عاوز حاجة اندرويد

**sayed911** · 30-09-2011 04:23 PM

بسم الله الرحمن الرحيم

مش ها اطول عليكم يا جماعة !!

انا من لسة مسروق مني موبايلي البلاك بيري من يومين تلاتة وعايز وبفكر ادخل من ضمن شريحة الأندرويد ...
انا راصد 2000 جنيه ميزانية مبدئية للموضوع ...
انا طبعا الكام مهمة عندي ويكون ويكي كونيكشن كويسة فيه ومش مهم قوي الأبليكيشينز اهم حاجة عندي تويتر كومباتابول والباقي قشطة ... فيه ناس قالولي هات الـ Ace جديد وفيه ناس قالولي دور على حاجة جلاكسي تكون مستعملة بـ 2300 كده ها تلاقي كتير .. بصراجة انا جربت موتورولا ونوكيا واي ميت واريكسون قبل ما تنضم لسوني وبلاك بيري يعني جبتها من شرقها لغربها فعايز نصيحة تفكير معايا اجيب ايه منين .. وعاجز عن الشكر يا رجالة ..

**K.LOTFY** · 30-09-2011 04:47 PM

شوف ال HTC Chacha
HTC ChaCha Product Support â€“ HTC Help Centers

بالمبلغ اللى انت حاطه وكاميرا 5 ميجا بس عيبه شاشته الصغيره وميزته لوحة المفاتيح الكامله لسهوله الكتابه بما انك بتخش كتير على تويتر يعنى دى بتعوض دى وكمان الشاشه تاتش فقشطه

**sayed911** · 30-09-2011 04:53 PM

طيب ايه رأيك هوة ولا الأيس ؟ وايه رأيك انا الناس بتزن اني بالسعر ده ممكن اجيب حاجة تكون مستعملة وتكون كويسة يعني انا شفت امبارح ايفون 4 بـ 3900 مستعمل نضيف جدا .. بس انا مش مقتنع تماما بأبل نهائيا ..

**iCaesar** · 30-09-2011 05:41 PM

شوف السوني اريكسون جامد ..

**i_Am_Legend** · 30-09-2011 05:47 PM

إتش تى سى_تشا تشا_تحفة و_

**sayed911** · 01-10-2011 11:49 PM

انا تفحصت وتمحصت في حوار الـ HTC وغالبا كده المقارنة كده انحصرت في الإتنين دول
HTC chacha
Samsung ace
القرار بقى حضراتكم بس تقولولي ليه يا جماعة بعد اذنكم :D

**ALshahba** · 02-10-2011 04:37 AM

نصيحة من اخوك
Samsung Galaxy S1
سعره مناسب لطالبك وامكانياته عالة جدا وخفيف جدا وكاميرا تمام جدا وافضل من Ace فى الشاشه
وابعد عن الابل وايفون 4 لانه غالي علي الفاضي , صحيح انه لمسه سريع وخاماته كويسه وثابت فى البرامج ولكنه ممكل فى التعامل مع نقل البيانات , وبنفس امكانياته حتلاقي السامسونج يديهالج مع زيادات عاليه جدا وارخص فى التمن

ولك الاختيار

**sayed911** · 03-10-2011 12:55 AM

انا اول مرة اعرف بصراحة انه الجالاكسي فيه حاجة ضمن ميزانياتي .. هوا بكام طيب يا فندم والاقيه فين ؟ اصل بصراحة انا حتى معرفش ميزانيتي تغطي ايه من الحاجات دي

**Moh.Abdelbaset** · 03-10-2011 01:36 AM

لو حصرت اختياراتك خلاص بين الchacha و Ace
فارشح لك ال Chacha لأنه قريب من شكل البلاك بيري اللي كان معاك
الAce حلو برضه ..شاشته أكبر..بطارية أطول عمراً لو مش هتستخدم ال3g كتير

انما بره الاختيارات دي
1-فيه جالاكسي 9003 مستعمل أنا جبته ب 2100 من السراج من غير ضمان..بس موجود في الشناوي ب2400 ضمان سنة
2-فيه جالاكسي 9000 ده جديد ب 3300 تقريباً معرفش سعره مستعمل كام ..و ده المشهور بجالاكسي s1 علشان عائلة الجالاكسي كبيرة شوية
الفرق بين ال9000 و ال9003 إن 9000 هو الأشهر و ليه دعم أكثر وشاشته سوبر أموليد و أسرع و بطارية أقل من ال9003
ال9003 اللي معايا حلو جداً شاشته واضحة جداً بس أقل من الجالاكسي9000 ..بطارية أطول شوية..و الدعم أقل شوية..بس عيبه الاساسي السخونة..اللي ما بتظهرش إلا لو مشغل لعبة Hd ..غير كده مفيش سخونة.
3-فيه الموترولا الMilestone XT720 ب 2000 جنية من موبايل شوب..أكبر ميزة فيه الكاميرا ال8ميجا
4-فيه موترولا Defy ده برضه في حدود 2000 أو أكتر شوية
5-فيه سوني اريكسون Neo ده ب2500 تقريباً
6-فيه سوني اريكسون أرك معرفش سعره تقريباً بس هو فوق ال3000

مش عارف انا كده أفدتك و لا حيرتك و لا توهتك يا باشمهندس
ده موقع مقارنات جامد Compare Cell Phones
و موقع الشناوي لمعرفة الأسعار اللي بتكون أرخص من المحلات شوية..فلو لقيت موبايل على موقعه أرخص فرق ملحوظ عن القاهرة..اطلبه و هو هيشحنولك في يوم أو يومين و تكلفة الشحن 30 جنيه تقريباً.
وربنا يوفقك يا بشمهندس..و أرشحلك الجالاكسي s1 اللي هو 9000

**MaZaGAngeE** · 03-10-2011 03:29 AM

هل ممكن تحديث نظام اندرويد بتاع موتورولا مايلستون اكس تي 720 للنسخة الجديدة ؟
لو ممكن يبقى ده افضل اختيار

الموضوع: عاوز حاجة اندرويد

LinkBack

أدوات الموضوع

عرض

عاوز حاجة اندرويد - انشر الموضوع فى :

-

-

-

-

-

-

-

المواضيع المتشابهه

اندرويد اندرويد اندرويد اندرويد كفاااااااية اشمعنى انا

حد عاوز حاجة من ebc؟

هام جدا جدا الى عاوز اى حاجة

عاوز انزل اندرويد 2.3 لجالاكسى اس i9000

حاجة عاوز لها حل

الكلمات الدلالية لهذا الموضوع

المفضلات

المفضلات

ضوابط المشاركة