عربيتي اتشحورت..قولولي اعمل ايه!!!!

**warDaya** · 29-09-2011 04:38 PM

السلام عليكم ورحمة الله..
ازيكم جميعا ؟؟؟
عاوزه استشيركم في حاجه مهما جدا
انا عندي عربيتي جيتز لونها احمر اوتوماتك..
اشتريتها يوم 18-8-2010 ..يعني كملت سنه ف رمضان اللي فات ده على طول..
المهم انها وعلشان اول عربيه احط فيها رجلي -والحمدلله- ف حصل فيها كل البدع بقى من بعد اول شهر..والغريب في الموضوع انها مش اخطائي انا بنسبة 100% ..طبعا هاتقولوا اااااه بنت بقى وبتقول كده عشان تداري على خيبيتها..بس لالالا هاقولكوا..

اولا عربيه خبطتني من ورا جامد ..
الخبطه دي ليها جزئين..
الاكصدام (الفايبر) كل مساميره اتكشرت ووقع..
ربطة وروحت عملته عند واحد ظبطلي المسامير ع الماشي كده بس..
الجزء التاني..ان من قوة الخبطه...لما فتحت الشنطه ورا عن الاستبن..لاقيت الحديد متطبق..والاسبتين كان مفعوص جوه مش بيخرج..

ثانيا..اتخبطت من الشمال في الباب بتاعي(غلطتي..اعترف)..خبطة بسيطه بس متطبق لجوه شوية..

ثالثا..وانا راكنه..حد خبطلي الرفرف اللي على اليمين ورا و الاكصدام اللي ورا تاني..ووقع كله تاني...بس اتشحور

رابعا ..الاكصدام القدماني من على الجنب اليمين...بردو حد خبطهولي والعربيه واقفه (والله العظيم بركن عادي جدا تحت البيت بس مش قادره افهم بيحصل ازاي كده)..بصحى الصبح الاقيه كده..

المهم ان الحصيله..قدام وورا والجناب كل العربيه فيها حاجات..
قولت اروح لواحد يظبطهالي..قالي هايعملي الاكصدامات فايبر هايلحمها ويعمل حاجات وكده..
وهايرشها ويرش الرفرف الشمال (مخبوط شويه لجوه مش اوي..بس محكوك)..
وهايرد الخبطه البسيطه اللي في الباب الشمال اللي قدام

كل ده عاوز يعمله ب 1700 جنيه...انا مش عارفه ده كويس ولا كتير ولا ايه..

ف انا عاوزه افهم..كتير قالولي لو العربيه فيها ايه اوعي ترشيها..عشان هاتوقع قيمتها جامد...(هو ده معقول من رش رفرف واحد؟)
وناس تانيه يقولولي لو مش ناويه تبيعيها يبقى عادي عيشي حياتك ورشي..

ان الدنيا تتظبط زي ما الراجل ما قال بالفلوس دي كده مناسبه؟؟..
انا عاوزه اعرف المفروض اعمل ايه بالظبط

**m_mekkawy** · 29-09-2011 04:47 PM

لو كان شغلة نضيف يبقى كويس جدا على التشوهات اللى حصلت للعربيه
انا رادد الباب اللى ورا بتاع الألنترا 2007 فى مصر كان مدمر ومركب اكصدام قدام وملحم اللى ورا وخبطه فى الرفرف شمال قدام وخد 900 جنيه سمكره بس والباب والرفرف والأكصدامين اترشو بويه 500 على ما اذكر يعنى كله 1400

**mido51eg** · 29-09-2011 04:50 PM

المشاركة الأصلية كتبت بواسطة wardaya

السلام عليكم ورحمة الله..
ازيكم جميعا ؟؟؟

عاوزه استشيركم في حاجه مهما جدا

انا عندي عربيتي جيتز لونها احمر اوتوماتك..
اشتريتها يوم 18-8-2010 ..يعني كملت سنه ف رمضان اللي فات ده على طول..
المهم انها وعلشان اول عربيه احط فيها رجلي -والحمدلله- ف حصل فيها كل البدع بقى من بعد اول شهر..والغريب في الموضوع انها مش اخطائي انا بنسبة 100% ..طبعا هاتقولوا اااااه بنت بقى وبتقول كده عشان تداري على خيبيتها

..بس لالالا هاقولكوا..

اولا عربيه خبطتني من ورا جامد ..
الخبطه دي ليها جزئين..
الاكصدام (الفايبر) كل مساميره اتكشرت ووقع..
ربطة وروحت عملته عند واحد ظبطلي المسامير ع الماشي كده بس..
الجزء التاني..ان من قوة الخبطه...لما فتحت الشنطه ورا عن الاستبن..لاقيت الحديد متطبق..والاسبتين كان مفعوص جوه مش بيخرج..

ثانيا..اتخبطت من الشمال في الباب بتاعي(غلطتي..اعترف)..خبطة بسيطه بس متطبق لجوه شوية..

ثالثا..وانا راكنه..حد خبطلي الرفرف اللي على اليمين ورا و الاكصدام اللي ورا تاني..ووقع كله تاني...بس اتشحور

رابعا ..الاكصدام القدماني من على الجنب اليمين...بردو حد خبطهولي والعربيه واقفه (والله العظيم بركن عادي جدا تحت البيت بس مش قادره افهم بيحصل ازاي كده)..بصحى الصبح الاقيه كده..:_alshmokh08[1]:

المهم ان الحصيله..قدام وورا والجناب كل العربيه فيها حاجات..
قولت اروح لواحد يظبطهالي..قالي هايعملي الاكصدامات فايبر هايلحمها ويعمل حاجات وكده..
وهايرشها ويرش الرفرف الشمال (مخبوط شويه لجوه مش اوي..بس محكوك)..
وهايرد الخبطه البسيطه اللي في الباب الشمال اللي قدام

كل ده عاوز يعمله ب 1700 جنيه...انا مش عارفه ده كويس ولا كتير ولا ايه..

ف انا عاوزه افهم..كتير قالولي لو العربيه فيها ايه اوعي ترشيها..عشان هاتوقع قيمتها جامد...(هو ده معقول من رش رفرف واحد؟)
وناس تانيه يقولولي لو مش ناويه تبيعيها يبقى عادي عيشي حياتك ورشي..

ان الدنيا تتظبط زي ما الراجل ما قال بالفلوس دي كده مناسبه؟؟..
انا عاوزه اعرف المفروض اعمل ايه بالظبط

تظبيط الأكصدام الفيبر تقريبا في حدود 200 جنيه. طبعا الـ 1700 دول رقم فلكي على رد خبطتين ودهان رفرف

**Samir Elshahawy** · 29-09-2011 04:52 PM

بداية من غير الخوض في تفاصيل و أرقام
موضوع أصلاح العربية و رشها في أعتقادي نوع من النظافة و الحفاظ علي شكل العربية و رونقها
اما موضوع أن الرش بيؤثر في ثمنها و يقلل منها فبرضه عدم رشها و تركها علي حالتها تلك كي تظل فابريكة فهو ايضا سيقلل من قيمتها
من الأخر ده كلام سوق لايودي و لايجيب و اللي أبتدعه منه لله
رأيي الشخصي ..
ماتسأليش في اللي يقولك أن الرش هايقلل من قيمة العربية و اهم حاجة تكوني راكبة عربية شكلها حلو و حالتها جيدة و تكوني مرتاحة لها نفسيا

أما السعر فده قابل للنقاش و النقص او الزيادة و مهارتك في التفاوض و بالطبع و اكيد الاخوة هنا يقدروا يساعدوكي أكثر و يفيدوكي لأني مش شاطر في الفصال أوي و ماعنديش خبرة جامدة في الموضوع ده

مع خالص تحياتي
م/ سمير الشهاوي

**eng.m7md.ali** · 29-09-2011 05:18 PM

السعر ده يعتبر كويس بالنسبة لو الشغل هيبقى نضيف وكمان الشنطة محتاجة زرجينه من ورة علشان الحتة المفعوصة دي اللي جنب الاستبن
بس خلي حد ياخد العربية ويروح لسمكري تاني ويشوف رايه لان في ناس كتير كويسة وفي ناس كتير برده تعبانة في الرش والسمكرة

**heart_sugar** · 29-09-2011 06:43 PM

الاول طبعا الف سلامه عليك وعلى عربيتك ثانيا مدام مجتش فيكي وجت في الحديد مش مشكله
انا حنصحك نصيحه يارب تفيدك
انا لسه بايع عربيتي النيو اكسنت الشكل القديم ومشتري الشكل الجديد وللاسف بعد يومين خدت خبطه في الرفرف الامامي الرفرف ادعك بجد
قمت راده على البارد بس ضيع حلوه وشكل العربية المهم قررت اروح التوكيل وقلت خربانه خربانه حخسر اي
رحت شافو العربية وقالوي يستعدلوه ويرشوه وحيبقا تماما انا صراحه مقتنعتش قلتله ليه مغيروش
طبعا في ناس حتقلي ازاي ولا ومعرفش ايه وبيع وشراء انا جايب العربية اركبها مش ابيعها واستمتع بيها لو جه نصيبها حبيعها بس اتبسط بيها وبركوبها
فقلتلهم لا غيرولي الرفرف( طبعا انا كنت خدت لفه جوه التوكيل وشفت شغلهم) وبالفعل غيرت الرفرف ورشوه والموضوع خد يومين بس ودفعت 600 جنية رفرف و 300 جنية رش و350 عباره عن مصنعيه واكراميات
والعربية رجعت كاني مستلمها من الشركة يعني اللون هو اللون متقفل بتقفيل الشركه والناس شفوها في كل مكان مصدقوش اني مغير رفرف ولا حاجه
انا طولت عليكي بس انا حكيت الحكايه دي ليه عشان لوانتي حبه تعملي شغل صح حيكلفك اه بس يرجعلك العربية اعمليه في الشركه لان مهما اتعمل بره مش حيكون زيهم وابسط حاجة بدل مترشي العربية كلها ترشي بس الجزء المخبوط او تغيرية وترشيه لان درجه اللون عندهم بتكون مزبوطه لاني جربت في عربيتي القديمه كتير ومتزبطش اللون رغم انها كانت اسود فمبالك بعربيتك
على العموم انا اتعملت مع غبور فرع الهياكل الي في قليوب والمهندس الي هناك اسمه جورج صراحة محترم اوي جبلي الكهربائي وجبلي مسئول الدهان واكتر من فني وقعدنا نتكلم نص ساعه واسمع رأيهم لغيه مرسيت على اختيار التبديل رغم انهم كانو عيزين يستعدلوا القديم ويرشوه يعني مش عيزين يخسروني كانوعايزين يقللو التكاليف
اخر حاجة اسم مسئول الدهان في فرع قليوب مجدي لو حبيتي رقمه 0123356311
انسان امين اوي ومحترم

**Ashraf_Ibrahim** · 29-09-2011 07:05 PM

انا شايف انه كتير جدا المبلغ دا
وممكن ميكونش الرفرف والباب محتاجين يترشوا
ياريت لو تحطي صورتهم عشان نعرف هل ممكن يتردوا على البارد ويطلعوا كويس واللا لا
اما عن الاكصدامات واللحام الفايبر فدول غاليين اه يعني الاكصدام الواحد ممكن يدخل في 150 جنيه لوحده كلحامات فايبر
انا عن نفسي كنت رادد خبطتين في الباب الامامي والخلفي الجهة الشمال وخبطة في الرفرف الامامي شمال على البارد ودفعت 50 جنيه والصنايعي كان بيرقص
دا السمكري اللي بتعامل معاه حاليا :d

**ls1090** · 29-09-2011 07:29 PM

المشاركة الأصلية كتبت بواسطة ls1090

الرقم مبالغ فى 1-الكصدمات هتكلف 200 لحام+400 رش نظيف يعنى بوهية مش مصر ولا لبنانى
2-السمكرة 300 علشان الشنطة والباب والرفرف
3-رش الرفرف هيكلف 100 ج
يعنى السمكرى هياخذ 500 والبوهيجى هياخذ من 500 الى 600 والبوهيجى الموضوع من 1000 الى 1200 بالكتير ويكون البوهيجى محترف والسمكرى الموضوع ده يتكلف عندى فى الشرقية 1000 عند اكبر سمكرى وبوهيجى وانا مزود 200 علشان الاسعار فى القاهره اغلى والصنعة اقل

وبالنسبة لموضوع البوهية فى غش كتير يعنى البوهيجى يتفق على بوهية سكينز هولندى لو سبيس هيكر المانى ويروح يجيب اميجا مصرى او جنرال لبنانى ومش هتعرفى بعد لما تترش يستحسن تجبى البوهية وتتخصم من المبلغ والفرق فى السعر كبير يعنى الربع كيلوا المستورد ب 150 بالورنيش وعليه ضمان 10 سنين والمصرى من 50 الى 75

**warDaya** · 03-10-2011 02:20 PM

بجد بجد ..ربنا يخلييييييييكووووووووا كلكوا ووووواحد واحد انا فعلا مبسوطه جدا من ردودكوا عليا..
انا هارد عليكم كلكم بس هاحط الصور الاول عشان الموضوع يبقى واضح..

دي الخبطه اللي في الباب بتاعي من الجنب (شمال)

ده الاكصدام اللي قدام من على اليمين..

المنظر للكلبسات من جوه وهي مكسورة

في حاجه بقى نسيت اقول عليها..
لما نزلت لاقيت العربيه بالمنظر ده..لاقيت في حاجه مدلدلة منها...مافهمتش في الاول بس دلوقتي خدت بالي
دي الحاجه..مكسورة او مفكوكة من بعض كده ونازله من خرطومين بس واقعه

اخدت بالي بقى انها المفروض تكون داخله جوه دي..
بس بتعمل ايه..الله اعلم!!..والمفروض اركبها انا وادخلها زي ما كانت ولا ايه مش عارفه..

ده الرفرف اللي متطبق..
هي الخرابيش والتكحيتات دي في منها رايح للباب..

ده الاكصدام اللي ورا(المأسوف على شبابة)
ممسوك من الشمال حاجه بسيطه بس..
وربطاه طبعا كما هو واضح

ده منظر من فوق للتكسيرات بتاعة الاكصدام من جوه..بس مش مبينة اوي يعني!!

الموضوع: عربيتي اتشحورت..قولولي اعمل ايه!!!!

LinkBack

أدوات الموضوع

عرض

عربيتي اتشحورت..قولولي اعمل ايه!!!! - انشر الموضوع فى :

-

-

-

-

-

-

المواضيع المتشابهه

قولولي اعمل ايه الكلاكس باظ

اعمل ايه قولولي ؟؟؟؟

عربيتي امانه بين ايديكم قولولي اعمل ايه!!!!!!!!!

عربيتي امانه بين ايديكم قولولي اعمل ايه!!!!!!!

عداد عربيتي قولولي ايه رأيكم؟؟؟

الكلمات الدلالية لهذا الموضوع

المفضلات

المفضلات

ضوابط المشاركة