شديت مع بى ام اكس 6 بعربيتى الاوبترا الاوتوماتيك !

**Deshahcoka** · 02-10-2011 07:43 AM

المشاركة الأصلية كتبت بواسطة pro_samir

احتمال انه دماغه تعبانه

والاحتمال التاني انه كان بيهرج و واخد الموضوع تريأه .. وحضرتك سخنت فعلا .. وهو قعد يضحك

لا الاحتمال التاني انوا بيهرج ده فاكس لانوا العبيط اخد غرزة مقفولة ما بين 2 نقل في حارة يمين و شمال و لوا النقل الي على اليمين داس فرامل كان اتعجن ! و بعد الغرزة ديه متقلش حس نفسه شوماخر العالمي و هاتلك يا اشارات و شتايم فيا :) مع انوا هوا الي كان قدامي طول الوقت و سايبه :)

**amrico** · 02-10-2011 07:56 AM

المشاركة الأصلية كتبت بواسطة bmw323

الناس زعلانة من البي ام أوي كدا لية ؟

وحشتني يا معلم
اخبارك ايه؟
انا ليا فترة مابدخلش المنتدى بس فرحت لما شفتك

**bmw323** · 02-10-2011 08:34 AM

المشاركة الأصلية كتبت بواسطة amrico

وحشتني يا معلم
اخبارك ايه؟
انا ليا فترة مابدخلش المنتدى بس فرحت لما شفتك

والله انا لسة ببص على لوحة التحكم لقيتك اخر واحد مشارك فى الموضوع دلوقتي قولت بسسسسسسس ( اخش اقولة وحضرتك طبعا ياما علمت على البى أم الفئة السابعة بعربيتك المفضلة (لانسر بومة ) ) هههههههههههههههههههههههه

والله واحشني جدا ياباشا انا تمام الحمد لله أنتا أخبارك اية ياكبير ووالله انا كمان فرحت لما شوفتك

وصباحك زى الفل

**tutankhamoun** · 02-10-2011 09:12 AM

المشاركة الأصلية كتبت بواسطة deshahcoka

الفكرة انوا مش تكبر ولا فشخرة بس مينفعش تشد مع مرسيسدس ولا بي ام ... دول تبعد عنهم عشان لو مايكل شوماخر سايق الانوس ديه و بيبي سايق البي ام هوا الي حيكسب :)

دول وحوش الطريق مش محتاجين يشدوا ولا يغرزوا عشان يثبتوا حجاة :) باشا العربيات ديه و من حق حقه يجري زي ما هوا عايز ... لكن العربيات التانية ديه بيبقى تهور شباب الجري بيها :)

و الي يعيش ياما يشوف :) ههههههههههههههههه

الموضوع مش بالماركة
الحكاية كلها بقوة الموتور ..... مش عارف أيه اللي دخل ماركة العربية في موضوع الشد و الجري

ربنا يباركلك في عربيتك و لكن علشان تقارن ... يبقى تقارن موتور 6 سلندر مع موتور 6 سلندر
مش ماركات !
ده رأيي الشخصي
و على فكرة أنا بحب البي أم جدا

باشا معلش خليني اقلك انوا كلام حضرتك صح في حالة الشباب بتوع الكوري هما الي بينتحروا ..

لكن بي ام و مرسيسدس الي عفشة و مكنة اصلا بتكربن لما متجريش و تحرق يبقى ده من حقه يجري ... العربية امكانيات عربيات 200 حصان و 300 حصان و 400 يعني اقلهم دبل العربية الكوري الي شيادته راكبها :) يعني دوبل موتور يبقى العفشة متصممة عشان تشيل ... و قيس :)

ده من حقه يييجريييييييييييييييييييي ييييي :) وحششششششششششششششش

لعلمك البي ام مش بتاعت غرز ... عشان كبوت طويل و شنطة و جسم عريض ... غرزها مش بتاعت ال ميلي بتوع الفيت البنونتوا :)[/quote]

يا فندم الغرز و الشد زي ما لأستاذ علواني وضح و قال أنها تتعمل على مضمار سباقات أحنا بس اللي بلدنا بايظة و مفهياش قانون .
حضرتك لو بتسوق في أوروبا أو أمريكا و شدت مع حد و عملت غرزة
بيكون فيها فقد للرخصة .......... و محكمة و سجن بتهمة القيادة الخطرة و تعريض حياة الناس للموت .
فبرضه مش عارف أيه اللي دخل الكوري هنا في الموضوع ده !!!
يعني حضرتك لو بتسوق في أنجلترا و راكب ألماني و عملت غرزة
هاتتعاقب عقاب شديد .......... و لو عملتها بكوري ....... هاتتعاقب نفس العقاب
مفيش حاجة أسمها من حقه يجري

اللي عايز يجري .......... يأجر مضمار و يجري عليه و بما أن أحنا معندناش مضمار سباق يبقى المفروض أننا نراعي ربنا في الناس التانية على الطريق .

المشاركة الأصلية كتبت بواسطة elawany13

من غير زعل مواضيع الشد والغرز والهبل اللى بيحصل على الطرق
بعتبره لعب عيال وناس دماغه فاضية
وفلوسها كتيره
ومش مقدرين النعمة اللى هما عايشين فيها
ومستهترين بأرواحهم وأرواح غيرهم
الحاجات ديه مكانها مضمار السباق
مش الشوارع العامة
ربنا يهديهم ويهدينا

+1111111111111111111111111111
ربنا يباركلك

**amrico** · 02-10-2011 09:41 AM

المشاركة الأصلية كتبت بواسطة bmw323

والله انا لسة ببص على لوحة التحكم لقيتك اخر واحد مشارك فى الموضوع دلوقتي قولت بسسسسسسس ( اخش اقولة وحضرتك طبعا ياما علمت على البى أم الفئة السابعة بعربيتك المفضلة (لانسر بومة ) ) هههههههههههههههههههههههه

والله واحشني جدا ياباشا انا تمام الحمد لله أنتا أخبارك اية ياكبير ووالله انا كمان فرحت لما شوفتك

وصباحك زى الفل

يا حبيب قلبي احنا مبنعلمش على حد
ربنا يستر طريق الناس كلها
وعلى فكرة السيراتو بدأت تحتل مكانة البومة عندي
بقيت بعزها نفس المعزة بالضبط "فاهمني طبعا"

مع الإعتذار لصاحب الموضوع عشان دخلت في كلام جانبي مع BMW323
فعلا موضوعك محترم

وربنا يهدينا كلنا

**levelpower** · 02-10-2011 12:22 PM

زى ماحصل معايا و واحد بالادا قاعد يقفل عليا انا و بى ام 330 و مش عايز يعدينا كل شويه يلزق جمب عربيه و مش عايز يعدينا كل مالعربيه الجمبه تهدى هو يهدى الغيت ماضيقنى و روحت زنقت عربيتى بنهم و عملت كيك داون و سفرت بس هو كان شخص غريب فعلا معتقد كده انه اجمد من اى حد !!!

**wesam_salom** · 02-10-2011 12:56 PM

لسه الصبح مقطع عربيه مرسيدس اس ال اكس مش عارف كام (حاجه وهميه كده معرفتش موديلها)
طول الطريق من منزل اكتوبر عند نادى السكه لحد اول مكرم
مش عاوز اقولكم شد وغرز لمده نص ساعه فى مسافه لا تتجاوز 4 كيلو
وفى الاخر علمت عليه فى الملف ودخلت قبله بس الصراحه ركنت تحت الشغل وسيبته يعدى منى
السرعه لا تتجاوز 20 كيلو متر فى الساعه
كده ابقى انا علمت على المرسيدس والمانيا كلها والاتحاد الاوروبى

**maskeen** · 02-10-2011 01:19 PM

معلش بس هى كيك داون بتتعمل ازاى بالفتيس الاوتوماتيك؟
انا عارفها عادى بالمانيوال اللى (اسقط نقله) يعنى ابقى ماشى خامس على 100 اقوم انقل للتالت واجمع سرعه..لكن بالاوتوماتيك ازاى؟

شكرا .

**Ali_Abo_Amr** · 02-10-2011 10:13 PM

المشاركة الأصلية كتبت بواسطة maskeen

معلش بس هى كيك داون بتتعمل ازاى بالفتيس الاوتوماتيك؟
انا عارفها عادى بالمانيوال اللى (اسقط نقله) يعنى ابقى ماشى خامس على 100 اقوم انقل للتالت واجمع سرعه..لكن بالاوتوماتيك ازاى؟

شكرا .

اما تدوس على دواسة البنزين للآخر
او تشيل رجلك من على دواسة البنزين وتحطها تانى بسرعة وقوة فى نفس الوقت
ده عندى فى التيدا ما اعرفش فى ال بى ام ممكن تكون ازاى صراحة :)

**Ali_Abo_Amr** · 02-10-2011 10:16 PM

انا مرة شديت بالتيدا مع مينى كوبر :))))))))
وايه
.
.
.
.
.
اتقطعت

كل ما احصله .... يختفى من قدامي
عارفين ازاى كنت باحصله ؟؟؟؟؟؟
.
.
.
.
.
لما كان بيهدى على المطبات

الموضوع: شديت مع بى ام اكس 6 بعربيتى الاوبترا الاوتوماتيك !

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فتيس الاوبترا الاوتوماتيك

فتيس الاوبترا الاوتوماتيك

سؤال فى فتيس الاوبترا الاوتوماتيك

صوت فى الاوبترا الاوتوماتيك 2010

مالكى الاوبترا الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة