السلام عليكم
ازيكم يا رجالة المنتدى ، صباح الفل عليكم جميعا
معلش حبيت اختم الاسبوع بمناقشة لطيفة كدا
بقالى فترة بشوف اعضاء من المنتدى بتدخل تكتب نتائج المنافسة بين سيارتين مش هاقول بينهم فارق فى الامكانيات ، لكن هاقول لاتجوز المنافسة بينهم اصلا !
يعنى مثلا فى عضو يدخل يكتب انه شد على الطريق مع مرسيدس او بى ام بسيارته الفيرنا او يقولك الافيو 5 ، وهكذا ..
الحقيقة انا بس عاوز اوضح حاجة .. يعنى الطبيعى والمنطقى لما احب اقول انى شديت مع حد وعديته لازم اراعى الاتى :
1- انا والسائق الاخر نكون بنشد فعلا ، مش انا حارق ومبهدل العربية وهوا ولا هوا هنا وانا بس اللى متهيالى انه بيشد معايا .. لكن فى الحقيقة هوا ولا انا فى دماغه اصل.
2-ظروف الطريق تكون مواتية للشد والجرى سواء من حيث طبيعة سطح الطريق او الكثافة المرورية فى الطريق فى ذلك الوقت
3-الجير بوكس ، يعنى مانيوال قصاد مانيوال ، واوتوماتيك قصاد اوتوماتيك "ارجوووكم"

اللى عاوز يشوف منافسات شد جادة ومنطقية يدخل عاليوتيوب وهايشوف ازاى بينظموها ويصوروها والانطلاق من نقطة الصفر بيتم ازاى .

معلش يا جماعة لو كنت غلوس شوية فى الحوار دا ، بس بجد انا اصلى اتصدمت من التوبيكس اللى بشوفها وكانت بتستفزنى ... وشكرا لسعة صدركم لرخامتى المتناهية
اتمنى ليكم ويك ايند سعيد

والسلام عليكم ورحمة الله وبركاته