السلام عليكم مطلوب رأي الخبراء بدون أي تحيز عن اعتمادية العربية ده من ناحية الاعطال والذي منه ومقارنتها بالميجان لانها مع واحد صاحبي (مش فاكر موديل كام ) ومع احترامي لملاك العربية إلى إن العربية غدارة شويتين يا ريت تفيدوني علشان قربت احجز
عرض للطباعة
السلام عليكم مطلوب رأي الخبراء بدون أي تحيز عن اعتمادية العربية ده من ناحية الاعطال والذي منه ومقارنتها بالميجان لانها مع واحد صاحبي (مش فاكر موديل كام ) ومع احترامي لملاك العربية إلى إن العربية غدارة شويتين يا ريت تفيدوني علشان قربت احجز
ليه كده يا وحوش ماحدش هيعبرني ؟؟؟؟؟
هى العربية مع والدى و الحمد لله لحد دلوقتى مفيش اى مشاكل الا مشكلة عوامة البنزين المشهورة
هى عاملة حوالى 15 الف كيلو لحد دلوقتى
و على فكرة احنا معانا ميجان برضه و الحمد لله العربية ماشية كويس و عاملة 100 الف كيلو ، حصل فيها حاجات بس حاجات يعنى معظمها طبيعية بالنسبة لعمر العربية ..
اهم حاجة فى العربيات ديه ان اللى يعملها صيانة يبقى التوكيل او حد فاهم فيها كويس و ان ميتلعبش فيها كثير
طب يا باشا بالنسبة لمشكلة العوامة التوكيل معملش فيها حاجة لوالد حضرتك أنا أسمع إنها لو ظهرت بيعملوها ببلاش
قصدك ايه بمشكلة عوامة البنزين ؟؟؟
هل قصدك أنك لما بتفول و العربية دايرة العداد مش بيرمى للأخر ؟
ممكن توضيح لمشكلة عوامة البنزين اللى فى الفلوانس ؟
أحلى صباح لأحلى وحوش....ا/ أحمد....ا/شاركى وحشنا كتير و وحشنا مشاركاتك معانا.....
أعتقد عوامة البنزين فى الفلوانس فيها مشكلة فعليه....مش فكرة إنك تبقى مدور و إنت بتفول فالقراءة تبقى مش مظبوطة....لأ حتى و إنت طافى بتبقى القراءة مش بتدل على الكمية الفعلية فى التانك.....
أعتقد حد من وحوش الفلوانس هيوضح المشكلة أكتر لما يمر على الموضوع.......
مشكلة عوامة البنزين ان حضرتك لما بتفول العربية المؤشر بيعلم فى الغالب على3/4 مش على الشرطة الأخيرة. هما عملولى فى التوكيل سوفت وير لطرمبة البنزين ولم يتغير شىء وبعدين غيروا الطرمبة ولم يتغير شىء.الكلام ده كان من حوالى 6 شهور . هما فى التوكيل أرسلوا عينة بنزين لمصنع رينو لأن مشكلة البنزين لم تظهر إلا فى مصر
وتم فحص البنزين واكشفوا ان نسبة الكبريت أعلى من النسبة المسموح بيها وهم حاليآ بيصنعوا طرمبة بنزين مخصوص للبنزين إلى فى مصر . المعلومات ديه من التوكيل
المشكلة ما بتظهرش تقريبآ فى حالة استعمال بنزين 95 لأنى غيرت لبنزين 95 وتقريبآ المشكلة انتهت.وللعلم مشكلة العوامة لاتؤثر على آداء العربية.
هى المشكلة فعلا ان المؤشر دايما بيدى قراية غلط , فى ساعات العربية يبقى فاضل فيها الربع و يشير انها فاضل فيها اكثر و فى ساعات ينزل على الربع و هيا فيها اكثر , هى عامة مش بتأثر على اداء العربية بأى شكل بس مزعجة شوية :majd(4): و يا رب يلاقوا ليها حل فعلا ، كلنا ثقة فى توكيل رينو
و كلام الاستاذ محمد صح فعلا