-
خواطر من سوهاج 1
خواطر = افكار غير منظمه ( لا مؤاخذة اصل الموضوع للصعايدة ):_Alshmokh08[1]:
انا صعيدى و افتخر علشان محدش يزعل:x1[1]:
:w6266d
بداية انا امتلك سيارة اوبل موديل 2003 اوتوماتيك
انا هحكى قصة معاناة قطع الغيار معاها و خصوصا فى سوهاج
للعبرة و العظة و لعل من يعتبر
اولا : بعد الشراء حدث ما لم اكن اتوقعة عدم وجود قطع غيار اوبل فى سوهاج بالصورة الكافية
المهم خدت شوية اسعار و انا كلى ثقة و ما حولتش افاصل ( عادة سيئة ) من سوهاج طريق اخميم
المهم اشتريت و انا متوقع الاسعار كده
مكنة كهرباء زجاج 450 جنيه اشتريت 2 ب 900
و شوية حاجات كده مش مهم
بعدين اكتشفت بعد ما يقرب من سنة شراء حاجات تقترب من 10 الاف جنيه
اكتشفت ان الاسعار عاليه جدا جدا و انى انا اتخميت فى الموضوع
مكنة الزجاج الكهرباء ب 250 جنيه و هلم جرا المهم الواحد فقد الثقة فى موضوع قطع الغيار
على طول طلعت على اسيوط عدل و قلت اشترى من هناك
معاناة اسيوط:
المهم كنت بشترى حاجتى من اسيوط لغاية ما لقيت فيه حركة بيعملها بتوع اسيوط و هى انك تشترى مثلا باب يقولك انا مش فاضى تعالى اكمل الناقص مرة تانية
و كل مرة كده تلاقى نفسك بدل ما تاخد الحاجة كامله و انت دافع تمنها كامله تلاقيها ناقصة و بعدين حلنى لما تروح اسيوط علشان المشوارعاوز يوم كامل و تستنى خمس ساعات هناك على بال لما يديك الحاجة بعد ما تكون زهقت و عاوز تمشى تاخد اى حاجة و خلاص
ممكن تاخد مفتاح مريات مثلا تلاقيه بايظ لما ترجع حلنى لما ترجعة و تاخد يوم اجازة
فى الاخر ( بلاها مفتاح )
المهم انا حاسس الموضوع طول و بايخ ايه رأيكم امشى ولا اكمل
انا عاوز اكتب عن موضوع الفائدة من شراء قطع الغيار من اقرب مكان و خصوصا لو كان تعامل البائع مقبول
-
يا عم
انا مكنتشى هتنفس معانا
هتخنق نفسك ليه
للعلم انا امى من اسيوط
فاتكلم براحتك
-
ادى عيب الخواطر الحرة كان لازم اتسحب من لسانى و اقول اسيوط
يا عم السوهاجية ضحكوا عليه و سقونى ميه صفرا و قولوا غنى يا عم جابر
و هى غلطة يا ريس ولا بلاش ريس لاحسن يحصلك بلاش انا عكيت اطفى اطفى يا كمبيوتر اطفى ولا اكسرك هه طاخ
-
شوف بالنسبه للحاجات الجديده خليك على اتنين :
محسن اوبل فى شركه قلته ناحيه مخزن الانابيب و ده حاجته اصلى بس يمكن غالى
هشام حكيم فى النميس وده حاجته هاديه وممكن تاخد و تدى معاه فى السعر
-
كمل ياباشا عشان اللي بتحكي عليه ده مريت عليه
-
الكلام ده بيحصل فى كل مكان
-
دي مشكلة لأنك اشتريت عربية مش منتشرة في سوهاج
كنت اشتريت العربية العجيبة الروسي اللي منتشرة هناك
هيه اسمها ايه ؟ و اسعارها ايه ؟ انا مشفتهاش غير في سوهاج بس و مش موجودة في اي محافظة تانية
-
اسمها فولجا ياباشا ومش موجوده غير تاكسي بالنفر للمشاوير الصغيره يعني زي ميكروباص صغير وبتاخد سته راكب اربعه وراء واتنين جنب السواق ورخيصه موووت يعني ممكن تاخد واحده ب 4000 جنيه بعد ماياخدوا نمر الاجره منها
ودي صوره ليها عشان الاعضاء تعرفها
http://www.luxauto.lv/gallery/large/LuxAutoEU_1079.jpg
وفعلا الاوبل مش منتشره في سوهاج المنتشر الياباني بانواعه
وخاصه اللانسر والكورولاوالكوري كله بس الفيرنا مش محبذه عندنا عشان واطيه وبعدين تلاقي المرسيدس بموديلاته لكن الاوبل والبي ام عربيات قليله عندنا عشان كده انا اشتريت اوبل
-
-
العربيه دي لو دخلت في بيتنا هتطلع من الناحيه التانيه علي طووووووول
Content Relevant URLs by
vBSEO 3.6.0 PL2