الموضوع: دعوة لمقابلة مالكي و محبي هيونداي

المشاركة الأصلية كتبت بواسطة se_coralsea

الاخوة الكرام...

طبعا المقابلة تمت بحمد الله و كانت أكثر من رائعة
في البداية توجهت الي ساحة أنتظار السيارات بربوة الزهراء كما هو متفق و بعد ان وصلت بثواني وصل الاستاذ أيمن أحمد و قد كان كل من الاستاذ أشرف أبراهيم و محمود عفيفي في أنتظارنا خارج الباركينج

طبعا توقفنا لأكثر من نصف ساعة في أنتظار وصول باقي الاعضاء تحدثنا خلالها عن سيارات الهيونداي و الوكيل و الصيانات و كان الحديث متركز حول نوعية الزيوت المستخدمة

المهم توجهنا الي المقطم في 4 سيارات و كنت في المقدمة (ألنترا) وورائي الاستاذ ايمن (نيو أكسنت) ثم الاستاذ أشرف (قيرنا) فالاستاذ محمود (ألنترا) و هكذا وصلنا الي المقطم و توقفنا بجانب كافيه جراند و ظللنا نتحدث لأكثر من ربع ساعة قبل أن نتجه الي باقي المجموعة في الكافيه

كان هناك كما هو موضح بالصورة أعضاء دايو كالاتي:
من اليمين للشمال

1- الاستاذ / أشرف أبراهيم (هيونداي)
2- الاستاذ / أحمد الزرقاني (بي أم - تويوتا)
3- الاستاذ / محمد ممدوح (دايو - كبير الدايوهية)
4- الاستاذ / طارق (دايو)
5- معلش مش متذكر الاسم (دايو)
6- برضه مش فاكر الاسم (دايو)
7- الاستاذ / محمود عفيفي (هيونداي)
8- أنا / سمير الشهاوي (هيونداي)
9- د/ احمد سمير (كيا)
10- م/ خالد عمر (تويوتا)
11- الاستاذ / أكرم (دايو)
12- معلش برضه مش فاكر الاسم (دايو)
13- أ/ محمد عبد الظاهر (دايو)

انا أسف لو ماتذكرتش بعض الاسماء
المهم المقابلة كانت كبيرة و الحمد لله و رائعة قضينا خلالها وقت ممتع في الحديث عن السيارات و أستمعنا الي وصف الدكتور أحمد سمير للسيارات التي شاهدها في الولايات المتحدة و نظام الطرق هناك كما أمتعنا الباشمهندس خالد كعادته بتحليله لبعض الامور الفنية و خاصة فيما يتعلق بتويوتا

ثم دعوت كل من الباشمهندس / خالد عمر و الدكتور أحمد سمير لمشاهدة و تجربة الالنترا الجديدة حيث قام بقيادتها و تحليل أدائها ووعدني بكتابة تقرير مختصر عنها, ثم انضم الينا كل من محمد ممدوح و احمد الزرقاني في الحديث المطول عن السيارة الجديدة و جاء بعد ذلك الاستاذ / ألهامي (هيونداي) و بدانا في عقد مقارنة بين الالنترا الجديدة و القديمة من حيث المحرك و القدرة و بعض المواصفات الاخري

و في تمام الساعة الواحدة و النصف بدأنا في الانصراف حيث تحركت أنا و احمد الزرقاني (بي أم) و الهامي (ألنترا) و حاولا أستدراجي للشد معهما ألا أني لم أفعل نظرا لأن السيارة جديدة و مازالت تحتاج للحرص موضوع السرعة و خاصة بالاماكن المزدحمة

المهم لحقت باحمد الزرقاني و سرت خلفه طوال الوقت لأن طريقنا واحد حتي الرحاب

في النهاية انا بأشكر كل الاخوة الاعضاء الذين شرفونا بالحضور و بأحييهم علي تلك الروح الجميلة و الود الذي ساد اللقاء الذي أتفقنا جميعا علي تكراره أن شاء الله و أرجو من باقي السادة الاعضاء الكرام الذين لم يتواجدوا معنا تلك المرة ان يشرفونا بالحضور في المرات القادمة

مع خالص تحياتي
م/ سمير الشهاوي

السلام عليكم ورحمة الله....

ألف مبروك أولا على العربيه الجديده ... كده انا وانت احترفنا في نادي واحد يا باشمهندس بعد ما انتقلنا في صفقة انتقال حر من نادي دايو لنادي هيونداي النترا.. المهم حضرتك وحاشني جدا والله و الأستاذ محمد ممدوح كمان كان نفسى أشوفكم لولا اني دخلت على المنتدى متأخر بعد أجراء المقابله لكن إن أراد الرحمن أكون معاكم في اللي جايه والهندوايه يزيدو واحد في الصوره :)
كل سنه وحضراتكم طيبين و أشوفكم على خير في المقابله إللي جايه ان شاء الله

المشاركة الأصلية كتبت بواسطة pop3

السلام عليكم ورحمة الله....

ألف مبروك أولا على العربيه الجديده ... كده انا وانت احترفنا في نادي واحد يا باشمهندس بعد ما انتقلنا في صفقة انتقال حر من نادي دايو لنادي هيونداي النترا.. المهم حضرتك وحاشني جدا والله و الأستاذ محمد ممدوح كمان كان نفسى أشوفكم لولا اني دخلت على المنتدى متأخر بعد أجراء المقابله لكن إن أراد الرحمن أكون معاكم في اللي جايه والهندوايه يزيدو واحد في الصوره :)
كل سنه وحضراتكم طيبين و أشوفكم على خير في المقابله إللي جايه ان شاء الله

أستاذ أيهاب ..

أولا.. أنت واحشني جدا جدا و نفسي فعلا نتقابل لكن للاسف رقمك ضاع مني وسط الارقام الكتير اللي راحت مع الموبايل اللي ضاع ياريت لو تبعت لي رقمك علي الايميل او علي الخاص

ثانيا.. الف ألف مبروك علي العربية و أن شاء الله تشرفنا المقابلة الجاية و لو ان فيه تفكير جدي هنا في عمل مقابلة جديدة لأعضاء هيونداي خارج القاهرة ممكن نتفق انها تكون بالعين السخنة و ساعتها انت اللي هاتتدبس في الاعداد للمقابلة دي

المشاركة الأصلية كتبت بواسطة se_coralsea

أستاذ أيهاب ..

أولا.. أنت واحشني جدا جدا و نفسي فعلا نتقابل لكن للاسف رقمك ضاع مني وسط الارقام الكتير اللي راحت مع الموبايل اللي ضاع ياريت لو تبعت لي رقمك علي الايميل او علي الخاص

ثانيا.. الف ألف مبروك علي العربية و أن شاء الله تشرفنا المقابلة الجاية و لو ان فيه تفكير جدي هنا في عمل مقابلة جديدة لأعضاء هيونداي خارج القاهرة ممكن نتفق انها تكون بالعين السخنة و ساعتها انت اللي هاتتدبس في الاعداد للمقابلة دي

يافندم انتوا تنورا العين السخنه و السويس كلها وأنا هبعتلك رقمي على الخاص .. ولو تم الإتفاق على ان المقابله تبقى في السويس ممكن أقترح انها تكون على كورنيش السويس الجديد . المكان جميل وفيه كم كافيهات كتير وممكن أظبط قاعده خاصه بينا على أفضل الكافيهات الموجوده هناك.