من كام يوم كدة و للأسف الشديد نزلت من بيتنا و رايحه مشوارو ركبت الباجيرو و أنا أساسا مش متعودة على حجمها الغبى دة المهم ماشيه فى امان الله طبيعى جدا و مرة واحدة سمعت صوت انفجار كدة طبعا ركنت و قولت أنزل لقيت طوب نزل على السقف مش عارفه مين الحمار الى عمل كدة ركبت تانى و للأسف كنت حاسه اننا هعيط و رجعت بيتنا من غير ماكمل و اعتذرت للناس الى رايحالهم و مفيش مشاكل بس و انا راجعه سمعت صوت بالاخص لما باجى ابقى بطيئة شوية زى رجرجه قولت اكيد دى محتاجة سمكرى و نزلت عند سمكرى و كان الحوار الى دار مابينا كالاتى لو سمحت فيه صوت رجرجه كدة و انا ماشيه بيبقى عالى شوية قالى طيب ممكن اجرب العربيه قولتله اتفضل و ركب و مشى بيها شوية كأنه بيتفسح و جالى تانى بيقولى أة دا من الجاكمان قولتلة جاكمان مين دا انا فيه طوب وقع على السقف و انا ماشيه قالى ايوة دة مالوش علاقة بالرجرجه دى الصوت دة جاى من الجاكمان قولتلة و هوا الجاكمان فوق السقف ؟ قالى مانا لسه بقى هكشفلك عليها و كمان أنا لما أقولك جاكمان يا أنسه يبقى جاكمان و أنتوا كل حاجة لازم تعلقوا عليها يعنى قولتلة طيب أنا هاخدها و أبقى أجيبلك حد من قرايبنا تتعامل معاه و رجعت بيتنا تانى و لما كلمتهم فى الموضوع دة قالولى اكيد التوكيل افضل بس الى غاظنى ان انا رايحه اشوف السقف و دا يقولى الجاكمان و شكله اصلا كان بيجربها بس يا ترى يعنى كلام مين الصح و كلام مين الغلط عشان انا ضغطى بدأ يعلى من الفزلكه
المفضلات