السلام عليكم .. يا جماعة انا معايا 127 نصر وحالتها معقولة .. وبافكر اغيرها ب 128 تكون حالتها كويسة ومش محتاجة مصاريف .. هل التفكير ده مظبوط والا اصرف عليها هي وخلاص .. بمعنى هل في فرق بين ركوب ال 127 وال 128
وجزاكم الله كل خير
عرض للطباعة
السلام عليكم .. يا جماعة انا معايا 127 نصر وحالتها معقولة .. وبافكر اغيرها ب 128 تكون حالتها كويسة ومش محتاجة مصاريف .. هل التفكير ده مظبوط والا اصرف عليها هي وخلاص .. بمعنى هل في فرق بين ركوب ال 127 وال 128
وجزاكم الله كل خير
بص يا استاذ تامر هو لو انت عايز تبصلها من ناحية المصروف فالعربيتين تقريبا مصروفهم واحد سواء فى قطع الغيار او البنزين
اما لو حضرتك حتبصلها من ناحية الاداء والسرعة وامكانية انك تركب حاجة تعمر معاك وتقدر تسافر بيها من غير مشاكل ولا قلق
فانا حطول عليك واحكيلك حدوتة صغيرة :
انا اول ما قولت عايز اركب فكرت فى العربيتين دول علشان مقدرش ادفع اكتر من ثمنهم وكنت خلاص نويت اجيب واحدة منهم بس قابلت واحد صاحب صاحبى قالى على حوار عجبنى قالى مدام عايز تركب عربية بتجرى وشبابية وتعمل بيها اللى انت عاوزه يبقى تجيبلك عربية قديمة بس متعدلة قولتله ازاى خدنى من ايدى ورانى عربية بتاعة واحد صحبه اول ما شوفتها اتهبلت شكلها كان جميل ومتظبطة ومفيهاش غلطة العربية كانت فولكس باسات موديل 74 بس اللى عامله فيها ميتوصفش مسقطلها مكنة جولف 2 (1800cc) جى تى اى وعفشة جولف 2 موديل 94 بصراحة ركبت معاه وجربها قدامى على البحر والصراحة كانت وهم عربية موديل 74 بتشد مع موديلات 2010 وبيعديهم وهو مرتاح وكان بيسافر بيها كل يوم مصر علشان شغله انا اول ما عرفت كده قولتله حشتريها منك وتخيل السعر كام ؟؟ واخدها ارخص من 128 دفعتله فيها 12 الف بس والصراحة بقالها معايا سنة بالظبط مقلتش اى وكمان المانى وقطع غيارها كلها جولف 2 وموجودة فى السوق و......... الخ
علشان مطولش عليك دى العربية
http://img9.imageshack.us/img9/140/6...5167816581.jpg
By dev66 at 2011-09-30
http://img189.imageshack.us/img189/2...7167616581.jpg
By dev66 at 2011-09-30
http://img801.imageshack.us/img801/2...2618016581.jpg
By dev66 at 2011-09-30
http://img849.imageshack.us/img849/9...8615416581.jpg
By dev66 at 2011-09-30
وانا بقول لحضرتك الحكاية دى علشان فى عربية زيها بالظبط بنفس المواصفات والمكنة والعفشة بس باب واحد معروضة للبيع على سعر اقل بس فى اسكندرية وهى بتاعة صحبى
ربنا يكرمك يا باشا .. بس انا برضه عايز اعرف الفرق بن ال27 وال 28 .. العملية تستاهل التغيير والا اظبط اللي عندي وخلاص
بص يا معلم أن ركبت الاتنين ال27 وال28 وأقدر أقولك بالفوم المليان أن ال127 برقبة ال128 مليون مره واتحدي ........
يمكن ال128 أكبر وأوسع وبريستيج أعلي شويه وماتور أقوي......لكنها فعلا عربيه مقرفه ووالله العظيم عاوزه الحرق بجاز........ماتور قوي لكن يافرحتي محطوط علي شاسيه زي الورق عباره عن علب متلحمه في بعضيها وبالتالي لازم متاكلش مطبات علي أد ماتقدر وألا هتلاقي الركب شرخت أو أتكسرت وكمان الكارتيرات والفخاد هتلائيهم فتحوا من بعض والكبالن تطلعلك من الفتيس وتملص كل يوم والتاني وقضيها لحامات وزراجين وورد كبالن بأه عشان تشغل بيها مسافه فتح الشاسيه.......
دا غير أنك لو أخدت ملفات علي سرعه عاليه ممكن أوي تفتح الشاسيه.....ولو ضربت فرامل جامد كذا مره دا بيقصر عمر قاعدة الماتور اللي هي أصلا ملحومة فابريكه في الشاسيه.....وكمان الفرامل الجامده بيقضي علي الركب بدري بدري.........
هتقولي طب مال127 نفس نظام الشاسيه من علب وركب وكارتيرات وكبالن.........هقولك ماشي لكن ماتور ال127 وزنه خفيف جداااااااااا وهو في الاصل ماتور سيات مع أختلاف أتجاه الدوران وأختلاف طلمبه المياه.......وطالما الماتور وزنه خفيف دا بيخلي الشاسيه مرتاح جدا في المطبات الجامده والملفات والفرامل المفاجئه.....وبيخلي عمره أطول مليون مره من شاسيه ال128
وعلي فكرة نادر جدا لما تلائي 127 فاتحه شاسيه ألا لو اللي راكبها بأه لامؤاخذه!!!!!!!!
خلاصة الكلام أني معايا 128 وشايلها من ع الارض شيييييييييييل بس هي قليلة الاصل ومدياني علي أفايا..........وصاحبي معاه فيورا موديل84 وكل يوم يصبحها ويمسيها بمطبات وبلاعات وشرايط قطورات........ومع ذلك ماشيه معاه زي أنا أسف,,,,,,,,,,الأديمة