وحدة رفع للزجاج وانذار

**mahmoud9177** · 11-10-2011 05:52 PM

المشاركة الأصلية كتبت بواسطة devil_storm

هل يا جماعة فى مشاكل فى تركيب وحدات رفع للسيراتو اللى ببصمة؟؟ حد عنده عربية بصمة و ركب وحدات رفع ممكن يفدنا فى الموضوع ده؟

روح عند ادريان الهرم انا مركبهم هناك والحمد الله مفيش اى مشكلة

**tarek_rcc** · 11-10-2011 11:25 PM

المشاركة الأصلية كتبت بواسطة mahmoud9177

كدة فى مشكلة عندك فى التركيب انا مركبهم ومفيش اى حاجة بتحصل من الى بتقول علية

لا اخى محمود انا اقصد ان السرعة اول ما تصل 20كم / س فورا تغلق الابواب ويرفع الزجاج عدا باب السائق ...
ودة بصراحة مزعج جدا لى ... كل ما اركب ومعى البنات اقولهم ما حدش يفتح الزجاج ( لانى عارف انة هايقفل تانى بعد ثوانى ) وبخاف حد يفتح الزجاج ويطلع ايدة قبل وصول السرعة الى 20كم ...
دة اللى اقصدة انت مش عندك كدة برضة ؟؟؟؟

**mohamed_mohsen** · 12-10-2011 12:28 AM

كده في غلط في التركيب
هو المفروض اللوك بتاع الابواب يقفل عادي من غير ما يقفل الازاز
الصنايعي اللي ركبلك الروافع اي كلام او فيه غلطه في التركيب

**moha4tec** · 12-10-2011 02:06 AM

المشاركة الأصلية كتبت بواسطة tarek_rcc

لا اخى محمود انا اقصد ان السرعة اول ما تصل 20كم / س فورا تغلق الابواب ويرفع الزجاج عدا باب السائق ...
ودة بصراحة مزعج جدا لى ... كل ما اركب ومعى البنات اقولهم ما حدش يفتح الزجاج ( لانى عارف انة هايقفل تانى بعد ثوانى ) وبخاف حد يفتح الزجاج ويطلع ايدة قبل وصول السرعة الى 20كم ...
دة اللى اقصدة انت مش عندك كدة برضة ؟؟؟؟

السلام عليكم
لا يا فندم انت عندك مشكله فى التركيب .الراجل اللى ركبهولك المفروض كان ظبطلك العربيه زى ما انت عاوز ,و تجربها و تمشى بيها .و لو فيها اى ملاحظات ترجعله و يظبطهالك
انا عملت كده .و فعلا فى الاول كانت بتعمل زى حضرتك بالظبط .رجعتله و قولتله عليها و هو ظبطهالى زى ما انا عاوز .و مبقتش تقفل زى ما بيحصلك كده و خلاص
ركبت انزار ووحدة رفع 4 زجاج و فتحة سقف.و الحمد لله شغالين كويس على ريموت العربيه الاصلى .
وحدة الرفع و الانزار نوعهم سباى ابجريد.و جابهملنا عضوا معانا فى المنتدى اسمه عمرو
رجولة الدنيا و ادب الدنيا فيه و جابهملنا 3 عربيات يعنى سيراتو ,ب 155 جنيه هههههههههههه
و الله ده اللى حصل و سالت عليهم برا سعرهم معدى ال 250 او 300 مستريح
النكته بقى الراجل اللى ركب اخد منى فى عربيتى 200 جنيه تركيب ههههههههههههههههههههه
يعنى 150 تمن الحجات و 200 تركيب ههههههههه
المصنعيه اغلى من تمن الحجات نفسها ههههههههه ضحك للصبح .بس شغله نضيف بسم الله ما شاء الله.
ارجع ليه و خليه يظبطلك العربيه ,و كمان ركب كتاوت فصل لكهربة العربيه بالمره .و هات كلبش صلب للدركسيون ,و ظبط الدنيا

**hosam2011** · 12-10-2011 05:48 PM

المشاركة الأصلية كتبت بواسطة tarek_rcc

مشكور اخى الكريم mohamed_mohsen
والشكر موصول للأخ الكريم moha4tec
ان شاء الله أروح له وأخليه يضبطها لى لأنها بالفعل مزعجة جدا بالنسبة لى انا اشتريتهم ب250 جنية بالتركيب بس ضمن صفقة ( فرش أرضية + أنذار وماكينة رفع ودواسات و ....) يعنى صفقة من الأخر ..ههههههههه
لكن لى سؤال ...
الفكرة انى لما اقفل السيارة بريموت الأنذار بتقفل الأبواب وبيرفع الزجاج معة ...
لو فصلت زى ما حضرتك بتقول معنى كدة يبقى اية فايدة ماكينة الرفع ؟؟؟
ولا فية ريموت خاص بماكينة الرفع ؟؟؟

سؤال ايه الغرض من وحدة الرفع؟
الإجابة هي اني لما انزل من العربية واتكه على القفل بالريموت يرفع الإزاز ومشلش همه أو أكون قلقان إني مقفلتوش
وهو ده فايدة ودة الرفع......غير كده يكون فشل في التركيب
وحدة الرفع فكرتها سهلة جدا انها بتشغل موتور رفع الزجاج في وقت معين بناءأ على اشارة بتخدها في وقت معين يعني مينفعش يكون المفتاح في الكونكت وتشتغل وهكذا

**Shazlovic** · 12-10-2011 07:01 PM

طب يا جماعه انا ركبت وحدتين رفع للسيراتو الStart Engine نوعهم SPY ب 130 جنيه بالتركيب و نفس مشكله السنتر دي بتحصل معايا و ايدي كانت هتتقطع 100 مره بسبب ان كل معدي 20 او افتح الباب لحد يركب و امشي يحصل كده لما سألتوه قالي هي كده في السيراتو ال توب لاين .. كده هو حمار اروح لواحد تاني يظبتها ولا كده اغيرها ولا ايه العمل ؟؟

**tarek_rcc** · 12-10-2011 09:21 PM

المشاركة الأصلية كتبت بواسطة hosam2011

سؤال ايه الغرض من وحدة الرفع؟
الإجابة هي اني لما انزل من العربية واتكه على القفل بالريموت يرفع الإزاز ومشلش همه أو أكون قلقان إني مقفلتوش
وهو ده فايدة ودة الرفع......غير كده يكون فشل في التركيب
وحدة الرفع فكرتها سهلة جدا انها بتشغل موتور رفع الزجاج في وقت معين بناءأ على اشارة بتخدها في وقت معين يعني مينفعش يكون المفتاح في الكونكت وتشتغل وهكذا

المشكلة ان سيارتى start engine وحتى قبل ما اركب جهاز الرفع كان الابواب تغلق فقط بعد 20كم/س بس بعد ماركبت اصبح الابواب تغلق والزجاج يرفع ....بالضبط كأنى خرجت من السيارة وضغطت قفل السيارة .... مش عارف اعمل اية؟

**mahmoud9177** · 13-10-2011 04:04 PM

المشاركة الأصلية كتبت بواسطة tarek_rcc

لا اخى محمود انا اقصد ان السرعة اول ما تصل 20كم / س فورا تغلق الابواب ويرفع الزجاج عدا باب السائق ...
ودة بصراحة مزعج جدا لى ... كل ما اركب ومعى البنات اقولهم ما حدش يفتح الزجاج ( لانى عارف انة هايقفل تانى بعد ثوانى ) وبخاف حد يفتح الزجاج ويطلع ايدة قبل وصول السرعة الى 20كم ...
دة اللى اقصدة انت مش عندك كدة برضة ؟؟؟؟

دى مشكلة فى تركيب الانزار خلى الراجل يراجع التوصيل من جديد وجرب العربية وخدوا معاك لان عندى مفيش اى ازاز بيقفل الا من زرار بتاعة

**mahmoud9177** · 13-10-2011 04:07 PM

المشاركة الأصلية كتبت بواسطة tarek_rcc

المشكلة ان سيارتى start engine وحتى قبل ما اركب جهاز الرفع كان الابواب تغلق فقط بعد 20كم/س بس بعد ماركبت اصبح الابواب تغلق والزجاج يرفع ....بالضبط كأنى خرجت من السيارة وضغطت قفل السيارة .... مش عارف اعمل اية؟

انا عربيتى زيك تمام متقلقش كدة فى مشكلة فى التوصيلات خلى الصنايعى الى ركبهم يظبط الوصلات وخدوا معاك وجرب العربية