انتظروا قريباً الجيل الجديد من الفئة التالتةf30

تم تحديد موعد إصدار الجيل الجديد من الفئة التالتة ( تحت إسم F30) من BMW في الرابع عشر من شهر أكتوبر القادم، وسيتم اصدارها على أساس أن تكون موديل 2012 ، وسوف تطرح في الاسواق من أول مارس 2012 و يستمر إنتاج هذا الموديل حتى شهر 6 من عام 2012 ، وبعد ذالك يتم طرح موديل 2013 من هذا الطراز .
تحدد مبدئياً عدد من المواتير ليتم طرحها في هذا الشكل كالآتي :
1- 316i موتور ذو 138 حصان
2- 320i موتور ذو 188 حصان
3- 328i موتور تربو 2000CC ويصدر 242 حصان (المحرك الجديد N20 من BMW )
4- 335i موتور تربو 6 سيلندر يصدر 302 حصان (نفس الموتور الموجود في الشكل الحالي ال-E90 )

بس اكيد هتزيد كتير عن الشكل الحالى

كلام جميل يطلع من شخص جميل
عندم فكره عن الاسعار ياوحش

اقتباس:

---

المشاركة الأصلية كتبت بواسطة party_0000

كلام جميل يطلع من شخص جميل
عندم فكره عن الاسعار ياوحش

---

ربنا يخليك يا باشا، دة بس من ذوقك


بالنسبة للأسعار .. سعر أي منتج مستورد عباراة عن:
1- تمن تكلفته من مصنعه(في حالتنا سعر العربية في ألمانيا ، لأن الإنتاج كله مبدئياً هيكون في ألمانيا )

2- مصاريف الشحن (ودة بيعتمد هتتشحن من فين لفين )
3- مصاريف الجمارك والضرايب على المنتج
4- هامش ربح الوكيل أو التاجر


في حالة ال-f30 ، سعرها في ألمانيا لسه متحددش لأن مافيش إنتاج حتى الآن :) ، وبالتالي كل البنود إلي بعد كدة ماينفعش يتحسب ، وبالتالي ما نقدرش نخمن حتى سعرها هيكون في حدود كم :) ، د غير أصلاً لسه مفيش تحديد أي مواتير هتنزل مصر وأي كماليات ، وما ادراك ما الكماليات في ال-bmw ، دي تقريباً سعرها ممكن يخلي سعر أي عربية الضعف .


لكن بصفة عامة سعر أي موديل جديد من عربية موجودة بالفعل في السوق بيزيد حوالي 10% عن الموديل الحالي ويرجع ينزل بالتدريج لحد ما يبقى مساوي أو أكتر شوية من السعر الحالي

اكيد مش اقل من 400 الف جم و مش اكتر من 418 الف جم و هو سعر المرسيدس c250 مو 2012 .

اقتباس:

---

المشاركة الأصلية كتبت بواسطة batman372

اكيد مش اقل من 400 الف جم و مش اكتر من 418 الف جم و هو سعر المرسيدس c250 مو 2012 .

---

معقوله ياكبير!! من 240 الى 400 مره واحده!!؟؟

انا ممكن اصدق تبقى ب 300 عشان تتساوى مع ال c180 لانهم تقريبا نفس الامكانيات
لكن 400 دى بعيده قوى قوى!! ده ال 523 الجديده ب 525 الف

اقتباس:

---

المشاركة الأصلية كتبت بواسطة maskeen

معقوله ياكبير!! من 240 الى 400 مره واحده!!؟؟

انا ممكن اصدق تبقى ب 300 عشان تتساوى مع ال c180 لانهم تقريبا نفس الامكانيات
لكن 400 دى بعيده قوى قوى!! ده ال 523 الجديده ب 525 الف

---

انا اقصد ال 320 الكامله المجمعه محليا الى هى حاليا رسمى ب 365.
ال 523 الجديده رسمى ب 545.

اه كده معقول....انا اتخديت لان الموضوع هنا كان على ال 316

ممكن فعلا ال 316 تبقا ب 300 وال 320 ب 400

ال316 ممكن تكون في حدود ال300الف قياسا بال116 و 118 و المرسيدس السي180 اللي ب328الف اما ال320 فديه حتضرب فوق بس ممكن ينزلو شوية عن ال400 الف عشان ينافس المرسيدس

للي انا شايفه ان الاسعار بتاع الموديلات الجديده اتضربت في 17% فقول مثلا هيزودوا مش اقل من 15 % لكل الموديلات

اقتباس:

---

المشاركة الأصلية كتبت بواسطة ahmedsadek82

ال316 ممكن تكون في حدود ال300الف قياسا بال116 و 118 و المرسيدس السي180 اللي ب328الف اما ال320 فديه حتضرب فوق بس ممكن ينزلو شوية عن ال400 الف عشان ينافس المرسيدس

---

ال 316 الحاليه بدايه من 240 -الف عشان كده عامله مبيعات كبيره و بتنافس ال سى 180 الى كانت ب 300 ثم الفيس ليفت الان ب 328 .
الشكل الجديد من ال 316 مش ممكن يوصل الى 300 الف و اتوقع الا تزيد عن 265.
اما ال 320 الجديده فمش حتقل عن 390 الى 400 و لكنها لن تنافس السى 250 فى المبيعات و الدليل مثلا ان ال 320 مو 2009 كانت زيرو كاش ب 320 الف فى المقابل السى 200 ب 390 الف و رغم ذلك عملت مبيعات اكتر - أيضا السى 280 مو ٢٠٠٩ كانت ب 460 و باعت زى الرز مقابل البى ام 330 مبعتش 10 عربيات على بعض ووصلت زيرو كاش ٤٠٠ الف !! مع انها أجمد كتير من السى ٢٨٠ ( موتور جبار ٢٧٢ حصان مقابل ٢٣٠ فى السى ٢٨٠ ) !!!
تحياتى .......

نا اتوقع 316هتقرب من سعر c180 يعني تبدا من 285- 315 وهتبيع بيع التنين علشان الشكل الجديد
ال 320 ممكن تبقا في حدود 415 وهتكتسح علشان الموتور الجبار اللي هينزل وبردوا هتبيع علشام الشكل الجديد ايا كان احلا او اوحش من القديم
انا عن نفسي مازالت مقتنع ان e60 شكلا احلى من الجديده