المشاركة الأصلية كتبت بواسطة se_coralsea
عزيزي أ/ أشرف ..
الحمد لله حصل خير علشان ربنا عالم بالحال سترها معانا احنا الاثنين
انا عربيتي لسه جديدة و انت كنت لسه راشش الطاسات .... هههههههههه
فعلا فرامل الالنترا الجديدة الملاحظ انها قوية
نفس الموقف بتاعك حصل معايا و انا راجع بالليل مع أحمد الزرقاني , هو كان بيحاول يستفزني اني أشد مه البي أم بتاعته بس هيهات انا كنت حاطط في دماغي اني ما اشدش بالعربية دي ألا للضرورة القصوي
و مع ذلك و احنا علي محور الشهيد في أتجاه الدائري لاحظت اني ماشي وراه 140 كم/ساعة و فجأة احمد فرمل جامد علشان كان فيه أصلاحات علي الطريق و مالحقش أنه يهدي و نزل من علي الاسفلت بسرعة عالية ووجدت اني خلاص بأقرب منه ضربت فرامل فالعربية تقريبا وقفت و نزلت من علي الاسفلت بالراحة و اخدت المطب علي راحتي
فعلا كان اول أختبار لفرامل النيو ألنترا و حسيت أنها كويسة , كمان في السحب سحبت كويس و قدرت أحصل احمد تاني علي الدائري
عزيزي ا/ ايمن ..
الاشارات هي أسلم حاجة علشان اللي ماشي وراك يعرف فيه أيه قدامه خاصة بالليل في الطرق الحالكة الظلام المليئة بالمفاجأت زي اللي احنا كنا ماشيين فيها , علشان كده العربية اللي قدام بيكون عليها مسئولية مضاعفة في متابعة الطريق في الامام و الخلف بالظبط زي القيادة في المطر الكثيف او الشبورة
مع خالص تحياتي
م/ سمير الشهاوي