السلام عليكم ورحمة الله
طبعا موضوع زيت المحرك حير ناس كتير جدا، والفتاوي والاختراعات فيه أكتر، ومن واقع خبرتي المتواضعة في البترول ومجال عملي في الكيمياء أحب أنصح السادة الأفاضل بأول شئ وأخطر شئ وهو محدش ياخد فتوى بدون قاعدة علمية وكلام سليم... طبعا من أهم الأمور للحفاظ على المحرك هو الزيت، وطبعا زي ما لكل شئ مواصفة فإن لأي زيت في أي محرك مواصفة... والمواصفات والخواص تختلف طبقا لنوع المحرك وظروف التشغيل... المهم إننا لازم نعرف أولا إن كل محرك يحتاج الى زيت خاص به تحدده الشركة المصنعة ولكن جودة الزيت لا تقاس بلزوجته العالية ولكن بمركباته الكيميائية ونسبة المواد الخام فيه فمثلاً هناك زيوت ذو لزوجة قليلة جداً تتحمل درجة حرارة أعلى بأضعاف من الزيت ذو اللزوجة العالية بالإضافة إلى أن اللزوجة العالية تجهد مضخة الزيت(طلمبة الزيت) وتقصر من عمرها. الزيوت اللي بنستخدمها دي اسمها زيوت مركبة (ثنائية الدرجة) وده اللي بنشوفه مكتوب مثلا 20W50 وهي أفضل من الزيوت أحادية الدرجة... ليييييييه؟؟؟؟؟؟
يحتوي الزيت المركب على مادة مثل المغناطيس تلتصق بالغبار الموجودة على جدار السلندروعلى مواد عازلة تمنع أو تخفف من الاحتكاك بين السلندر والبستون وعلى مادة حرارية تزيد مقدرة الزيت على تحمل أعلى درجات الحرارةوعلى مادة كيميائية تمنع من تكون الصدأ وعلى مواد تمنع من تكوين رغوة والتي تتسبب بأضرار كبيرة للمحرك وعلى مواد تمنع تكوين الصدأ أو تآكل المعادن وعلى مواد تزيد نسبة امتصاص الرطوبة أو تسرب الماء داخل المحرك وعلى مواد تنظيف (كمسحوق الغسيل) لتنظيف المحرك من أي أوساخ وعلى مواد تمنع من تجمد الزيت في المناطق الباردة.
عشان كده قبل مانتكلم عن النوع التجاري لازم نختار المواصفة، وعشان محدش يتوه لأن الموضوع متشعب أنصح السادء الأفاضل بزيت يناسب المناخ المصري الحار معظم السنة يعني مواصفتنا أصبحت زي جو الخليج والدول الحارة بالإضافة للتراب المهول عندنا وبالذات في القاهرة مع الزحام اللي ممكن يحرق الزيت في أقل من نص مدة صلاحيته. جمعية مهندسي السيارات العالمية SAE عملت مواصفة معتمدة عالميا ألا وهي الأرقام اللي بنشوفها زي 20W50 وطبعا حرف w اختصار لكلمة (winter) يعني شتاء. الرقم القليل يعني لزوجة الزيت في البرودة والرقم الكبير يعني لزوجته عند أقصى ظروف التشغيل والحرارة لذا ينصح باستخدام درجة 20W50 في أجواء مصر الحارة يعني محدش يحط 10W30 مثلا وده أساسا محدش هيلاقيه تقريبا في مصر. أما بالنسبة للأنواع فبصراحة هتستغربو لو قلنا إن هناك ماركات ممتازة بس محدش يسمع عنها كتير أفضلها المنتشر في الخليج زي TITAN وده موجود في مصر (سعودي ألماني) وبترومين وليكوي مولي والتعاون (مصري بس ممتاز XPL) وآسف للإطالة على الجميع.