مش كتير خالص
ممكن نجيب حاجات معقولة مش هاتعدى الـ 100 جنيه
يعنى حاجة كويسة و تتمرن عليها عشان ممكن ماتعجبكش الهواية او مايبقاش عندك وقت تنزل تقف على الميه و تركن العدة
انا عملت كدة و الحاجة عايشة معايا لحد دلوقتى و شغالة معايا
عرض للطباعة
اة فاكره دة قديم قوى بس كانت سنارة غريبة
و هى اقتصادية لو هاتشترى من تاجر اسعاره كويسة و دول قليلين اوى
يعنى انا عشان اشترى اى حاجة نقصانى فى العدة باروح امبابة من محل هناك ارخص اسعار فى الجمهورية و ناس بتجيله مخصوص من مناطق بعيدة
و لما احب اجيب طعم بركب مكروباص اروح حته اسمها لعبة واحد هناك معروف اسمه فرج بدخله من حوارى بيبيع اداوات صيد و احسن طعم عشان كدة باروحله المشوار دة الثمن كيلو بـ 10 جنيه
لو ليك دماغ تلف كدة يبقى دوس معانا بقى d:
انتا و نصيبك يا تجيب يا متجبش
انا لما ببقى نازل اصطاد مابحطش فى دماغى انى رايح اصطاد
ببقى رايح اقف على المية اشم شوية هوا نضيف بعيد عن واجع الدماغ
لما بتقف على الميه و تجهز حاجتك بتنسى الدنيا كلها و بالك بيرتاح و اعصابك بتهدى
انا ساعات باروح اقف بالخمس ست ساعات و ماجبش حاجة
و ساعات اقف برضو فترة مابجبش حاجة فى فجاة تضرب معايا حتة كبيرة :) اقوم واخدها و مروح
بس ساعات تعكنن عليك لما السن يشبك فى حجر او زرع و لو مافيش امل تسلك بتضطر تقطع الليلة دى كلها و تركب من قطع الغيار اللى معاك
لو سن قطع تركب غيره لو الوش كله قطع ركب غيره لكن لو كله قطع يبقى تركب كل حاجة من الاول من غماز و تقال و مدور و وش و طعم
فى مرة كنت بصطاد فى ترعة فى اوسيم قطعت 16 وش :) كان يوم اخر بهدلة و الدنيا كانت حر و انا اتعصبت و اتعورت كذا مرة لان كان معايا واحد جديد لسة بيتعلم فبهدلنى و عورنى بالسنون بتاعتة و شبك فى سنارتى كذا مرة
بس دة نادرا يعنى
بس خد بالك الهواية دى ادمان يعنى لو جات معاك حتة محترمة يبقى خلاص دى اول شمة و مش هاتعرف تبطلها :)
انا شاكرة ليكم جميعا على المعلومات القيمة دي
انا هانقلها كلها عالوورد واعمل له فايل
انا عاوزة كمان ولو فيها طمع
انواع الاسماك اللي ممكن تطلع والقابلة للأكل
انا كنت باشوف الشباب اللي بيصطادوا السمك الصغي بيرموه البحر تاني
طيب حاجة كمان هل فيه زي رخصة للصيد او حاجة زي كده علشان لو في اماكن معينة ومميزة حد غلس عليك ؟لاني انا فاكر فيه مكان مقفول مرة رحته في المعادي وكان فيه حتة كده مخصصة للصيد بتنزلها بتخليك جنب النيل مكتوب يافطة الدخول للي بيملكوا رخصة فقط ؟ والرخصة دي ايه نظامها وهل فيها تعقيد ولا كله ايزي في اللذيذي :)
انا لقيت صورة ليها
http://i50.tinypic.com/17vlfq.jpg
http://i47.tinypic.com/2ag9snp.jpg
وتكلفتها بيقولوا بسيطة جدا 30 جنيه تقريبا سنويا
وده موضوع تفصيلي
http://www.egfishingclub.com/board/v...%D8%AF#p209870
السمك الصغير معظم الناس ترجعه الميه تانى و انا برضو كدة
لكن فى ناس بتاخد تشويه و ناس تسلقه و تشرب الميه بتاعته بيقولوا مفيدة
بالنسبة للاسماك فى النيل او العزب عموما كله بيتاكل مافيش حاجة خطر
البلطى و دة معروف طبعا و هتلاقى منه ملون اخضر فى احمر او اصفر و دة اسمه بلطى حجارى
الانوم
http://media.kenanaonline.com/photos...jpg?1308938382
القرموط معروف طبعا
البياض برضو معروف
الرعاد او الرعاش و دة الاخطر لانه بيطلع موجات كهربائية لو حد مسكة بأيده
لما بتصطاده مابنمسكوش بنفك وش السنون و نحطة فى الشنطة
او بالخنق : بنجيب كيس بلاستيك و نخنقه من رقبته بس انا افضل الطريقة الاولى
http://media.kenanaonline.com/photos...jpg?1304963939
الكركور
اللى نايم على بطنة دة و خليه ياخد باله و هى بيسلكه من السن عشان عنده زعنفتين ممكن يعوروه لان الزعنفتين دول عضم و حامى جدا
http://media.kenanaonline.com/photos...jpg?1300641176
الثعابين
و دى بيتم صيدها فى الشتاء فى الايام قارصة البرودة بالحداف
الموضوع شكله ممتع جدا
بس هوا ينفع سيدات تصطاد ولا صعب عليها؟
بصراحة عمري ما شفت ست بتصطاد بس لو حصل اكيد مش بتبقى لوحدها