اتصالات و فودافون على جهاز واحد .... أعملها ازاي ؟
من اكتر من سنة و انا شغال نت من اتصالات في مصر و المنيا و بني سويف ... لكن الاسبوعين اللي فاتوا لاحظت ان السرعةبقت بطيئة جدا و النت بتفصل كتير قوي و ده نتيجة الضغط على الشبكة و على ما يزودوا سعة الشبكة هياخدوا وقت . المهم قوووم انا جبت مودم فودافون و اهه الاتنين يسندوا بعض .
نزلت برنامج فودافون و ركبت المودم بتاعته و الدنيا تمام و فلة ...
جيت احط اتصالات لقيت فوداغون قافش فيها و مصر انه هوه اللي يشغلها !!! اقفله و اشغل برنامج اتصالات مش شايف المودم بتاعته !!!!
قلت يا واد شيل الاتنين و نزل فودا الاول و بعد كده نزل اتصالات لتكون فودا عاملين حركة خباثة و لا دقة نقص في البرنامج بتاعهم و انه يضرب اي برنامج اتصال غيره ( عادي فودا يعملوها ) برضه نفس النتيجة بس بالعكس !!!!
انا مش عايز اشغل الاتنين في نفس الوقت ....
انا عايز اشغل فودا في الاماكن اللي اتصالات واقعة فيها
و اشغل اتصالات في الاماكن اللي فودا واقعة فيها
حد يقولي ازاي بقى ؟