لو معاك عربيه ومحتاج فلوس اقرا الاعلان ده

**samyamar** · 30-09-2011 06:51 AM

اعطيلك 50 او 60 او 70 الف جنيه حسب قيمة عربيتك و تدينى
عربيتك رهن حتى تسدد المبلغ

تم العدول غن الفكرة لثبوت عدم جوازها شرعا

شبكة الفتاوى الشرعية

سيتم حذف الموضوع

**minicooper20** · 30-09-2011 08:55 AM

لا يا عم انا ابعها اكرملى
و انتا ايه اليضمن حقق
و كمان سعر العربيه فى السوق متفاوت

**samyamar** · 01-10-2011 07:58 AM

السلام عليكم
اسمحولى اعرض وجهة نظرى واشرح الفكره
اولا انا معايا مبلغ محدد يشترى عربيه كويسه لكن مع عدم وضوح الرؤيه بعد الثوره وعدم ثبات الاسعار فى الارتفاع أوالهبوط وكلام كتير عن الجمارك

جتلى فكرة ان احد الاشخاص ممكن يكون محتاج فلوس لتجارته او مشروعه او اى حاجه خاصه تانيه محتاج ليها مبلغ من المال
وفى نفس الوقت عنده عربيته ومش حابب يبيعها خالص عشان محتاج هذا المبلغ لانه هيخسر فيها وقت البيع ووقت شراءه سياره مره اخرى او انه مش هيلاقى زيها تانى
لكن فى نفس الوقت ممكن يستغنى عنها لمده محدده فقط وترجعله العربيه تانى بعد انتهاء هذه المده ويكون استفاد من المبلغ احسن استفاده فى تجارته او حياته الخاصه وبدون اى خساره لو باع العربيه

و الفكره دى انا نفذتها قبل كده مع ثلاثه اشخاص

اول واحد كان محتاج فلوس ضرورى جدا لان قدامه محل عايز يشتريه تمليك فى العاشر من رمضان واقرب مبلغ هيجيله بعد ثلاث شهور فا اتكلمنا مع بعض و جتلنا الفكره دى هو ياخد منى المبلغ ويشترى المحل وانا اخد عربيته وبعد شهرين رد لى المبلغ واخد عربيته بدون خساره جنيه واحد ( وكانت سياره هوندا سيفيك 2005 )

تانى واحد كان عايز يجوز ابنه وعنده ارض فى البلد وعارضها للبيع لكن مافيش مشترى حالا الا بسعر اقل من سعر السوق بحوالى 20 الف جنيه فعرضت عليه الفكره اديله المبلغ اللى محتاجه حتى يبيع الارض براحته بدون استعجال او خساره وآخد عربيته حتى يرد المبلغ وباع الارض بعد عشرة ايام فقط ورد المبلغ ( وكانت سياره لانسر 2008 )

الثالث موظف فى بنك الاسكان والتعمير البنك كان منزل شقق بمقدم والباقى قسط على مده طويله لكن هو لم يكن معه المقدم فاعطيته المبلغ ودفعه واخدت عربيته حتى رد لى المبلغ وكانت المده شهر واحد فقط ( سياره فيتارا 2007 )

دى كانت فكرتى

و آسف للاطاله

**MOSHAKS** · 01-10-2011 12:24 PM

المشاركة الأصلية كتبت بواسطة samyamar

السلام عليكم
اسمحولى اعرض وجهة نظرى واشرح الفكره
اولا انا معايا مبلغ محدد يشترى عربيه كويسه لكن مع عدم وضوح الرؤيه بعد الثوره وعدم ثبات الاسعار فى الارتفاع أوالهبوط وكلام كتير عن الجمارك

جتلى فكرة ان احد الاشخاص ممكن يكون محتاج فلوس لتجارته او مشروعه او اى حاجه خاصه تانيه محتاج ليها مبلغ من المال
وفى نفس الوقت عنده عربيته ومش حابب يبيعها خالص عشان محتاج هذا المبلغ لانه هيخسر فيها وقت البيع ووقت شراءه سياره مره اخرى او انه مش هيلاقى زيها تانى
لكن فى نفس الوقت ممكن يستغنى عنها لمده محدده فقط وترجعله العربيه تانى بعد انتهاء هذه المده ويكون استفاد من المبلغ احسن استفاده فى تجارته او حياته الخاصه وبدون اى خساره لو باع العربيه

و الفكره دى انا نفذتها قبل كده مع ثلاثه اشخاص

اول واحد كان محتاج فلوس ضرورى جدا لان قدامه محل عايز يشتريه تمليك فى العاشر من رمضان واقرب مبلغ هيجيله بعد ثلاث شهور فا اتكلمنا مع بعض و جتلنا الفكره دى هو ياخد منى المبلغ ويشترى المحل وانا اخد عربيته وبعد شهرين رد لى المبلغ واخد عربيته بدون خساره جنيه واحد ( وكانت سياره هوندا سيفيك 2005 )

تانى واحد كان عايز يجوز ابنه وعنده ارض فى البلد وعارضها للبيع لكن مافيش مشترى حالا الا بسعر اقل من سعر السوق بحوالى 20 الف جنيه فعرضت عليه الفكره اديله المبلغ اللى محتاجه حتى يبيع الارض براحته بدون استعجال او خساره وآخد عربيته حتى يرد المبلغ وباع الارض بعد عشرة ايام فقط ورد المبلغ ( وكانت سياره لانسر 2008 )

الثالث موظف فى بنك الاسكان والتعمير البنك كان منزل شقق بمقدم والباقى قسط على مده طويله لكن هو لم يكن معه المقدم فاعطيته المبلغ ودفعه واخدت عربيته حتى رد لى المبلغ وكانت المده شهر واحد فقط ( سياره فيتارا 2007 )

دى كانت فكرتى

و آسف للاطاله

وحضرتك اخدت فوائد اد ايه على المبلغ اللى اعطيتوا ليهم؟؟؟؟

**samyamar** · 01-10-2011 11:10 PM

المشاركة الأصلية كتبت بواسطة moshaks

وحضرتك اخدت فوائد اد ايه على المبلغ اللى اعطيتوا ليهم؟؟؟؟

المبلغ المدفوع فقط و بدون فوائد

**Khaled_Nowaihy** · 01-10-2011 11:39 PM

طب لو واحد أعطاك عربيته مقابل 70 ألف ... والعربية تساوى 100 ألف
وبعدين العربية اتخبطت وللا حصل لها حاجة واتصلحت وما رجعتش زى الأول ... وصاحب العربية مش عاجبه الاصلاحات اللى تمت فيها يبقى الوضع ايه ؟؟؟