-
مشكلة كهربا في الأفيو
لا حظت يا أخواني من كام يوم إن لما بجيب مفتاح الكونتاك علي الوضع on بسمع صوت ماكينة زجاج الباب الخلفي يمين شغالة (زي زنة متكتفة لمدة 3 ثواني ثم يختفي الصوت تماما) رغم أن الزجاج مقفول ما بيتحركش ... مع العلم إن مكن الزجاج الكهربة الخلفية مع وحدات رفع متركبة قبل ما أشتري العربية من صاحبها وكلها شغالة زي الفل (العربية الأصلي فيها 2 زجاج كهربا أمامي بدون وحدات رفع) مع العلم أن وحدة الرفع الخاصة بهذا الباب مش شغالة وباقي الثلاث أبواب شغالين ... فما رأيكم
-
ممكن يكون قصدك على صوت طلمبه البنزين ، كل العربيات الإنجكشن لازم تسمع الصوت ده فيها فى الاول قبل التشغيل ، ويستحسن طبعا عدم تشغيل السياره غير بعد سماع الصوت علشان تكون الطلمبه وزعت البنزين فى الدوره .
-
-
هو الصوت ده بيبقي جاي من ناحية الباب الخلفي يمين ... وشكرا
-
الباب الخلفي شمال باب السائق
-
بس تنك البنزين يمين يعني الباب الخلفي يمين
-
-
شاكر لكم جميعا ولكن لدي إستفسار أخري ... لا حظت وجود تسريب زيت جاي من تحت غطاء المتور من ناحية اليمين ... البعض قالي ده أويل سيل عايز يتغير ... فهل عملية التغيير صعبة وتحتاج ميكانيكي خبرة وكم تتكلف تقريبا ... وشكرا لكم.
-
دا جوان غطا التكيهات . و تغيره بسيط و سهل . انا فى اللانوس بغيره بنفسى ( للعلم طريقة تغيره أنا عرفتها من المنتدى هنا و خصوصا من ا / محمد ممدوح )
-
شاكر لإستجابتك السريعة بس الزيت بيرشح من جهة اليمين ومن حته واحدة فقط صغيرة ولكن التسريب زاد وأصبح بيسيل زيت.
Content Relevant URLs by
vBSEO 3.6.0 PL2