عربيتي اتشحورت..قولولي اعمل ايه!!!!

السلام عليكم ورحمة الله..
ازيكم جميعا ؟؟؟:w6266d
عاوزه استشيركم في حاجه مهما جدا:bounty:
انا عندي عربيتي جيتز لونها احمر اوتوماتك..
اشتريتها يوم 18-8-2010 ..يعني كملت سنه ف رمضان اللي فات ده على طول..
المهم انها وعلشان اول عربيه احط فيها رجلي -والحمدلله- ف حصل فيها كل البدع بقى من بعد اول شهر..والغريب في الموضوع انها مش اخطائي انا بنسبة 100% ..طبعا هاتقولوا اااااه بنت بقى وبتقول كده عشان تداري على خيبيتها:36_7_4[1]:..بس لالالا هاقولكوا..

اولا عربيه خبطتني من ورا جامد ..
الخبطه دي ليها جزئين..
الاكصدام (الفايبر) كل مساميره اتكشرت ووقع..
ربطة وروحت عملته عند واحد ظبطلي المسامير ع الماشي كده بس..
الجزء التاني..ان من قوة الخبطه...لما فتحت الشنطه ورا عن الاستبن..لاقيت الحديد متطبق..والاسبتين كان مفعوص جوه مش بيخرج..

ثانيا..اتخبطت من الشمال في الباب بتاعي(غلطتي..اعترف)..خبطة بسيطه بس متطبق لجوه شوية..

ثالثا..وانا راكنه..حد خبطلي الرفرف اللي على اليمين ورا و الاكصدام اللي ورا تاني..ووقع كله تاني...بس اتشحور

رابعا ..الاكصدام القدماني من على الجنب اليمين...بردو حد خبطهولي والعربيه واقفه (والله العظيم بركن عادي جدا تحت البيت بس مش قادره افهم بيحصل ازاي كده)..بصحى الصبح الاقيه كده..:_Alshmokh08[1]:

المهم ان الحصيله..قدام وورا والجناب كل العربيه فيها حاجات..
قولت اروح لواحد يظبطهالي..قالي هايعملي الاكصدامات فايبر هايلحمها ويعمل حاجات وكده..
وهايرشها ويرش الرفرف الشمال (مخبوط شويه لجوه مش اوي..بس محكوك)..
وهايرد الخبطه البسيطه اللي في الباب الشمال اللي قدام

كل ده عاوز يعمله ب 1700 جنيه...انا مش عارفه ده كويس ولا كتير ولا ايه..

ف انا عاوزه افهم..كتير قالولي لو العربيه فيها ايه اوعي ترشيها..عشان هاتوقع قيمتها جامد...(هو ده معقول من رش رفرف واحد؟)
وناس تانيه يقولولي لو مش ناويه تبيعيها يبقى عادي عيشي حياتك ورشي..

ان الدنيا تتظبط زي ما الراجل ما قال بالفلوس دي كده مناسبه؟؟..
انا عاوزه اعرف المفروض اعمل ايه بالظبط

لو كان شغلة نضيف يبقى كويس جدا على التشوهات اللى حصلت للعربيه
انا رادد الباب اللى ورا بتاع الألنترا 2007 فى مصر كان مدمر ومركب اكصدام قدام وملحم اللى ورا وخبطه فى الرفرف شمال قدام وخد 900 جنيه سمكره بس والباب والرفرف والأكصدامين اترشو بويه 500 على ما اذكر يعنى كله 1400

اقتباس:

---

المشاركة الأصلية كتبت بواسطة wardaya

السلام عليكم ورحمة الله..
ازيكم جميعا ؟؟؟:w6266d
عاوزه استشيركم في حاجه مهما جدا:bounty:
انا عندي عربيتي جيتز لونها احمر اوتوماتك..
اشتريتها يوم 18-8-2010 ..يعني كملت سنه ف رمضان اللي فات ده على طول..
المهم انها وعلشان اول عربيه احط فيها رجلي -والحمدلله- ف حصل فيها كل البدع بقى من بعد اول شهر..والغريب في الموضوع انها مش اخطائي انا بنسبة 100% ..طبعا هاتقولوا اااااه بنت بقى وبتقول كده عشان تداري على خيبيتها:36_7_4[1]:..بس لالالا هاقولكوا..

اولا عربيه خبطتني من ورا جامد ..
الخبطه دي ليها جزئين..
الاكصدام (الفايبر) كل مساميره اتكشرت ووقع..
ربطة وروحت عملته عند واحد ظبطلي المسامير ع الماشي كده بس..
الجزء التاني..ان من قوة الخبطه...لما فتحت الشنطه ورا عن الاستبن..لاقيت الحديد متطبق..والاسبتين كان مفعوص جوه مش بيخرج..

ثانيا..اتخبطت من الشمال في الباب بتاعي(غلطتي..اعترف)..خبطة بسيطه بس متطبق لجوه شوية..

ثالثا..وانا راكنه..حد خبطلي الرفرف اللي على اليمين ورا و الاكصدام اللي ورا تاني..ووقع كله تاني...بس اتشحور

رابعا ..الاكصدام القدماني من على الجنب اليمين...بردو حد خبطهولي والعربيه واقفه (والله العظيم بركن عادي جدا تحت البيت بس مش قادره افهم بيحصل ازاي كده)..بصحى الصبح الاقيه كده..:_alshmokh08[1]:

المهم ان الحصيله..قدام وورا والجناب كل العربيه فيها حاجات..
قولت اروح لواحد يظبطهالي..قالي هايعملي الاكصدامات فايبر هايلحمها ويعمل حاجات وكده..
وهايرشها ويرش الرفرف الشمال (مخبوط شويه لجوه مش اوي..بس محكوك)..
وهايرد الخبطه البسيطه اللي في الباب الشمال اللي قدام

كل ده عاوز يعمله ب 1700 جنيه...انا مش عارفه ده كويس ولا كتير ولا ايه..

ف انا عاوزه افهم..كتير قالولي لو العربيه فيها ايه اوعي ترشيها..عشان هاتوقع قيمتها جامد...(هو ده معقول من رش رفرف واحد؟)
وناس تانيه يقولولي لو مش ناويه تبيعيها يبقى عادي عيشي حياتك ورشي..

ان الدنيا تتظبط زي ما الراجل ما قال بالفلوس دي كده مناسبه؟؟..
انا عاوزه اعرف المفروض اعمل ايه بالظبط

---

تظبيط الأكصدام الفيبر تقريبا في حدود 200 جنيه. طبعا الـ 1700 دول رقم فلكي على رد خبطتين ودهان رفرف

بداية من غير الخوض في تفاصيل و أرقام
موضوع أصلاح العربية و رشها في أعتقادي نوع من النظافة و الحفاظ علي شكل العربية و رونقها
اما موضوع أن الرش بيؤثر في ثمنها و يقلل منها فبرضه عدم رشها و تركها علي حالتها تلك كي تظل فابريكة فهو ايضا سيقلل من قيمتها
من الأخر ده كلام سوق لايودي و لايجيب و اللي أبتدعه منه لله
رأيي الشخصي ..
ماتسأليش في اللي يقولك أن الرش هايقلل من قيمة العربية و اهم حاجة تكوني راكبة عربية شكلها حلو و حالتها جيدة و تكوني مرتاحة لها نفسيا

أما السعر فده قابل للنقاش و النقص او الزيادة و مهارتك في التفاوض و بالطبع و اكيد الاخوة هنا يقدروا يساعدوكي أكثر و يفيدوكي لأني مش شاطر في الفصال أوي و ماعنديش خبرة جامدة في الموضوع ده

مع خالص تحياتي
م/ سمير الشهاوي

السعر ده يعتبر كويس بالنسبة لو الشغل هيبقى نضيف وكمان الشنطة محتاجة زرجينه من ورة علشان الحتة المفعوصة دي اللي جنب الاستبن
بس خلي حد ياخد العربية ويروح لسمكري تاني ويشوف رايه لان في ناس كتير كويسة وفي ناس كتير برده تعبانة في الرش والسمكرة

الاول طبعا الف سلامه عليك وعلى عربيتك ثانيا مدام مجتش فيكي وجت في الحديد مش مشكله
انا حنصحك نصيحه يارب تفيدك
انا لسه بايع عربيتي النيو اكسنت الشكل القديم ومشتري الشكل الجديد وللاسف بعد يومين خدت خبطه في الرفرف الامامي الرفرف ادعك بجد
قمت راده على البارد بس ضيع حلوه وشكل العربية المهم قررت اروح التوكيل وقلت خربانه خربانه حخسر اي
رحت شافو العربية وقالوي يستعدلوه ويرشوه وحيبقا تماما انا صراحه مقتنعتش قلتله ليه مغيروش
طبعا في ناس حتقلي ازاي ولا ومعرفش ايه وبيع وشراء انا جايب العربية اركبها مش ابيعها واستمتع بيها لو جه نصيبها حبيعها بس اتبسط بيها وبركوبها
فقلتلهم لا غيرولي الرفرف( طبعا انا كنت خدت لفه جوه التوكيل وشفت شغلهم) وبالفعل غيرت الرفرف ورشوه والموضوع خد يومين بس ودفعت 600 جنية رفرف و 300 جنية رش و350 عباره عن مصنعيه واكراميات
والعربية رجعت كاني مستلمها من الشركة يعني اللون هو اللون متقفل بتقفيل الشركه والناس شفوها في كل مكان مصدقوش اني مغير رفرف ولا حاجه
انا طولت عليكي بس انا حكيت الحكايه دي ليه عشان لوانتي حبه تعملي شغل صح حيكلفك اه بس يرجعلك العربية اعمليه في الشركه لان مهما اتعمل بره مش حيكون زيهم وابسط حاجة بدل مترشي العربية كلها ترشي بس الجزء المخبوط او تغيرية وترشيه لان درجه اللون عندهم بتكون مزبوطه لاني جربت في عربيتي القديمه كتير ومتزبطش اللون رغم انها كانت اسود فمبالك بعربيتك
على العموم انا اتعملت مع غبور فرع الهياكل الي في قليوب والمهندس الي هناك اسمه جورج صراحة محترم اوي جبلي الكهربائي وجبلي مسئول الدهان واكتر من فني وقعدنا نتكلم نص ساعه واسمع رأيهم لغيه مرسيت على اختيار التبديل رغم انهم كانو عيزين يستعدلوا القديم ويرشوه يعني مش عيزين يخسروني كانوعايزين يقللو التكاليف
اخر حاجة اسم مسئول الدهان في فرع قليوب مجدي لو حبيتي رقمه 0123356311
انسان امين اوي ومحترم

انا شايف انه كتير جدا المبلغ دا
وممكن ميكونش الرفرف والباب محتاجين يترشوا
ياريت لو تحطي صورتهم عشان نعرف هل ممكن يتردوا على البارد ويطلعوا كويس واللا لا
اما عن الاكصدامات واللحام الفايبر فدول غاليين اه يعني الاكصدام الواحد ممكن يدخل في 150 جنيه لوحده كلحامات فايبر
انا عن نفسي كنت رادد خبطتين في الباب الامامي والخلفي الجهة الشمال وخبطة في الرفرف الامامي شمال على البارد ودفعت 50 جنيه والصنايعي كان بيرقص
دا السمكري اللي بتعامل معاه حاليا :d

الرقم مبالغ فى 1-الكصدمات هتكلف 200 لحام+400 رش نظيف يعنى بوهية مش مصر ولا لبنانى
2-السمكرة 300 علشان الشنطة والباب والرفرف
3-رش الرفرف هيكلف 100 ج
يعنى السمكرى هياخذ 500 والبوهيجى هياخذ من 500 الى 600 والبوهيجى الموضوع من 1000 الى 1200 بالكتير ويكون البوهيجى محترف والسمكرى الموضوع ده يتكلف عندى فى الشرقية 1000 عند اكبر سمكرى وبوهيجى وانا مزود 200 علشان الاسعار فى القاهره اغلى والصنعة اقل

اقتباس:

---

المشاركة الأصلية كتبت بواسطة ls1090

الرقم مبالغ فى 1-الكصدمات هتكلف 200 لحام+400 رش نظيف يعنى بوهية مش مصر ولا لبنانى
2-السمكرة 300 علشان الشنطة والباب والرفرف
3-رش الرفرف هيكلف 100 ج
يعنى السمكرى هياخذ 500 والبوهيجى هياخذ من 500 الى 600 والبوهيجى الموضوع من 1000 الى 1200 بالكتير ويكون البوهيجى محترف والسمكرى الموضوع ده يتكلف عندى فى الشرقية 1000 عند اكبر سمكرى وبوهيجى وانا مزود 200 علشان الاسعار فى القاهره اغلى والصنعة اقل

---

وبالنسبة لموضوع البوهية فى غش كتير يعنى البوهيجى يتفق على بوهية سكينز هولندى لو سبيس هيكر المانى ويروح يجيب اميجا مصرى او جنرال لبنانى ومش هتعرفى بعد لما تترش يستحسن تجبى البوهية وتتخصم من المبلغ والفرق فى السعر كبير يعنى الربع كيلوا المستورد ب 150 بالورنيش وعليه ضمان 10 سنين والمصرى من 50 الى 75

بجد بجد ..ربنا يخلييييييييكووووووووا كلكوا ووووواحد واحد انا فعلا مبسوطه جدا من ردودكوا عليا..
انا هارد عليكم كلكم بس هاحط الصور الاول عشان الموضوع يبقى واضح..

دي الخبطه اللي في الباب بتاعي من الجنب (شمال)
http://www.wardaya.net/IMG-1.jpg



ده الاكصدام اللي قدام من على اليمين..
http://www.wardaya.net/IMG-2.jpg

المنظر للكلبسات من جوه وهي مكسورة
http://www.wardaya.net/IMG-5.jpg



في حاجه بقى نسيت اقول عليها..
لما نزلت لاقيت العربيه بالمنظر ده..لاقيت في حاجه مدلدلة منها...مافهمتش في الاول بس دلوقتي خدت بالي
دي الحاجه..مكسورة او مفكوكة من بعض كده ونازله من خرطومين بس واقعه
http://www.wardaya.net/IMG-3.jpg



اخدت بالي بقى انها المفروض تكون داخله جوه دي..
بس بتعمل ايه..الله اعلم!!..والمفروض اركبها انا وادخلها زي ما كانت ولا ايه مش عارفه..
http://www.wardaya.net/IMG-4.jpg




ده الرفرف اللي متطبق..
هي الخرابيش والتكحيتات دي في منها رايح للباب..
http://www.wardaya.net/IMG-6.jpg



ده الاكصدام اللي ورا(المأسوف على شبابة)
ممسوك من الشمال حاجه بسيطه بس..
وربطاه طبعا كما هو واضح

http://www.wardaya.net/IMG-7.jpg


ده منظر من فوق للتكسيرات بتاعة الاكصدام من جوه..بس مش مبينة اوي يعني!!
http://www.wardaya.net/IMG-8.jpg

انا شايف ان الخبطه عاديه مش محتاجه مجهود يعنى و كمان الأكصدام سهل يرجع مكانه و اللى مشروخ بيتلحم او يتبرشم
1700 كتير
الميكانيكى ودانى لسمكرى قالى العربيه كلها (من غير سقف) بــ 1500 و كان هيعمل حاجات اكتر من كده بكتير و طبعا السعر كان من غير فصال يعنى ممكن ينزل لــ 1200 او 1300 بالكتير
انا شفت شغله بجد نضيف جدا جدا جدا و ان شاء الله قبل تجديد الرخصه هروحله
لو اخوكى او بباكى يعرف يجى و السمكرى يشوف العربيه و يقول هتتكلف كام بيتهيألى هيكون افضل و مش هتخسرى حاجه غير المشوار (هو عند فالمريوطيه طلعت الدائرى)

ممكن تشترى 2 اكصدام جداد حتى لو صينى و تريحى نفسك من اللحام و النصب
السمكره و الدهان بسيطه

اما شوفت الصور عرفت يعني ايه اتشحورت :]

الحاجة المدلدلة دي موتور المياه بتاع المساحات وشكله اتشحور هو كمان ومحتاج يتغير

انا حاسس اني شوفت العربية دي قبل كدة
ربنا يعينك ان شاء الله ترجع احسن من الاول بس خلي باليك بعد كدة

عن تجربة الاكصدام الفبر مينفعش يتلحم لازم يتغير

انصحك تشوفى كريم منير ... عندة ورشة وراجل ثقة

حضرتك روحي لسمكري معروف واسئليه وشوفي التكاليف وكمان روحي التوكيل فرع قليوب واسئلي عن المهندس جورج او عم مجدي بتاع الدوكو وسمعي منهم ودخلي والورشه وشفي شغل الشركه
ونصحتي عشان العربية ترجع زي الاول الشركه حتكلف بس حترجع جديدة وده المهم
انا دفعت 1250 في تغير رفرف ودهان بعد يومين من استلام العربية النيو اكسنت اربي وكنت حاطط ايدي على قلبي بس لما خلصت مصدقتش ولا الي شفها صدق وصلو على النبي :))
على فكرة الاكصدام في كلبسات مكسورة بس يعني تتفك ووتغير وحيرجع يمسك في العربية بتعتك
الحجات التاني تترد وتتسمكر وتترش
دهان الشركة مزبوط مش فيه لعب
وانتي حره

معلش ليا راي و مضطر اقوله بدون زعل يعني بس انا عارف انا بقول ايه و قادر علي التنفيذ كمان مش كلام و خلاص
من خلال الصور اللي شوفتها و الخبطات اللي تكاد تكون خبطات لاتذكر بالنسبه للي حصلي هاقولك علي اللي ممكن اعمله فيها لو كانت دي عربيتي يعني
العربيه دي تتعمل كلها علي البارد من غير رش ولا حوارات العربيه ليسا فابريكه ياشباب ارشها ليه انا و اضيع الفابريكه بتاعتها بدون داعي و علي حاجات صغيره كلها و العربيه لاقدر الله عرضه انها تتخبط تاني و تالت ماحنا عرفين اللي فيها و اللوحات الهندسيه اللي بالمسمار و كده
انا شايف العربيه دي تترض كلها علي البارد و شغل الفبر اللي فيها ده يتعمل و يتلحم و يتظبط و الكلبسات تتجاب و العربيه ترجع تاني فابريكه
تتلم اخرها يوم لما يتصرف علي اللي فيها ده 200-300 جنيه
ده رأي يعني

الاكصدام الامامى
الكسرة اللى عند الكرتيرة تتلحم ب 30 جنيه

الورانى
لو اللى ورا ده شرخ فيه زى مانا شايف ممكن تجيبى واحد استيراد وخلاص
ولو اتلحم برده هيكون مش وحش
بس الاستيراد هيستحمل اى خبطة لا قدر الله
والليلة دى عمرها ما تحصل الرقم اللى كتباه

خبطة الباب تترد عالبارد و هايرجع حوالى 90% من حالته .........

الاكصدام الامامى كله شغل كليبسات و لحام فيبر و يتعمل بتكلفة قليلة

الحاجة المفكوكة دى طلمبة مياه المساحات و هاتجيبى واحدة جديدة و اى كهربائى هايركبها ف 5 دقائق .....

الرفرف المتطبق ممكن يترد عالبارد وممكن لا و ده بيعتمد على ايه ورا الرفرف .... والخرابيش ال فى الباب هاتروح بالبوليش " معجون لتلميع دهان العربية " علبة لونها بنى مكتوب عليها ميدو ......

الاكصدام الخلفى مفيهوش حاجة ...كله شغل كليبسات ويرجع زى الاول "اللى فى النص ده مش شرخ ده سلك كهربا ماسك الاكصدام " ....

الشغل ده مايخدش الفلوس اللى السمكرى قالك عليها .... شوفى حد تانى امين و كويس ....

شوفى وشة نايل موتورز" http://www.nilemotors.net/Nile/193804-a.html" عند ا/ كريم منير

بعد الشغل ده لمعى العربية بالبوليش عند البوهيجى و العربية هاتلاقيها حاجة تانية زى الجديدة او اقل حبتين ....

و ربنا يوفق .....

ولا تقلقي ....... الشغل اللي عندك بسيط جدا ويتلم في وقت بسيط و ع البارد و مش هتحتاجي ترشي باذن الله
وكمان شغل الاكصدامات بسيط اوي ولو انتي من سكان المعادي ممكن تنزلي عرب المعادي ورا مكتبة المعادي العامة و اسألي علي ورشة الفيبر هيرجعولك الاكصدامات جديدة ومش هياخدوا كتير

ده انا كان معايا اكسنت قبل اللي معايا دلوقتي عملت حادثة في عربية جيب و عربيتي اتدهولت من قدام و الجناب كنتي تشوفيها تصعب عليكي وفي النهاية جمعتها زي الفل تاني ب 2000 جنيه

ان شاء الله تلمي الموضوع بأقل التكاليف بس نصيحة خدي راجل معاكي متروحيش لوحدك لان عندنا في مصر لسه معتقدات النصاحة علي الستات متوفرة بكثرة ..........

وربنا معاكي و ابقي طمنينا

فعلا اتشحورت
انا مؤخرا بقى عندى واحدة زى بتاعتك اللى فى الرفرف اليمين ورا دى
و الباب اليمين الوحيد مضعضع وحالته صعبة و تسد النفس لانى كنت رديته على البارد
الكابوت و السقف اتلعب عليهم ماتش كورة من شوية عيال شاربين مكيفات و مخدرات
الرفرف الامامى شمال فيه نقرة جاية فى السوكة
باب الشنطة انهارده اتخربش و الصاح دخل لجوه
العلامة الخلفية اتسرقت من كام يوم
كل ده حصل و العربية مركونة !!!!
طبعا منظر العربية بقى يقرف و بقيت بركبها و انا قرفان منها
حاسمكر العربية كلها و اللى ييجى بارد ييجى و اللى ييجى سخن ييجى
و حارش العربية ان شاء الله حتى لو اترشت كلها تانى

يا نهار ابيض الله يكون فى عونك

روحى ورشة نايل موتورز فى الحرفيين و كمان هناك بتوع فيبر كتير ممكن يضبطو الاكصدامات و شوفى هيقولو كام بس واضح ان السمكرى ده الى قالك 1700 بيبالغ فى السعر

انا اتفق تماما مع الناس اللى قالوا ان المبلغ ده مباااااااااالغ فيه لأبعد الحدود 1700 جنيه حضرتك ترشى العربية كلها وتسمكريها كمان المبلغ ده اتقال من واحد بيقول اى حاجه او جايز علشان شافك بنت متزعليش منى خدى حد من البيت معاكى وروحى لأكتر من واحد وعلى فكرة انتى لو روحتى التوكيل اعتقد انك هتدفعى المبلغ ده بس الشغل هيكون نضيف واسمه توكيل العربيه انما لو المبلغ كتير عليكى انصحك انك تشوفى حد غير الى روحتيله علشان ده تيييييييييييييييييت وربنا يوفقك وتخلصيها وعلى فكرة سيبك من حكاية العربية فبريكة ومش عاوزة اروشها علشان سعرها لأن انتى لو فكرتى تبيعيها برده الخبطات دى هتنزل سعرها ده غير شكلها الوحش بس الشغل اللى عندك بسييييييييييييط مش زى ما انتى متخيله

الاخوة افادو جزاهم الله كل خير