الموضوع: عايز اعرف امشي على كام كيلو العربية زيرو

الف مبروووووووك
ربنا يديلك خيرها ولا يكون فيها شر من اصله

نصيحه هامه :
راجع علي التالي :
1- ضغط الإطارات والإطار الإحتياطي : لوحظ اهمال كبير في هذا الموضوع وخطره طبعا كبير .. انا وجدت الإطارات عندي ضغطهم 35 - 33 - 25 - 42
والمفاجاءه الإحتياطي 50
اهمال كبير حسبي الله ونعم الوكيل .. انا كنت بشوف ضغطهم علشان يبقي مرجع لي علي اعتبار انها لسه زيرو وان غبور عارفين شغلهم .. لكن صدمت بالأرقام دي
(طبعا تشوف الضغط والعربيه بارده )
2- راجع مقياس زيت الموتور - زيت الفرامل - مياه الردياتير وكرر المراجعه مرتين كل اسبوع
لأن شفت مشاركات لناس هنا كان الموتور هايضيع (الفني اللي في غبو بعد ما غير الزيت لم يغلق الطبه جيدا مما ادي الي تسرب الزيت )

واتاكد ان زيت الموتور مش اكتر من الحد الأقصي ..حصلت معايا وانا في صيانه الألف بعد ما غيرولي الزيت وبعد مرور 300 كم كشفت عليه وجدته اكبر من الحد الأقصي بحوالي 1 سم ورحت بنزينه نقصت ما يقرب من نصف ليتر (شل الترا ) لان زيادته خطر علي الموتور.

في التليين - اول 2000 كم (وليس الف)
1- السرعه في حدود 70 ولا تزيد عن 85-90
2- Rpm في حدود 2500 ولا يزيد عن 3000 (متحرقش علي الغيار)
3- متشغلش التكييف
4- لا تقطر سياره اخري
5- متثبتش علي غيار واحد فتره طويله - وانقل كتير
6- تاكد من ضغط الإطارات (سبق ان وضحت الموضوع ده هنا)
7- سخن قبل البدء (لمده دقيقه او دقيقتين )
8- لا تترك السياره علي السلانسيه اكتر من 3 دقائق متواصل

عدم تحميل السياره (حموله الشنطه + الركاب ) في اول 500 كم يكون افضل

تابع مؤشر الحراره باستمرار
راجع منسوب زيت الموتور - مياه التبريد في صباح كل يوم او مرتين في الإسبوع

ماهو بسبب عنوان الموضوع
إنت كدة بتسآل على التليين والأعضاء إتهروا رد على اسئلة التليين
عموماً ألف مبروك وربنا يحفظك


Thanks
Eng.Sherif Shaker