولما فرمل لفت منه وطلعت بظهرها على الرصيف وأحد الإطارات الخلفة انفجر ولما راح التوكيل علشان يفهم ازاي ده حصل كانت الاجابة ان ال abs ماشتغلش وده وارد في جميع العربيات وجابوها من ناحية اسلوب الضغط على الفرامل هو اللي خللى الecu للعربية مايشغلش ال abs.
الخلاصة ان ال abs وال ebd وال esp وال vsa وال eba كلها أنظمة لا تعمل اللا في ظروف خاصة جداً وفي رأيي انه وارد ان يتم خداع (دون قصد) ال ecu للسيارة ويتكون النتيجة عدم تفعيل نظام معين وقت احتياجه.

**SAMEH_FOUAD** · 28-09-2011 10:56 PM

احمد باشا اية الاخبار يارب تكون بخير

على كدة بقى الواحد يفرمل ويقول يارب ال abs يشتغل المرة دية

**hugan** · 28-09-2011 11:01 PM

اظن ان سائق التيجو او اي عربيه تانيه ايا كان نوعها لو ما فرملش بمسافه كافيه ليتجنب الاصطدام
لان ممكن المسافه لاتكفي لمنع السياره من انها تقف او ماتزحفش
يعني ماجيش قبل العربيه اللي قدامي ب 10 متر وافرمل وانا ماشي علي 60
مش هاينفع اي وسائل اخري لمنع السيار ه من الزحف حتي لو فيها كل وسائل منع الانغلاق ومنع الزحف
استاذ سيف حضرتك غيرت الباسات وبعتها ولاايه