حادثة غريبة على أكتوبر 29/9/2011

اليوم وأنا على أكتوبر رايح شغلى الصبح أتجاه الجيزة فجأ عربية بونتو بيضاء موديل قديم تقريبا سنة 1990 زنقت على كل العربيات علشان يعدى وزنق علية وطنشت

بس عربية هيونداى أكسل زرقاء كان هيلبس فى سور الكوبرى بسببة الهيونداى قاعد يدى كلاكس مفيش البونتو طارت فضل وراه راح البونتو شد فرملة اليد أمام الهيونداى فلبس الهيونداى من وراه وطبق الكبوت

بس فضل الهيونداى يخبط فى البونتو من الباب للباب وخبط البونتو من ورا من جانب الأيمن راحت البونتو مقلوبة ومعدية النحية التانية وخدت عسكرى كان واقف فى الرصيف بين النحيتين قبل منزل عبد المنعم رياض والهيونداى أختفى

وأنا كنت ماشى براحة وراهم بأتفرج وقفت علشان الأاقى ظابط مفيش ولا أمين علشان العسكرى متعور وعايز أسعاف الغريب أن الى راكب البونتو راجل كبير يعدى 50 سنة ومش عارف أه الى أحنا وصللنا بنا فى مصر وأة كميت العنف يارب أغفر لنا وأرحمنا

-----------
ممنوع كتابة اللغة العربية بالأحرف الانجليزية
مشرف القسم 12ب
29-9-2011

بقت غابه فعلا ربنا يستر طريقنا جميعا وياريت الناس تكون صبورة شويه حتى لو حد غلط عديها طالما ما اتضريتش

...........................................

لقد خالفت القاعدة رقم 9أ من قواعد المنتدى وتستحق تنبيه
يرجى مراجعة قواعد المنتدى لعدم تطبيق العقوبات

مشرف الاجتماعي
9ب
2:38am
30/9/2011

ده موقف ولا فى الافلام

البونتو غلطان بس كمان الاكسيل غلطه اكبر
كفاية انه هيعيش حاسس بالذنب تجاه العسكرى اللى اتشال من غير اي ذنب
بيتهيألى ان انا لو مكانه ولقيت اللى سايق راجل كبير فى السن كنت هسيبه يعدى (الله اعلم ممكن يكون مستعجل ليه)
انما لما شد الهاند وطيرلي الكبوت ويمكن لطش الشاسيه كمان يبقى كنت هجيبه واعديه واوقفه واخد مفتاح العربية ورخصه لانه ممكن يكون سارقها ولو مش سارقها كنت هاخد منه حق التصليح بالقرش من غير ضرب ولا شتيمة
ولو ملقتش معاه يكمل كنت هطلب البوليس والامر لله

انما جري ومطاردات على اكتوبر واعرض نفسي والناس اللي حواليا اللى ملهمش اي ذنب للموت وابقى قتلت نفس بغير وجه حق لأ دي متسواش الدنيا كلها

الحقيقة اؤيد بشدة اللي عمله سواق الهيونداي. اللي صعبان عليا في الموضوع كله العسكري المسكين.

اقتباس:

---

المشاركة الأصلية كتبت بواسطة mido51eg

الحقيقة اؤيد بشدة اللي عمله سواق الهيونداي. اللي صعبان عليا في الموضوع كله العسكري المسكين.

---

أنا أؤيد سواق الهيونداى لآن البونتو شتمو وعمل حركات بأيدة ومسبش عربية مزنقش عليها

لا حول ولاقوة لاا بالله العلى العظيم
دعائى فى كل صلاة :
1- اللهم ارزقنا الامن والامان فى بيوتنا وسيارتنا واوطاننا
2- اللهم ولى من يصلح هذا البلد
اميييييييييييييين يارب العالمين

للأسف بقى الحاجات ديه تتشاف على كورنيش المعادي كتير و جوه المعادى كمان مبدأ أنا محدش حيجبلي حقي و ممكن ألبس حاجة كمان على الماشي فيبقى آخذ حقي بأيدي بقه

لاحول ولا قوة الا بالله
اشكال عايزة الحرق

لا حول و لا قوه الا بالله
نفس الموقف ده واحد متخلف حاول يعمله معايا بس و لله الحمد لحقت نفسي و فرملت لاني مكنتش ماشي بسرعه اصلا
و برضه لنفس السبب انه كسر عليا و اضايق من الترعيشه و الكلاكس اللي ادهمتلو
ربنا يجحمه و هو و اللي زيه قادر يا كريم

سبحانك اللهم وبحمدك ، أشهد أن لا إله إلا أنت أستغفرك وأتوب إليك

و بكدة يبقى سواق البونتو اخر مرة يعمل حركات من النوع دة و بعد كدة يمشى زى الكلب فى الشارع و هيخاف من اللى راكب بسكلتة

اقتباس:

---

المشاركة الأصلية كتبت بواسطة horas3000

لا حول و لا قوه الا بالله
نفس الموقف ده واحد متخلف حاول يعمله معايا بس و لله الحمد لحقت نفسي و فرملت لاني مكنتش ماشي بسرعه اصلا
و برضه لنفس السبب انه كسر عليا و اضايق من الترعيشه و الكلاكس اللي ادهمتلو
ربنا يجحمه و هو و اللي زيه قادر يا كريم

---

هي الحركات دي وصلت عندكم ولا إيه

أنا بصراحة لو معايا فلوس أجيب العربية اللي قدام الهامر دي ويا ويل الناس مني

http://i.imgur.com/oXRiJ.jpg

انا نفسي في دودج رام او فولكس اماروك عشان العالم دي

اقتباس:

---

المشاركة الأصلية كتبت بواسطة autotycoon

انا نفسي في دودج رام او فولكس اماروك عشان العالم دي

---

أنا غيرت رأي
نفسي في العربية اللي في توقيعك
...اللي فوق ها؟ مش اللي تحت

٥٠ سنة الراجل الشايب و بيعمل حركات مش محترمة و صغيرة زي دي ، أهو خد درس العمر بسلامته ،

اقتباس:

---

المشاركة الأصلية كتبت بواسطة yassin_samir

و بكدة يبقى سواق البونتو اخر مرة يعمل حركات من النوع دة و بعد كدة يمشى زى الكلب فى الشارع و هيخاف من اللى راكب بسكلتة

---

+11111111111111

انا لو مكان بتاع الهيونداى كنت عملت اكتر من كده

والله بتاع الهيونداي ده حقه يعمل اكتر من كدة

ومحدش وقف بتاع الهيونداى لية ؟؟؟؟
المفروض كان حد لحقة زنق علية وقفة دة مجرم او مشرك فى جرم ولازم يخد جزاؤة

اقتباس:

---

المشاركة الأصلية كتبت بواسطة mohamed_refaat

ومحدش وقف بتاع الهيونداى لية ؟؟؟؟
المفروض كان حد لحقة زنق علية وقفة دة مجرم او مشرك فى جرم ولازم يخد جزاؤة

---

وهو لو حد عمل معاك كده وزنق عليك وشتمك وكمان خلاك تخيش وعربيتك تتبهدل حتسيبه

وهى فين الجريمه واحد بلطجى بلطج عليك وكان ممكن يتسبب فى موتك وخبطلك عربيتك وجرى وانت خدت حقك منه

اللى زى ده ملوش ديه ويارب كل واحد زيه يتعمل فيه كده ساعتها البلد حتنضف لان بكل بساطه لو رحت معاه القسم حتتحبس انت وهو وفى الاخر مش حتاخد حقك وحتتنازل وحتصلح عربيتك بفلوسك

انا كنت لسه جى من على اكتوبر وشايفهم بيصلحوا السور بتاع الكوبرى كان بايظ
ربنا يستر

بتاع الهونداي ده راجل مية مية وخد حقه بدراعه بس لو مكنش الامين اتخبطت كان كله هيبقى تمام التمام
عشان بتاع البونتو ده ولا مؤاخذه يعني عايز الحرق واهو خد درس العمر

انشاء الله قريب جداااااااااااا هجيب شيروكي 99 او 97 وخاصة للمواقف دي

اخدت القرا ده بعد ماسوقت عالدائري امبارح باليل

لو هشحت هاجيب العربية دي برضو

وعايز اي تييييييييييييييييييت يعمل شقلباظ قدامي

اقتباس:

---

المشاركة الأصلية كتبت بواسطة رزق

هي الحركات دي وصلت عندكم ولا إيه

أنا بصراحة لو معايا فلوس أجيب العربية اللي قدام الهامر دي ويا ويل الناس مني

http://i.imgur.com/oXRiJ.jpg

---

لا يا زعيم
الكلام كان في مصر و انا في اجازه


وانا بقي قنوع
انا عايز دي

http://www.turbowhistler.net/monster...ter-truck4.jpg

لا حول ولا قوة ألا بالله !!!!!!!!!!!!!! :((

اقتباس:

---

المشاركة الأصلية كتبت بواسطة misoalex

وهو لو حد عمل معاك كده وزنق عليك وشتمك وكمان خلاك تخيش وعربيتك تتبهدل حتسيبه

وهى فين الجريمه واحد بلطجى بلطج عليك وكان ممكن يتسبب فى موتك وخبطلك عربيتك وجرى وانت خدت حقك منه

اللى زى ده ملوش ديه ويارب كل واحد زيه يتعمل فيه كده ساعتها البلد حتنضف لان بكل بساطه لو رحت معاه القسم حتتحبس انت وهو وفى الاخر مش حتاخد حقك وحتتنازل وحتصلح عربيتك بفلوسك

---

أنا أؤيد كلامك أنا كان ممكن أوقفة بس علشان أقالو أنت راجل أخدت بطارك وبطارنا من حثالة الشعب وعلى فكرة أنا وقفت وقلت للبونتو المرة الجاى هتقطع ربقتك