والا دي بلد اللي يطلع ما ينزلشششششششش:majd(4):
عرض للطباعة
والا دي بلد اللي يطلع ما ينزلشششششششش:majd(4):
انسى :)
يا راجل حرام عليك
دي الاسعار نزلت الارض ,,, كنت عارض منزل للبيع قبل الثورة على طول و بسبب الثورة نزل للنصف و مضطر استنى كتير لحد ما الاسعار تتظبط
فعلا الاسعار نزلت عن الاول
لان المعروض كتير وماحدش بيشترى
بس لسة مش بالدرجة المطلوبة
وكل بلد حسب ظروف الاسكان فيها
هو انتو بتتكلموا بجد؟!!!!
طيب اسعار حدائق الاهرام من كام لكام؟ يعنى متوسط سعر المتر قبل وبعد الثورة؟
السوق عرض و طلب و المضطر بيبيع بسعر اقل من المنطقه و اللي مش فارقه معاه مبيبعش الا بالسعر بتاعه
استنى شوية لحد انتخابات الرئاسة اذا كان فى انتخابات يعنى
برامج المرشحين للرئاسة هيكون فيها طبعا جانب بيتكلم على الاسكان و ده ممكن ينزل أسعار العقارات و الأراضى جامد جدا
بلاش تشترى دلوقتى
حدائق الاهرام من 900 الى 1600 حسب المنطقة و البعد او القرب من البوابات
اسعار الهضبه نزلت فعلا
انا كمهندس في شركة بتبني وبتبيع مباشرة .. الأسعار ببتحرك حسب الحالة من الشاري يعني معاه كاش !! ها انزله من عنيا !! ها يدخلني في دوامة قسط لا يبقى استحمل بقى :d
الحقيقة يا فندم بص انا لما ابقى رامي 2 مليون جنيه في عمارة بقالي سنة مثلا يعني واقف حال فلوسي تيجي تقولي لسة ها اقسط على سنتين كمان يبقى حرام لما مشروع يبقى 4 سنين !! صح ولالا !! الصح لو حضرتك عايز الشقة وفعلا السعر كاش صعب يبقى شركات التمويل العقاري بتقوم محل الكاش وبتخلص على طول ..
ماهو انا مش معترض وطبعا عندك حق ... بس اعتراضى على الفرق الوهمى بين الكاش والتقسيط.
وكمان انا كنت مشيت شوية فى موال التمويل العقارى دة وموضوع حبالة طويلة قوى وضمانات بالهبل وفى الاخر برضوا هدفع مبلغ خيالى فى شقة ممكن تكون لسة فى الهواء والاستلام بعد كام سنه ... هو دة اللى مضايقنى يبقى معايا فوق 150 الف ومش عارف اشترى شقة فى مكان محترم اعيش فية انا واهل بيتى عيشة بنى ادمين وكمان تتعامل معاملة الشحاتين من اصحاب العقارات والشركات.
q1`
متابع
اخي الكريم
حضرتك بتسأل سؤال عاااااااااااااااااااااااا ايم اوي
لو حضرتك تحدده شوية اظن يكون افضل
بأن تحدد مثلا المنطقة ( فيرد عليك سكانها )
ام هل البحث في مدن جديدة ام احياء قديمة بالقاهرة الكبري
هل حضرتك بتبحث عن عمارة جديدة تحت التشطيب ام لا يفرق معاك ان تكون في شقة في عمارات ساكنة من فترة ( و ما هو المبلغ الذي بتبحث حوله ( و هل تريد متشطب ام علي المحارة )
انا طبعا حاسس بحضرتك و بهمك و لكن يجب ان تحدد حتي تصل بأسرع الطرق لهدفك
.............................
و بوجه عام
موضوع النزول في الاسعار اخي الكريم لا يكون كما تتخيل حضرتك
يعني لو الاسعار في منطقة معينة كانت قد زادت في اخر سنتين تلاتة الي الضعف بمعني:-
مناطق مثلا في المعادي قبل كارفور كانت الاسعار بتتراوح بين ( 1500 الي 2800 ) للمتر
تحت التشطيب ثم قفزت الي ( 2000 حتي 3500 ) حتي قبل الثورة بيوم
فلا تتوقع الانخفاض و الرجوع مرة اخري لاسعار 2007 و 2008 الان
بل كل الذي يحدث هو النزول في سعر الوحدة حوالي 20 او 30 الف للوحدات الاعلي من 300 الف و تقل النسبة كلما نزلت عن 300 و تزيد نسبة الانخفاض كلما ارتفعت عن ال 500 الف جنية و يمكن التقسيط علي سنة في حالة الكاش قديما
او التقسيط علي خمس سنوات بدلا من ثلاث سنوات و هكذا
منطقة مثل حدائق الاهرام
مرت بكذا مرحلة ( كانت الاسعار من 800 الي 1200 ) ثم ارتفعت فترة من الفترات الي ( 1500 حتي 2200 ) ثم ارتدت مرة اخري الي ( 1000 حتي 1400 )
و يمكن ان تدفع مبلغ و تقسط علي سنة و تستلم كمان و تشطب انت
و يمكن تقسط لوحدات تحت الانشاء و الاستلام خلال سنة او اتنين
القاهرة الجديدة بتختلف فيها الاسعار حسب الاماكن
و العادي هناك بيتراوح بين 2000 الي 3500 للمتر حتي تصل ل 5000 للمتر في الرحاب
و كذلك 6 اكتوبر نفس الاسعار السابقة
تزيد قليلا الشيخ زايد في حالة لو ان الشقة في كمباوند
ربنا يوفقك
م.حاتم السباعي