شكرا يا استاذ هشام
حطيتهم كلهم عندي في favorite
هيقراهم في وقت الفراغ
رقم العضوية : 66698
تاريخ التسجيل : 31Mar2010
المشاركات : 16,132
النوع : ذكر
الاقامة : مدينة نصر
السيارة: fiat tipo
السيارة[2]: fiat tempra
دراجة بخارية: no
الحالة :
رقم العضوية : 9125
تاريخ التسجيل : 18Apr2008
المشاركات : 1,432
النوع : انثى
الاقامة : egypt
السيارة: الحمدلله على كل حال
السيارة[2]: kia picanto 2011
دراجة بخارية: لا يوجد
الحالة :
شكرا يا استاذ هشام
حطيتهم كلهم عندي في favorite
هيقراهم في وقت الفراغ
[shfaf]http://img140.imageshack.us/img140/9236/nile5th2resize.jpg[/shfaf]
رقم العضوية : 9125
تاريخ التسجيل : 18Apr2008
المشاركات : 1,432
النوع : انثى
الاقامة : egypt
السيارة: الحمدلله على كل حال
السيارة[2]: kia picanto 2011
دراجة بخارية: لا يوجد
الحالة :
رقم العضوية : 66698
تاريخ التسجيل : 31Mar2010
المشاركات : 16,132
النوع : ذكر
الاقامة : مدينة نصر
السيارة: fiat tipo
السيارة[2]: fiat tempra
دراجة بخارية: no
الحالة :
العفو على أية
طبعا الجمبرى الصغير انظف حاجة و زمان لما كنت صغير فى نفس السن كنت برضو بشترى صنارة و اجيب الجمبرى الصغير او حاجة أسمها بقلويز ((( زى قواقع كدة ))) بتتكسر و يتاخد الى جواها و تتعمل طعم أو عجينة بتتعمل فى البيت زيت بسيط جدا و دقيق و مية و فية اسبراى كمان بيترش على طعم جاف طالما الصيد بحرى مش فى النيل بس ريحتة وحشة شوية و ممكن اول سمكة يصطادها يقطعها و يعمل اللحم بتاعها طعم برضو
..................
الاستاذ زلبانى بعت لة الموضوع على الخاص أكيد لما يشوفة حا يرد على الموضوع
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
هواية صيد السمك جميلة جداا بس بتحتاج للصبر
و بما انه لسه مبتدأ فملهاش لازمة يجيب مكن
يخلي المكن ان شاء الله لما ياخد ع الصيد و يبتدي يبعد عن الشاطئ و حيتانه
الادوات اللي هيحتاجها كلآتي :
- بوص يد
و لما يشتريها يقول الراجل عايز بوصة يد و يجيب حاجة في حدود 3- 4 متر و هي عبارة عن بوصة بتتفتح و تتقفل مكونة من 3-4 عقل ع حسب يعني
و ديه هتعملها في حدود 30 جنيه تزيد او تقل 5 جنيه
- بكر خيط
يقول الراجل عايز بكرة خيط عادية و يقول الراجل انه لسه مبتدأ و هيصطاد من ع الشاطئ
الراجل غالبا هيديله حاجة تشيل لحد 3-5 كيلو
و ديه هتكون في حدود 4-7 جنيه
- فل \ عوامات \ غمازات
كلها اسماء لحاجة واحدة و يجيب منها كام واحدة لأن الصنارة لو شبكت احتمال كبيرة ان الخيط يتقطع
و ديه اسعارها بسيطة 50 قرش - جنيه - 1 و نص يعني في الحدود ديه
و الغمازات ديه وظيفتها انها تحدد عمق الخيط يعني لو رفعها لفوق العمق بيزيد نزلها تحت العمق بيقل
و في نفس الوقت لو سمكة اكلت الطعم هيلاقي الغمازة بتنزل في المية و تطلع كأنها بتغمز
- تقلات \ رصاص
و ده اللي بيخليكي تقدري ترمي الخيط و هو عبارة عن تقلات رصاص صغيرة
و لما يشتري خليه يجيب المقاس الصغير اللي بيبقي زي الخرز بتاع المسدسات اللعبة بس ع اكبر حاجة بسيطة
و يده برده مش هتزيد عن 5 جنيه مجموعة في كيس او علبة
- سنون
يجيب مقاس متوسط قد عقلة الصباع في الطول و ده ع ما اتذكر مقاس 5
و ده برده سعرها بسيط في حدود 5 جنيه و بيبقوا حبة حلوين في العلبة او الكيس
- الطعم
طبعا الطعم بيتنوع
دود - عجين - ريم - طعم صناعي
و هنا طعم نيلي فهو يخليه في الدود و العجين
الدود هيلاقي عند محلات الصيد و هو عبارة عن دود احمر غامق صغيرة اللي هي دودة الارض بيحطه في السن و السمك بيجري عليه جري ههههههههه و مش عارف بصراحة اسعاره ايه دلوقتي لأني كنت بربيه للصيد في قصرية زرع او استخدم عجين بس هيبقي في حدود الــ5 جنيه برده
النوع التاني العجين و ده يا اما بتروح للفرن تقوله عايز بــ2 جنيه عجينة
او يعملها في البيت
اسهل طريقتين العجينة الباردة و ديه عبارة عن كوباية دقيق و معلقة زيت و معلقة سكر و يتخلطوا كلهم ببعض و يتعجنوا بالمية لحد ما تبقي عجينة جاهزة
ياما يجيب رغيش بلدي و بشوية مية و يتعجن لحد ما يبقي عجينة
بس مشكلة العجين لما بينزل المية بيدوب
فممكن يجيب قطن خشن شوية و يتخلط مع العجينة و هي بتتعمل هيخليها تمسك كويس في المية
كده مش ناقص غير تجهيز الصنارة
هيجيب البوصة و يفردها ع اخرها و يجيب خيط و يربطه في التلبيسة اللي فوق
و يقطع الخيط في طول البوصة بالظبط يعني لو البوصة 3 متر يقطع الخيط 3 متر
و بعدين يدخل الفل\ الغمازة في الخيط و يزنقها بحتة خشبة كبريت او خلة اسنان
و بعدين يدخل التقالة\ الرصاص لو اللي عامل زي البلي الصغير يدخل اتنين ورا بعض و بعدين يلف الخيط و يدخله تاني و يطلع التقلات لفوق تكون قريبة من الفل \ الغمازة
و بعدين يجيب السن و يربطه في اخر الخيط
كده الصنارة بقت جاهزة
يجيب الطعم لو دود يمسك الدودة كويس لأنها هتبقي عايز تنط و يدخل السن من راسها لحد ما يغطي السن كله و ميبقاش باين
لو العجين يعملها زي كورة صغيرة و يبططها و يحطها في السن و يدوس عليها عشان تمسك
و يسمي و يرمي ابعد ما يقدر عن الشاطئ عشان الصنارة متشبكش في الصخور
و يفضل مستني لحد ام يحس ان السمك اكلت الطعم و شبكت و ديه بتيجي مع الوقت بالاحساس و شوف الغمازة غمزت في المية
يشد الصنارة لفوق ربع شدة زي ما كنا بنشد الطيارة و احنا صغيرين عشان تعلي في السما اكتر و ده عشان لو السمكه اكلت الطعم السن يمسك فيها و متهربش
و بعدين نطلع
طبعا في الأول ممكن السمك يطلع ناصحو ياكل الطعم و يهرب او يطلع في الأول حيتان من بتوع الشاطئ وممكن تلاقي زرع و قبل كده طلع معايا فردة كوتشي اسود ههههههههه
فميقلقش
و ان شاء الله لما تطلع سمكة معاه يمسكها من بين الخياشيم و البطن كويسة و يضغط عليها بالابهام و السبابة و يطلعها من السن و يفضل ماسكها لحد ما يحطها في مكان امين لأنها هتبقي عايز تنط برده
نقطة اخيرة لو الصنارة شبكت يحاول ميتعفاش عليها عشان ميكسرش البوصة
فيه بقي شوية اداوت اضافية
- سكينة صغيرة او مقص عشان تقطع الخيط او لو الصنارة شبكت و مفيهاش امل تسلك تقطع
انا عن نفسي قبل كده نزل سلكتها بس كانت المية لحد تحت الركبة هههههههه و الناس كلها اتفرجت ع المجنون اللي نازل بيشيل الصخر و يسلك صنارته ههههه
- طبعا كاب عشان الشمس
- ايس بوكس صغير عشان المشروبات و تحط فيها السمك عشان ميعفنش في الشمس و الحر
- لو مش هيستعمل جوانتي يبقي مية و صابونة عشان غسيل الايد بعد الصيد
و اي استفسار اتفضلي
بالنسبة محلات ادوات الصيد حضرتك تتبعوا منطقة ايه ؟؟ عشان اقولك ع اقرب واحد
رقم العضوية : 604
تاريخ التسجيل : 12May2007
المشاركات : 3,344
النوع : ذكر
الاقامة : مصر المحروسة-السويس
السيارة: لا يوجد
السيارة[2]: الحمد لله Tiida 07 auto
دراجة بخارية: لا
الحالة :
اولا الف مبروك ان ابنك احس بميل للصيد
عن تجربة لم اجرب ان اصطاد الا منذ ما يقرب من 3 سنوات
(بالرغم انى اقطن منذ صغرى فى مدينة ساحليه و كل من حولى يصطاد )
و من ساعتها و انا بانام باحلم بأى وقت اصطاد فيه
هى هواية جميله و ممتعه و كما قال لى احد الاخوة هنا بالمنتدى خلى بالك ده ادمان
و لو خدت اول طلعه خلاص انسى
-------
المهم
الصيد كطعم و معدات يختلف باختلاف الاماكن
يعنى صيد النيل غير صيد البحر الاحمر غير المتوسط
ممكن اتكلم عن الاحمر
ممكن حضرتك تشترى له مكنه و خيوط و بوصه 1.6 متر بحوالى 200 جنيه و يكونوا معقولين
المكان : فى السويس :)
--
و لى رأى فى الموضوع
ابن حضرتك فى اول بدايات الهوايه
و لو ما استمتعش بها هايتركها بلا عوده نهائيا
ممكن العائله كلها تتطلع فسحه يوم اجازة و تروحوا تصطادوا فى العين السخنه من على مركب
اولا تغيير جو من اروع ما يكون
ثانيا البحر غير النيل هايصطاد حبه حلوين و كمان المتعه فى الصيد مقاومة السمكه و المغامرة معها
و لما ينبسط ممكن توعديه ان حاجه زى كده هاتحصل كل فترة
و الطلعه دى بتكون حسب المركب
ممكن مركب شبه اليخت تبدأ من 600 جنيه
و ممكن لنشات بتكون اصغر تبدأ من 300 جنيه للنهار
و ممكن حضرتك تشوفى موضوع مركب بورتوفينو فى الهيدر بتاع المنتدى
كيميائى / محمد طه------------------بسم الله الرحمن الرحيموَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَصدق الله العظيمالتوبة 105
رقم العضوية : 91911
تاريخ التسجيل : 20Mar2011
المشاركات : 447
النوع : ذكر
الاقامة : cairo
السيارة: ان شاء الله النترا او كرولا
السيارة[2]: Hyundai Excel 96 1500
دراجة بخارية: لا
الحالة :
يا باشا الصيد بالصناره ده حرفه واللى يقولك عكس كده يبقى بيطلع يتفسح ويشم هواء لو انت ناوى على الموضوع بجد سيبك من الانترنت لازم تزاول صياد فترة طويلة سنين علشان تبقى صياد
وتعرف كل شى من الالف للياء وتتحمل مصاريفه الموضوع مش سهل خالص وانا مش بحبطك بس ده الحقيقه واخيرا لا حيلة فى الرزق بمعنى ممكن تكون محترف وملكش رزق وممكن تكون هاوى ومرزق بس الخوف للتمسك انت بالصيد بدل ابنك لانه زى الادمان
رقم العضوية : 53612
تاريخ التسجيل : 22Nov2009
المشاركات : 3,259
النوع : ذكر
الاقامة : Giza
السيارة: Nissan tiida HB '13, Renault Fluence '16
السيارة[2]: Mitsubishi Lancer '06
دراجة بخارية: ..
الحالة :
بصفتي لسة مصطاد اول سمكة ليا من يومين السنارة من اسكندرية 4 متر مع كل مستلزماتها من خيط وسنون وشليط وفله ورصاصة ب23 جنيه من محل اسمه الحسين في شارع كده فيه سوق معرفش اسمه
والطعم جمبري صغير الربع كيلو بـ3 جنيه وده يكفيه كتير جداً
هو بيحط السنارة في الميه واول ما يحس ان السمك بياكل الطعم والفلة بتتحرك جامد يقوم ناتشها لفوق لو لقى الفلة بتتسحب لتحت يبقى جاب سمكة ويطلعها
بالنسبة للنيل معنديش اي فكره عنه
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
معلش نسيت اضيف دول
و ديه صورة ع برنامج بينت ع ادي هتبين تجهيز الصنارة بيبقي عامل ازاي
و ديه طريقة لربط السن بسيطة
رقم العضوية : 32450
تاريخ التسجيل : 09Feb2009
المشاركات : 1,870
النوع : ذكر
الاقامة : cairo
السيارة: يا مسهل
السيارة[2]: FIAT 128 حاليا مفيش
دراجة بخارية: no
الحالة :
Axel باشا شكرا جزيلا على المعلومات الحلوة دي وتعبك
انت عارف انا نفسي يبقى عندنا ناس كتير زيك كده بتقول كل حاجة من غير تعقيد
بس انت شكلك دايس في الموضوع ده جامد :))
المفضلات