بسم الله الرحمن الرحيم
الموضوع ده كان المفروض يتعمل من شهر تقريبا مع مناسبه مرور سنه على اشتراكى هنا فى المنتدى و شراء عربيتى ( الاتنين فى نفس اليوم ) لكن حصل ظروف كده
المهم انا لو اتكلمت من هنا للصبح مش هقدر اوفى اى حد هنا فى المنتدى حقه و لو شكرتكوا من هنا للسنه اللى جايه مش كفايه
البدايه انا مش عارف اشتركت فى المنتدى ازاى و مش فاكر استمريت فيه ازاى و انا اساسا مش بحب موضوع المنتديات ده بيخنقنى بس معاكوا هنا عرفت يعنى ايه منتدى محترم و ناس اخوه بجد
انا زى ناس كتير معرفش اى شىء عن العربيات و اكتر معرفتى بها هو اسمها لا غير و بعد ما جبت العربيه حسيت انى هضيع خصوصا انها اول عربيه فى بيتنا و والدى ميعرفش اى حاجه عن العربيات و طبعا انا فى الضياع
المهم توكلت على الله و اعتمدت على نايل موتورز و الحمد لله بعد سنه من القرايه و التدقيق و التفحيص و قرايه كل ما ورد على منتدى الدايو من مواضيع مثبته و غير مثبته بقيت افهم شويه فى العربيات و اى حد يتكلم معايا اتكلم معاه بثقه ، بقيت اقف قدام الميكانيكى و افهمه انى مش هيضحك عليا و و و و و و ........... ألخ
نظرا لانى طولت عليكما عايز انهى الموضوع بشكر و تقدير مش منى انا بس ده من كل الناس اللى معايا فى المنتدى لكل من شارك و لو برد واحد بس على اى استفسار و اخص بالشكر م / محمد ممدوح ، م / طارق ، م / محمد الشامى ، م / عصام غنايم
و محدش يزعل منى لو نسيته - البشوات هنا كتير اوى -
يا رب يا رب يا رب ميحرمناش من بعض ابدا و على الرغم انى مشفتش الناس دى شخصيا لكن ان شاء الله هنتعرف على بعض قريب اوى
و ربنا يديم المعروف
اخوكم مصطفى محمود
اقعدوا بالعافيه
+++1111111
المفضلات